នាវាពិឃាត​ជើង​ទឹក​ជប៉ុន​​បាន​ចាក​ចេញ​​ពី​​កម្ពុជា​ហើយ​​នៅ​ថ្ងៃ​នេះ​

នៅ​វេលា​ម៉ោង៨​:៤៥​នាទី ថ្ងៃ​​ទី​២០​ ខែ​វិច្ឆិកា ឆ្នាំ២០២២ នាវា​ស្វ័យ​ការពារ​ជើង​ទឹក​ជប៉ុន​ចំនួន ១​គ្រឿង​ បាន​ចាក​ចេញពីកំពង់​ផែ​ស្វយ័ត​ក្រុងព្រះសីហនុ ដោយ​សុវត្ថិភាព ​បន្ទាប់​ពី​បញ្ចប់​ទស្សន​កិច្ចរយៈពេល៣ថ្ងៃ(ពី​ថ្ងៃ​ទី​១៨​ ដល់​២០ ​​ខែ​វិច្ឆិកា​ ឆ្នាំ​២០២២​នេះ​។

ក្នុងឱកាសចូលចតរបស់នាវាពិឃាត កងស្វ័យការពារជើងទឹកជប៉ុននៅ​កំពង់ផែស្វយ័តក្រុង​ព្រះសីហនុ​ដឹក​នាំ​ដោយ​​មេ​បញ្ជាការនាវា លោក វរនាវីឯក KUDO MASANORI ​ មាន​ការ​ទទួលស្វាគមន៍ពីនាយនាយរងកងទ័ពជើង​ទឹកមូលដ្ឋានសមុទ្រដឹក​នាំដោយ​លោកឧត្តមនាវីត្រី អ៊ិន សុខេមរ៉ា នាយសេនាធិការ រងមូលដ្ឋានសមុទ្រ​ដើម្បីពង្រឹងចំណង​សាមគ្គីភាព មិត្តភាព និងកិច្ច​សហប្រតិបត្តិការ​ល្អ​រវាងកងទ័ពជើងទឹកទាំងពីរកម្ពុជា-ជប៉ុន។

លក្ខណៈ​បច្ចេកទេស​នាវា​៖

នាវា​ឈ្មោះ JS HARUSAME (DD-102)

-ប្រភេទ នាវាពិឃាដ

-​បណ្ដោយ 151m

-​ទទឹង 17.4m

-ជម្រៅ​ទឹក 5.2m

-​ទំងន់​ផ្ទុក 4.550 tons

-​ចំនួន​មនុស្ស 205នាក់​

អត្ថបទ៖ ស៊ុយ​ ចាន់ធា

​​