ព័ត៌មានជាតិ
អាជ្ញាធរឲ្យពន្លឿនស្ថាបនាផ្លូវជាតិលេខ ២ ពីរង្វង់មូលតាខ្មៅដល់គល់ស្ពានព្រែកហូរឱ្យបានឆាប់
អាជ្ញាធរខេត្តកណ្តាលបានជំរុញឱ្យក្រុមហ៊ុន HAN SHIN របស់ប្រទេសកូរ៉េខាងត្បូងឲ្យពន្លឿនស្ថាបនាផ្លូវជាតិលេខ ២ ពីរង្វង់មូលតាខ្មៅដល់គល់ស្ពានព្រែកហូរឱ្យបានឆាប់ ដើម្បីសម្រួលដល់ការធ្វើចរាចរណ៍និងការដឹកជញ្ជួនទំនិញរបស់ប្រជាពលរដ្ឋឱ្យបានប្រសើរ។
នៅក្នុងឱកាសដឹកនាំមន្ទីរជំនាញ អាជ្ញាធរក្រុងតាខ្មៅ មន្ត្រីពាក់ព័ន្ធ និងក្រុមការងារ ចុះមកពិនិត្យ ដើម្បីពន្លឿនដល់ការស្ថាបនាផ្លូវជាតិលេខ២ ឡើងវិញដែលមានប្រវែង ២៥៥០ម៉ែត្រ គិតចាប់ពីរង្វង់មូលតាខ្មៅ ដល់គល់ស្ពានព្រែកហូរកាលពីរសៀលថ្ងៃទី២៥ តុលា លោក ហាក់ សុខមករា បានណែនាំដល់ក្រុមហ៊ុន HAN SHIN កូរ៉េ ដែលទទួលបានសិទ្ធិក្នុងការសាងសង់ ត្រូវខិតខំសាងសង់កំណត់ផ្លូវជាតិលេខ២នេះ អោយបានលឿន ត្រូវរកដំណោះស្រាយ និងនីតិវីធីនៃការសាងសង់ផ្លូវឱ្យមានគុណភាពរឹងមាំ ប្រើប្រាស់ជាប់បានយូរអង្វែង សំដៅជួយសម្រួលដល់ការធ្វើដំណើររបស់ប្រជាពលរដ្ឋបានងាយស្រួល សុវត្ថិភាព និងមានសោភ័ណ្ឌភាព។
ជាងនេះទៀត លោកអភិបាលរងខេត្តបានជំរុញឱ្យក្រុមហ៊ុន ត្រូវតែរាយការណ៍អំពីបញ្ហាប្រឈម និងសហការជាមួយអាជ្ញាធរឱ្យបានជាប់ជាប្រចាំ ដើម្បីរួមគ្នាដោះស្រាយបញ្ហានានាដែលកើតមានឡើងក្នុងកំឡុងពេលនៃការសាងសង់ ធ្វើយ៉ាងណាឱ្យដំណើរការសាងសង់ទទួលបានភាពជោគជ័យ និងឆាប់រហ័សតាមការគ្រោងទុក។
សូមរំលឹកថាក្រុមហ៊ុន ហានស៊ីន (Hanshin) របស់កូរ៉េខាងត្បូង ដែលទទួលបានសិទ្ធិសាងសង់ផ្លូវជាតិលេខ២ និងលេខ ២២ ត្រូវបានលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនធ្លាប់បានស្តីបន្ទោសខ្លាំងៗថាសាងសង់ផ្លូវមានភាពយឺតយ៉ាវនិងគ្មានគុណភាពផងដែរ៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត