ព័ត៌មានជាតិ

វគ្គបណ្តុះបណ្តាលអាជ្ញាកណ្តាល ចៅក្រម និងការប្រកួតជើងឯកកីឡាវ៉ូវីណាមនឹងធ្វើនៅចុងខែនេះ

បានផុស

៤ years មុន

នៅ

ថ្ងៃអង្គារ ៥ មករា ២០២១

ដោយ

លោក ស៊ុម សារឿន ប្រធានសហព័ន្ធកីឡាវ៉ូវីណាមកម្ពុជា នាព្រឹកថ្ងៃទី៥ ខែមករា ឆ្នាំ២០២១ បានដឹកនាំកិច្ចប្រជុំគណៈកម្មាធិការប្រតិបត្តិរបស់សហព័ន្ធ ដើម្បីត្រៀមលើការងារបើកវគ្គបណ្តុះបណ្តាលអាជ្ញាកណ្តាលចៅក្រម២០២០ និង ព្រឹត្តិការណ៍ការប្រកួតកីឡាវ៉ូវីណាមជ្រើសរើសជើងឯកថ្នាក់ជាតិឆ្នាំ២០២០ ដែលនឹងធ្វើនាចុងខែមករានេះ នៅទីលានសហព័ន្ធក្នុងមជ្ឈមណ្ឌលជាតិហ្វឹកហ្វឺនកីឡា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ូ រតនា អគ្គលេខាធិការសហ ព័ន្ធកីឡាវ៉ូវីណាមកម្ពុជា បានមានប្រសាសន៍ថា អង្គប្រជុំបានសម្រេចជាផ្លូវការហើយសម្រាប់វគ្គបណ្ដុះបណ្ដាលអាជ្ញាកណ្តាល ចៅក្រម និងព្រឹត្តិការណ៍ការប្រកួតកីឡាវ៉ូវីណាមជ្រើសរើសជើងឯកថ្នាក់ជាតិ ២០២ ០ បន្ទាប់ពីត្រូវបានពន្យារពេលកាលពីឆ្នាំ ២០២០ដោយសារមេរោគCOVID-19។ លោកបន្តថា សម្រាប់វគ្គបណ្តុះបណ្តាលអាជ្ញាកណ្តាល ចៅក្រម២០២០នឹងប្រព្រឹត្តទៅចាប់ពីថ្ងៃទី១៥ដល់ថ្ងៃទី២០ ខែមករា ឆ្នាំ២០២១ និងព្រឹត្តិការណ៍ការ ប្រកួតកីឡាវ៉ូវីណាមជ្រើសរើសជើងឯកថ្នាក់ជាតិ២០២០ នឹងប្រព្រឹត្តធ្វើចាប់ពីថ្ងៃ ទី២១ដល់ថ្ងៃទី២៣ ខែមករា ឆ្នាំ២០២១ នៅទីលានសហព័ន្ធក្នុងមជ្ឈមណ្ឌលជាតិហ្វឹកហ្វឺនកីឡា។

យោងតាមការណែនាំរបស់ក្រសួងសុខាភិបាល និងក្រសួងអប់រំ យុវជន និងកីឡាសហព័ន្ធក៏បានកាត់បន្ថយចំនួនកីឡាករ-កីឡាការិនី អាជ្ញាកណ្តាល ចៅក្រម ព្រមទាំងវិញ្ញាសាប្រកួត ផងដែរ៕

អត្ថបទ៖ វិសិទ្ធ

សូមចុចអាន៖ អុកចត្រង្គ បើកការប្រកួតជ្រើសរើសជើងឯកថ្នាក់ជាតិ ប្រចាំឆ្នាំ២០២០

Related Topics:កីឡា