ព័ត៌មានជាតិ
ការចូលរួមបរិច្ឆាគឈាមដោយស្ម័គ្រចិត្តនៅកម្ពុជាបានកើនឡើង៥ភាគរយ
លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាមបានមានប្រសាសន៍ថា បច្ចុប្បន្ននេះការចូលរួមបរិច្ឆាគ ឈាមដោយស្ម័គ្រចិត្តនៅកម្ពុជាបានកើនឡើង៥ភាគរយពោលគឺពី ១០ភាគរយ ដល់១៥ភាគរយដែលបានចូលរួមចំណែកយ៉ាងសំខាន់ក្នុងការជួយសង្គ្រោះអាយុជីវិតអ្នកជំងឺដែលត្រូវការឈាមជាចាំបាច់។
ថ្លែងក្នុងកម្មវិធីកិច្ចបរិច្ចាគឈាមរបស់មន្ទីរពេទ្យជប៉ុនសាន់រ៉ាយស៍ភ្នំពេញក្រោមប្រធានបទ «ផ្តល់ឈាម ផ្តល់ក្តីស្រលាញ់» នៅព្រឹកថ្ងៃទី២៧វិច្ឆិកា នេះ លោក វេជ្ជបណ្ឌិត បានបន្តថា ការចូលរួមបរិច្ឆាគឈាមដោយស្ម័គ្រចិត្តបានធ្លាក់ចុះយ៉ាងខ្លាំងនៅក្នុងកំឡុងពេលមានការរាតត្បាតជំងឺកូវីដ១៩ ដោយធ្លាក់ចុះពី២០ភាគរយមកនៅត្រឹម១០ភាគរយដែលធ្វើឱ្យមានការប្រឈមនឹងការខ្វះខាតឈាមជាខ្លាំង។
ប៉ុន្តែបន្ទាប់ពីស្ថានភាពជំងឺកូវីដ១៩មានលក្ខណៈល្អប្រសើរដោយរាជរដ្ឋាភិបាលបានបើកដំណើរការប្រទេសឡើងវិញរួចមកការចូលរួមបរិច្ឆាគឈាមដោយស្ម័គ្រចិត្តបានកើនឡើងពី១០ភាគរយដល់១៥ភាគរយដោយសារមានការចូលរួមបរិច្ឆាគឈាមច្រើន។
លោក វេជ្ជបណ្ឌិតបានបន្តទៀតថា «ការចូលរួមរបស់វិស័ឯកជន មហាជននិងយុជនពិតជាមានសារសំខាន់ណាស់ក្នុងសេវាកម្មជាតិផ្តល់ឈាមព្រោះថាបើមិនមានការចួលពីមហាជននិងសប្បុរសជនទេសេវាកម្មផ្តល់ឈាមជាតិមិនអាចប្រព្រឹត្តិទៅបានទេខណៈនៅរាជធានីភ្នំពេញមានតម្រូវការឈាម២៥០ប្លោកនិងនៅទូទាំងប្រទេសមានប្រមាណជាង៣០០ប្លោកក្នុង១ថ្ងៃៗ»។
លោកវេជ្ជបណ្ឌិតបានបន្ថែមថា បើទោះបីជាមានការចូលរួមច្រើនក៏ដោយក៏អត្រាអ្នកចូលរួមបរិច្ឆាគឈាមដោយស្ម័គ្រចិត្តក៏នៅមានកម្រិតនៅឡើយហើយក្នុងការដោះស្រាយបញ្ហាកង្វះខាតឈាមទាមទារឱ្យមានការចូលរួមរហូតដល់ជាង៨០ភាគរយដោសារតម្រូវការឈាមមានការកើនឡើងជារៀងរាល់ឆ្នាំ។
លោកវេជ្ជបណ្ឌិតបានបញ្ជាក់ថា ការបរិច្ឆាគឈាមមិនធ្វើឱ្យប៉ះពាល់ដល់សុខភាពនោះទេ។ ផ្ទុយទៅវិញវាមានអត្ថប្រយោជន៍ផ្នែកសុខភាពជាច្រើនដូចជាឱ្យយើងបានដឹងពីស្ថានភាពជំងឺឆ្លងផ្សេងៗរួមមាន ជំងឺថ្លើមប្រភេទ បេ សេ ស្វាយ អេដស៍។ ហើយក្រុមការងារនៃមជ្ឈមណ្ឌលជាតិផ្តល់ឈាមនឹងរក្សាការសម្ងាត់ជូន។ ជួយកាត់បន្ថយផងដែរនូវហានិភ័យនៃជំងឺមហារីកនានា កាត់បន្ថយកំហាប់ឈាមនិងការលើសជាតិដែកដែលធ្វើឲ្យមានផលប៉ះពាល់ដល់ថ្លើមនិងលំពែង។ ជួយធ្វើឲ្យប្រសើរឡើងនូវសុខភាពបេះដូង បន្ថយការឡើងទម្ងន់ ជំងឺដាច់សរសៃឈាមក្នុងខួរក្បាល។
លោក វេជ្ជបណ្ឌិតបានបន្ថែមទៀតថា «សូមចងចាំថាកិច្ចបរិច្ចាគឈាមមិនប៉ះពាល់ដល់សុខភាពទេ ហើយឈាមមានប្រភពតែមួយគត់ គឺពីមនុស្ស មិនមានរោងចក្រឱសថណាផលិតបានទេនិងសូមកុំរង់ចាំដល់វេលាមួយនៅពេលដែលយើងចង់ធ្វើអំណោយឈាម បែរជាហួសពេល»។
លោកប្រធានមជ្ឈមណ្ឌលជាតិផ្តល់ឈាមបានអំពាវនាវដល់ប្រជាពលរដ្ឋនិងសប្បុរសជនទាំងអស់ចូលរួមបរិច្ឆាគ ឈាមឱ្យបានកាន់តែច្រើនបន្ថែមទៀតព្រោះថាឈាមរបស់លោកអ្នកនឹងធ្វើអំណោយទានសម្រាប់ជីវិត និងបានធ្វើសកម្មភាពគ្រប់បែបយ៉ាង ដើម្បីលើកកម្ពស់ការបរិច្ចាគឈាមដោយស្ម័គ្រចិត្ដ និងមិនគិតកម្រៃ រួមចំណែកជួយសង្គ្រោះជីវិតជនរងគ្រោះដោយក្ដីសប្បុរស។
ជាងនេះទៀតវានឹងបង្កើតទម្លាប់ និងវប្បធម៌នៃការបរិច្ចាគឈាមដោយស្ម័គ្រចិត្ត និងជំរុញលើកកម្ពស់ឲ្យយុវជន ប្រជាជនទូទៅ ចូលរួមធ្វើសកម្មភាពជាមួយសេវាកម្មជាតិផ្តល់ឈាម នៅទូទាំងប្រទេសដើម្បីធានាឲ្យមានការផ្គត់ផ្គង់ឈាមគ្រប់គ្រាន់សម្រាប់អ្នកជំងឺជាមាតាដែលកំពុងត្រូវការឈាមនៅគ្រប់មន្ទីរពេទ្យទាំងអស់ដោយគ្មានការរើសអើង មិនប្រកាន់ជាតិសាសន៍ ឬសាសនា។ ជាមួយគ្នានេះវាបានផ្សារភ្ជាប់សកម្មភាពនៃការបរិច្ចាគឈាមដោយ ស្ម័គ្រចិត្តទៅនឹងសកម្មភាពមនុស្សធម៌ដ៏ល្អប្រពៃក្នុងសង្គមផងដែរ៕
សំអឿន
-
ព័ត៌មានជាតិ២២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល