ព័ត៌មានជាតិ

ប្រជាពលរដ្ឋស្នើសុំឲ្យអាជ្ញាធរ មូលដ្ឋាន និងក្រសួងសាធារណការ ជួយចុះពិនិត្យមើលនិងជួសជុលផ្លូវបេតុងចូលផ្សារកំពង់ត្រាច

បានផុស

៤ years មុន

នៅ

ថ្ងៃអង្គារ ២៥ តុលា ២០២២

ដោយ

ប្រជាពលរដ្ឋនៅតែបន្តការឆ្ងល់ ទៅលើផ្លូវបេតុងចូលជុំវិញ ផ្សារកំពង់ត្រាចមួយខ្សែនេះ ដែលស្ថិតនៅក្នុងភូមិកំពង់ត្រាចទី១ ឃុំ កំពង់ត្រាចខាងកើត ស្រុកកំពង់ត្រាច ខេត្តកំពតនាថ្ងៃទី២៥ខែតុលា ឆ្នាំ២០២២នេះ បាននឹងកំពុងរងការខូចខាតក្រលិចក្រឡុកខ្លាំង ដោយសារភ្លៀងធ្លាក់នៅមួយរយៈ ពេលកន្លងមកនេះ ហើយប្រជាពលរដ្ឋបានលើកឡើងថា អាជ្ញាធរស្រុកកំពង់ត្រាចក៏ដូចជាអាជ្ញាធរមូលដ្ឋានហាក់បីដូចជាមិនសូវយកចិត្តទុកដាក់ផ្លូវបេតុងចូលផ្សារកំពង់ត្រាចនោះទេ ហើយរៀបប្រព័ន្ធលូមិនបានស្អាតទើបភ្លៀងធ្លាក់ធ្វើអោយមានការកករស្ទះតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហើយបងប្អូនប្រជាពលរដ្ឋនៅមូលដ្ឋានខាងលើបានស្នើសុំឲ្យអាជ្ញាធរស្រុក ជាពិសេសអាជ្ញាធរខេត្ត និង ក្រសួងសាសាធារណការ សូមមេត្តាជួយជួសជុល ផ្លូវបេតុងចូលជុំវិញផ្សារកំពង់ត្រាចនេះ ឲ្យបានស្អាតឡើងវិញផង ខណៈពេល ដែលពួកគាត់មិនដែលបានឃើញខាងមន្ត្រីជំនាញ ថែទាំផ្លូវ ឬជួសជុលឱ្យបានស្អាតឡើងវិញនោះឡើយ ប្រជាពលរដ្ឋដែលរស់នៅជុំវិញ ផ្សារកំពង់ត្រាច បានសំណូមពរសុំឱ្យ អាជ្ញាធរស្រុក ឬខេត្តគួរណាស់ចុះមកពិនិត្យមើល ផ្លូវបេតុងចូលជុំវិញផ្សារកំពង់ត្រាចនេះផង។

បងប្អូនប្រជាពលរដ្ឋមានការស្នើសុំនេះ ក្រោយពីសង្កេតឃើញថា ផ្លូវចូលផ្សារនេះ បានរងការខូចខាត យូរខែមកហើយ តាំងពីខូចតិចតួច រហូតដល់ខូចខ្លាំង។

ចំណែកលោក ហាម បាវ ជាអ្នកគ្រប់គ្រងផ្សារកំពង់ត្រាច បានឲ្យដឹងថា ផ្លូវបេតុងនៅជុំវិញផ្សារនេះដែលកំពុង រងការខូចបន្តិចបន្តួចមែនពិត ហើយខាងផ្សារយើង ក៏បានជួសជុលបន្តិចម្ដងៗ ដើម្បីឲ្យប្រជាពលរដ្ឋងាយស្រួល និងធ្វើដំណើរចេញចូល។

ចំណែកឯប្រជាពលរដ្ឋ ដែលមានផ្ទះនៅជាប់ផ្លូវចូលបានមកលក់ដូរនៅលើផ្លូវសាធារណៈផ្លូវចូលផ្សារពីខាងលិចនេះ ក៏ដូចប្រជាពលរដ្ឋដែលបានតសំយាបចេញពីមុខផ្ទះចេញពីមុខផ្ទះធ្វើតូបលក់មកលើដងផ្លូវសាធារណៈរបស់រដ្ឋឲ្យកាន់តែរួមតូចនោះ ត្រូវបានរដ្ឋបាលស្រុកបានធ្វើលិខិតជូនដំណឹងដល់ប្រជាពលរដ្ឋរួចមកហើយ។

ទោះបីជាយ៉ាងណាក៏ដោយ ប្រជាពលរដ្ឋនៅតែបន្តរិះគន់ អាជ្ញាធរស្រុកកំពង់ត្រាចហាក់បីដូចជាមិនមានវិធានការក្ដៅណាមួយនោះឡើយ គឺអាជ្ញាធរច្រើនជំនាន់មកហើយ នៅតែបណ្ដែតបណ្ដោយឱ្យ ពលរដ្ឋទាំងនោះតសំយាបមកដាក់លក់ដូរ នៅលើផ្លូវសាធារណៈនេះដដែលធ្វើឱ្យប៉ះពាល់ដល់ អ្នកដំណើរភ្ញៀវជាតិ ឬ អន្តរជាតិ។ សព្វថ្ងៃនេះនៅទីប្រជុំជនផ្សារកំពង់ត្រាច យើងមិនទាន់មាន អគ្គិភ័យឆាបឆេះដូចផ្សារដទៃ បើសិនជាមានផ្ទះប្រជាពលរដ្ឋណាមួយឆាបឆេះកើតឡើងប្រការណាមួយនោះ គឺមិនអាចជួយពន្លត់បានទាន់ពេលនោះទេ ដោយសារប្រជាពលរដ្ឋនៅផ្លូវចូលជុំវិញផ្សារកំពង់ត្រាចនេះ គេបាននាំគ្នាតសំយាបធ្វើឱ្យចង្អៀតរួមតូចអស់ទៅហើយ៕

ដោយ ៖ សឹង រ៉ាត់