ព័ត៌មានជាតិ

មន្ត្រីយោធាជាម្ចាស់មន្ទីរសម្រាកព្យាបាល និងសម្ភព សុខ ម៉េង ដកកាំភ្លើងវាយសន្តិសុខត្រូវសមត្ថកិច្ចឃាត់ខ្លួន

បានផុស

៦ years មុន

នៅ

ថ្ងៃចន្ទ ៤ មករា ២០២១

ដោយ

ម្ចាស់មន្ទីរសម្រាកព្យាបាល និងសម្ភព សុខ ម៉េង និងជាមន្ត្រីយោធាម្នាក់ ដែលដកកាំភ្លើងខ្លីពីចង្កេះបញ្ចូលគ្រាប់ រួចវាយទៅលើសន្តិសុខម្នាក់ បណ្ដាលឲ្យរងបួសបែកក្បាលត្រូវសមត្ថកិច្ចឃាត់ខ្លួនបានហើយ។

សមត្ថកិច្ចបានឲ្យដឹងថា ជនរងគ្រោះឈ្មោះ ច្រឹក ស៊ីណា ភេទប្រុស អាយុ២៩ឆ្នាំ ជាសន្តិសុខក្រុមហ៊ុនសាវែនស្តា។ ចំណែកជនបង្កមិនទាន់ស្គាល់អត្តសញ្ញាណនៅឡើយទេគ្រាន់តែដឹងថា ជាមន្ត្រីយោធាម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបង្ហើបបានឲ្យដឹងថា មុនពេលកើតហេតុ ម្ចាស់មន្ទីរពេទ្យបានហៅជនរងគ្រោះមកសួរនាំ ពេលនោះ ក៏មានការប្រកែកគ្នាបន្តិចបន្តួច។ ភ្លាមនោះជនបង្កបានដកកាំភ្លើងពីចង្កេះបញ្ចូលគ្រាប់និងវាយក្បាលជនរងគ្រោះ បណ្ដាលឲ្យរងរបួសដេកដួលនឹងដីតែម្តង។

ក្រោយកើតហេតុសមត្ថកិច្ចបានចុះទៅដល់ចំណុចកើតហេតុនិងឃាត់ខ្លួនជនបង្កយកទៅសួរនាំ។

គរបញ្ជាក់ថា កាលពីវេលាម៉ោង១២ និង២២នាទី ថ្ងៃទី០៤ ខែមករា ឆ្នាំ២០២១ មានករណីហិង្សាមួយ នៅមុខមន្ទីរសម្រាកព្យាបាល សុខ ម៉េង ភូមិអង្គស្នួលទី៣ ឃុំពើក ស្រុកអង្គស្នួល ខេត្តកណ្តាល ។

រហូតមកដល់ពេលនេះសមត្ថកិច្ចកំពុងសួរនាំដើម្បី ដឹងពីដំណើររឿង៕

អត្ថបទ ៖ សុខុម

Related Topics:ករណីហិង្សា