Connect with us

ព័ត៌មានជាតិ

ឧបនាយករដ្ឋមន្ត្រី​ និង​រដ្ឋមន្ត្រី ៣ រូប​ នឹង​ចូលរួម​ក្នុង​វេទិកា​ជាតិ​អេកូទេសចរណ៍

បានផុស

នៅ

នៅ​ក្នុង​វេទិកា​ជាតិ​អេកូទេសចរណ៍លើក​ទី​៣ ដែល​រៀប​ចំឡើង​នៅ​ថ្ងៃទី២១-២២ ខែ​វិច្ឆិកា ឆ្នាំ​២០២២ ខាង​មុខ​នេះ​ នឹង​មាន​វត្តមាន​ឧបនាយករដ្ឋមន្ត្រី​ ព្រម​ទាំង​រដ្ឋមន្ត្រី ៣​ រូប​ នឹងអញ្ជើញ​ចូល​រួម​ជា​អធិបតីភាព​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​វត្ត​មាន​ចូលរួម​មាន​លោក​បណ្ឌិត​សភាចារ អូន ព័ន្ធមុនីរ័ត្ន ឧបនាយក​រដ្ឋមន្ត្រី រដ្ឋមន្ត្រី​ក្រសួង​សេដ្ឋកិច្ច និង​ហិរញ្ញវត្ថុ លោក​ ថោង ខុន រដ្ឋមន្ត្រី​ក្រសួង​ទេសចរណ៍ និង​ជា​ប្រធាន (គ.ជ.អ.អ.) លោក​សាយ​ សំអាល់ រដ្ឋមន្ត្រី​ក្រសួងបរិស្ថាន និង​ជា​អនុប្រធាន​អចិន្ត្រៃយ៍ (គ.ជ.អ.អ) និង​ចុង​ក្រោយ​លោក​ឌិត ទីណា រដ្ឋមន្ត្រី​ក្រសួង​កសិកម្ម រុក្ខា​ប្រមាញ់ និង​នេសាទ និង​ជា​អនុប្រធាន (គ.ជ.អ.អ.) នៅ​សណ្ឋាគារ​ហ្គាឌិនស៊ីធីនៅរាជ​ធានី​ភ្នំពេញ​។

វេទិកា​ជាតិ​អេកូទេសចរណ៍លើក​ទី​៣ ​ដំណើរ​ការ​​ទៅ​ដោយ​មាន​ការ​រៀប​ចំ​បទ​បង្ហាញ​ និង​កិច្ច​ពិភាក្សា​បច្ចេកទេស ( Panel Discussion) ថែម​ទាំង​មាន​ការ​ចូល​រួម​ពី​សំណាក់​វាគ្មិន​សំខាន់​ៗ មក​ពី​ភាគី​សាធារណៈ ផ្នែក​ឯក​ជន តំណាង​សហគមន៍ ទេសចរណ៍ និង​អេកូទេសចរណ៍ ដៃ​គូ​ជាតិ និង​អន្តរ​ជាតិ និង​ភាគី​ពាក់​​ព័ន្ធ​នានា។ វេទិកា​មួយ​នេះផ្តោត​សំខាន់​ទៅ​លើ​ប្រធាន​បទ​ចំនួន​ ២ ​រួម​មាន «ភាព​ធន់ និង​អនាគត​នៃ​វិស័យ​ទេសចរណ៍ និង​​ទេសចរណ៍​សហគមន៍​ក្នុង​បរិបទ» «ការ​អភិរក្ស​ធន​ធាន​មនុស្ស​ធម្មជាតិ និង​ការ​លើក​កម្ពស់​ជីវភាព​សហគមន៍»។

​មិន​តែ​ប៉ុណ្ណោះ​​ នា​ឱកាស​នោះ​ដែរ​ក៏​នឹង​មាន​ការ​ចុះ​ហត្ថលេខា​លើ​ឯកសារ​សំខាន់ៗ​មួយ​ចំនួន​រួមមាន៖

  • កិច្ច​ព្រមព្រៀង​ស្ដី​ពី​«​ការ​គ្រប់​គ្រង​សហគមន៍​តំបន់​ការពារ​ជាតិ​រវាង​អគ្គ​នាយកដ្ឋាន​សហគមន៍​មូលដ្ឋាន​នៃ ក្រសួង​បរិស្ថាន និង​សហគមន៍​ចំនួន ៦
  • ​អនុស្សរណៈ​យោគយល់​រវាង​(គ.ជ.អ.អ) និង​ស្ថានទូត​ឥណ្ឌា​ប្រចាំ​កម្ពុជា លើ​គម្រោង​ដែល​មាន​ឥទ្ធិពល​(QIP) ទី៣ ស្តី​ពី​«​ការ​រៀប​ចំ Mobile App ដើម្បី​ផ្សព្វ​ផ្សាយ​សហគមន៍​ ទេសចរណ៍​ និង​អេកូ ទេសចរណ៍
  • ​អនុស្សរណៈ​យោគយល់​រវាង (​គ.ជ.អ.អ) និង​អង្គការ​សម្ព័ន្ធ​ភាព​ដើម្បី​អភិរក្ស​ធនធាន​មនុស្ស (FACT)« សម្រាប់​ភាព​ជា​ដៃ​គូ​លើ​ការ​ជំរុញ​ការ​អភិវឌ្ឍ​សកម្មភាព​ទេសចរណ៍ និង​ទេសចរណ៍​សហគមន៍​នៅ​តំបន់​បឹង​ទន្លេសាប
  • ​អនុស្សរណៈ​យោគយល់​រវាង(គ.ជ.អ..អ) និង​សហគ្រិន​ខ្មែរ​សម្រាប់​«គម្រោង​ លើក​កម្ពស់​សកម្មភាព​ទេសចរណ៍ និង​អេកូ ទេសចរណ៍​ក្នុង​សហគមន៍ សម្រាប់​បណ្ដា​ខេត្ត​ភាគ​ខាង​ជើង​ក្នុង​ការ​ស្តា​ និង​លើក​ស្ទួយ​វិស័យ​ទេសចរណ៍​ពី​វិបត្តិ​កូវីដ ១៩ សម្រាប់​ឆ្នាំ​២០២២
  • អនុស្សរណៈ​យោគយល់​ស្តី​ពី​«​ការ​បង្កើត​បណ្ដាញ​អេកូ ទេសចរណ៍​បឹង​ទន្លេសាប»

គួរ​បញ្ជាក់​ផង​ថា ​វេទិកា​ក៏​នឹង​មាន​រៀប​ចំ​ជាពិព័រណ៍​ខ្នាត​តូច​ស្ដី​សហគមន៍​ទេសចរណ៍​ និង​អេកូទេសចរណ៍ ដើម្បី​បង្ហាញ​ពី​ ផលិត​ផលនិង​សមិទ្ធផល​សំខាន់​ៗ​ពាក់ព័ន្ធ​នឹង​ការងារ​អភិវឌ្ឍន៍​ ទូទាំង​ប្រទេស​​រួម​ជា​មួយ​ព្រឹត្តិការណ៍​ផ្សេងៗ​មួយ​ចំនួន​ទៀត​​ផង​ដែរ៕

ដោយ៖ ថារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម