ព័ត៌មានជាតិ
ពីភ្នំពេញ អគ្គលេខាធិការ UN ជំរុញឲ្យអាស៊ានខិតខំស្វែងរកយុទ្ធសាស្ត្ររួម ដើម្បីអាចឈានទៅបញ្ចប់វិបត្តិនៅមីយ៉ាន់ម៉ា
លោក អាន់តូនីញ៉ូ ហ្គូតេរេស អគ្គលេខាធិការអង្គការសហប្រជាជាតិ បានថ្លែងជំរុញដល់ប្រទេសជាសមាជិកអាស៊ានទាំងអស់ខិតខំប្រឹងប្រែងស្វែងរកយុទ្ធសាស្ត្ររួមមួយ ដើម្បីអាចឆ្ពោះទៅបញ្ចប់វិបត្តិនយោបាយនៅប្រទេសមីយ៉ាន់ម៉ា។ លោក អាន់តូនីញ៉ូ ជំរុញបែបនេះនៅក្នុងកិច្ចប្រជុំកំពូលជាមួយមេដឹកនាំអាស៊ាន នៅរាជធានីភ្នំពេញ កាលពីរសៀលថ្ងៃទី ១១ ខែវិច្ឆិកា ឆ្នាំ ២០២២។
លោក អាន់តូនីញ៉ូ ហ្គូតេរេស បានថ្លែងស្វាគមន៍ចំពោះគោលការណ៍របស់អាស៊ាន តាមរយៈកិច្ចព្រមព្រៀងជាឯកច្ឆន្ទប្រាំចំណុចរបស់មេដឹកនាំអាស៊ាន កាលពីអំឡុងឆ្នាំ ២០២១ ស្ដីពី ដំណោះស្រាយបន្ទាន់សម្រាប់វិបត្តិនយោបាយ នៅប្រទេសមីយ៉ាន់ម៉ា។ ត្រង់ចំណុចនេះ លោក អាន់តូនីញ៉ូ ក៏បានជំរុញបន្ថែមឲ្យប្រទេសទាំងអស់ ជាពិសេសប្រទេសជាសមាជិកអាស៊ាន ដើម្បីស្វែងរកយុទ្ធសាស្ត្របង្រួបបង្រួមមួយ ឆ្ពោះទៅកាន់ប្រទេសមីយ៉ាន់ម៉ា ដោយផ្តោតលើតម្រូវការ និងសេចក្តីប្រាថ្នារបស់ប្រជាជនមីយ៉ាន់ម៉ា។
អគ្គលេខាធិការរូបនេះ អះអាងថា ស្ថានភាពនយោបាយ សន្តិសុខ សិទ្ធិមនុស្ស និងមនុស្សធម៌នៅក្នុងប្រទេសមីយ៉ាន់ម៉ាកំពុងធ្លាក់ចូលទៅក្នុងគ្រោះមហន្តរាយកាន់តែជ្រៅទៅៗ។ ទន្ទឹមនេះ លោក ក៏បានប្រកាសថ្កោលទោស ចំពោះកម្រិតកើនឡើងនៃអំពើហិង្សា ការប្រើប្រាស់កងកម្លាំងប្រដាប់អាវុធ និងស្ថានភាពសិទ្ធិមនុស្សដ៏គួរឲ្យព្រួយបារម្ភនៅក្នុងប្រទេសជាសមាជិកអាស៊ានមួយនេះ។ ខណៈលោក ចាត់ទុកការវាយប្រហារដ៏សាហាវទៅលើជនស៊ីវិល គឺអាចបង្កើតជាឧក្រិដ្ឋកម្មសង្គ្រាមក្រោមច្បាប់អន្តរជាតិ។
ជាមួយគ្នានេះ លោកអគ្គលេខាធិការ ក៏បានអំពាវនាវម្តងជាថ្មីម្ដងទៀត ដល់អាជ្ញាធរយោធាមីយ៉ាន់ម៉ា ឲ្យដោះលែងអ្នកទោសនយោបាយទាំងអស់ ហើយចាប់ផ្តើមដំណើរការស្វែងការដំណោះស្រាយរួមគ្នា ដើម្បីត្រលប់ទៅរកលទ្ធិប្រជាធិបតេយ្យឡើងវិញ ដោយលោកបញ្ជាក់ថា នេះគឺជាផ្លូវតែមួយគត់ ដើម្បីជួយឲ្យមីយ៉ាន់ម៉ាវិលទៅរកប្រក្រតីភាព ធានាបាននូវសន្តិភាព និងសន្តិសុខដ៏ស្ថិតស្ថេរនៅមីយ៉ាន់ម៉ា៕
ដោយ៖ ធឿន វ៉ាន់សុង
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)