ព័ត៌មានជាតិ
មន្រ្តីប្រាប់ថា ពលករខ្មែរឆ្លងកូវីដ១៩ នៅថៃ ទទួលការព្យាបាលដោយឥតគិតថ្លៃ
ពលរដ្ឋខ្មែរធ្វើការនៅប្រទេសថៃ ដែលរកឃើញឆ្លងជំងឺកូវីដ១៩ កំពុងត្រូវបានយកចិត្តទុកដាក់ពីមន្ត្រីសុខាភិបាលថៃ និងទទួលការព្យាបាលដោយឥតគិតថ្លៃ។
ស្របពេលប្រទេសថៃកំពុងផ្ទុះជំងឺកូវីដ១៩រីករាលដាល លោក វេជ្ជបណ្ឌិត អ៊ុក វិទ្យាអនុប្រធានមន្ទីរសុខាភិបាលខេត្តបាត់ដំបង បានអំពាវនាវឲ្យពលករខ្មែរ ដែលធ្វើការនៅប្រទេសថៃ សូមកុំជ្រួលច្របល់វិលត្រឡប់មកស្រុកវិញ ពោលគឺធ្វើការនៅទីណា សូមនៅទីនោះសិន ព្រោះប្រទេសថៃ ក៏មានកន្លែងធ្វើចត្តាឡីស័ក និងពិនិត្យព្យាបាលជំងឺកូវីដ១៩គ្រប់គ្រាន់ ដោយមិនគិតលុយ។
លោកវេជ្ជបណ្ឌិត បានបញ្ជាក់បន្ថែមថា បើសិនបានជាវិលត្រឡប់មកវិញតាមច្រករបៀងក្តី តាមផ្លូវកាត់ក្តី សូមស្ម័គ្រចិត្តចូលខ្លួនមកធ្វើចត្តាឡីស័ក១៤ថ្ងៃសិន មុនចូលទៅកាន់សហគមន៍ និងបើចូលដល់សហគមន៍ហើយ សាមីខ្លួន សាច់ញាតិ ឬ អ្នកជិតខាង សូមរាយការណ៍ជាបន្ទាន់មកកាន់ អាជ្ញាធរមូលដ្ឋានឲ្យបានដឹង ដើម្បីបញ្ជូនមកធ្វើចត្តាឡីស័ក១៤ថ្ងៃ ឬ ធ្វើចត្តាឡីស័ក នៅផ្ទះផ្ទាល់ដោយគោរពទៅតាមការណែនាំរបស់ក្រសួងសុខាភិបាល។
លោក វឿង ប៊ុនរ៉េត ប្រធានមន្ទីរសុខាភិបាលខេត្តបាត់ដំបង បានបញ្ជាក់បន្ថែមថា បច្ចុប្បន្ននេះ សភាពការគ្រប់គ្រងពលករត្រឡប់មកពីប្រទេសថៃ គឺអាជ្ញាធរ សមត្ថកិច្ចពាក់ព័ន្ធ និងមន្ត្រីសុខាភិបាលគ្រប់គ្រងបានល្អ ពុំមានធ្លាយចូលសហគមន៍ ដោយពុំទាន់ធ្វើចត្តាឡីស័កនោះទេ។ ទោះបីយ៉ាងណា លោកចង់ឲ្យពលរដ្ឋចូលរួមបន្ថែមទៀត គឺពលរដ្ឋ ទាំងអស់ត្រូវក្លាយជាភ្នាក់ងារផ្តល់ព័ត៌មានទៅកាន់អាជ្ញាធរមូលដ្ឋាននៅពេលពិនិត្យឃើញថា មានពលករទើបត្រឡប់មកពីប្រទេសថៃ ចូលសហគមន៍ ឬ សង្ស័យ មានការកើតជំងឺកូវីដ១៩ នៅសហគមន៍របស់ខ្លួន។
លោក វឿង ប៊ុនរ៉េត បញ្ជាក់ថា ពលករត្រឡប់មកពីប្រទេសថៃ តាមច្រកព្រំដែនខេត្តបាត់ដំបង គឺកម្រិតធម្មតា ពុំមានគំហុកនោះទេ គឺចន្លោះពី ២០ ទៅ៥០នាក់ ពេលខ្លះ ១០០ មាន ជាង ១០០ នាក់ ក្នុងមួយថ្ងៃ។ តួលេខសរុបពលករ ដែលត្រឡប់មកពីប្រទេសថៃគិតត្រឹមព្រឹកថ្ងៃទី០៥មករានេះ មានចំនួន ១៨១៥នាក់ ស្រី ៧៥៤នាក់ ក្នុងនោះបាន យកសំណាក ១៤៨៩នាក់ ស្រី ៦២២នាក់ រកឃើញអ្នកវិជ្ជមានកូវីដ១៩ ៦នាក់ កំពុងសម្រាកព្យាបាលនៅមន្ទីរពេទ្យខេត្តបាត់ដំបង(ពេទ្យធំ )៕
អត្ថបទ៖ សោ និយមរ័ត្ន
សូមចុចអាន៖ គិតត្រឹមថ្ងៃទី៥មករា មានកម្មករនិយោជិតជាង៣៤ម៉ឺននាក់ ទទួលបានការឧបត្ថម្ភពីរដ្ឋាភិបាល
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១២ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានអន្ដរជាតិ៩ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ