Connect with us

ព័ត៌មានជាតិ

អភិបាលខេត្តបាត់ដំបងចេញថ្លៃផ្ញើកង់ម៉ូតូបេក្ខជនប្រឡងបាក់ឌុបទាំង ១៤ មណ្ឌល

បានផុស

នៅ

បើប្រៀបធៀបទៅនឹងឆ្នាំមុនទាំងចំនួនបេក្ខជនដែលត្រូវប្រឡងយកសញ្ញាបត្រមធ្យមសិក្សាទុតិយភូមិ និងចំនួនមណ្ឌលប្រឡងក្នុងខេត្តបាត់ដំបងគឺមានការកើនឡើងព្រមទាំងមានការចាត់ចែងជួយជ្រោមជ្រែងពីសំណាក់ឯកឧត្តមអភិបាលខេត្តផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលបរិច្ឆេទនៃការប្រឡងយកសញ្ញាបត្រ មធ្យមសិក្សាទុតិយភូមិនៅទូទាំងប្រទេសនឹងត្រូវចាប់ផ្តើមនៅថ្ងៃទី ៥ និងទី៦ ខែធ្នូ ឆ្នាំ២០២២ ខាងមុខនេះហើយ។

គេសង្គេតឃើញប្អូនៗសិស្សានុសិស្ស ទាំងនៅក្នុងក្រុងបាត់ដំបង ក៏ដូចជាសិស្សដែលមកពីតាមបណ្តាស្រុកឆ្ងាយៗ បាននាំគ្នាធ្វើដំណើរទៅអុជធូបបែរបន់រូបសំណាកលោកតាដំបងគ្រញូង ដើម្បីសុំឲ្យពួកគេបានប្រឡងជាប់គ្រប់ៗគ្នា ដែលលោកធ្លាប់តែមានឈ្មោះ បោះសម្លេង រន្ទឺសុសសាយល្បីល្បាញថា មានមហិទ្ធិរិទ្ធខ្លាំងពូកែ តាំងពីដើមរៀងមក។

លោក យី សុងគី ប្រធានមន្ទីរអប់រំយុវជន និងកីឡា ខេត្តបាត់ដំបង បានមានប្រសាសន៍បញ្ជាក់ថា នៅឆ្នាំសិក្សា២០២២-២០២៣ នេះ ចំនួនមណ្ឌលប្រលងបានកើនឡើងរហូតដល់ ១៤ មណ្ឌល ដែលកាលពីឆ្នាំមុនមានតែ១០មណ្ឌល ដោយឡែកបេក្ខជនដែលបានចុះឈ្មោះប្រលងនៅទូទាំងខេត្ត សរុបមានចំនួន ៨.៩៨៧ រូប។

លោកប្រធានមន្ទីរបានបន្តថា នៅក្នុងឆ្នាំនេះដែរ មន្ទីរអប់រំខេងត្តបានរៀបចំជាកន្លែងសម្រាប់សិស្សមកពីបណ្តាស្រុកឆ្ងាយៗ បានកន្លែងសម្រាក គឺមាន៥ទីតាំងគឺ សាលាបឋមសិក្សា អូរចារ សាលាបឋមសិក្សាវត្តកំផែង សាលាបឋមសិក្សាជ្រៃកោង សាលាបឋមសិក្សា១៣មករា និងសាលាបឋមសិក្សាព្រែកព្រះស្តេច។

នៅក្នុងនោះផងដែរលោក សុខ លូ អភិបាលនៃគណអភិបាលខេត្តបាត់ដំបងក៏បានបញ្ជាទៅតាមស្រុកមួយចំនួន ឲ្យមានការពិនិត្យឡើងវិញទៅលើចំនួនសិស្សដែលត្រូវឡើងមកប្រឡង ត្រូវយកចិត្តទុកដាក់ និងធ្វើការឧបត្ថម្ភដល់សិស្សណាដែលមានជីវភាពខ្វះខាត ហើយនៅគ្រប់មណ្ឌលប្រឡងទាំង ១៤ មណ្ឌល ដោយមិនអនុញ្ញាតឲ្យយកលុយថ្លៃផ្ញើ កង់ ម៉ូតូ ឡើយដោយលោកជាអ្នកចេញមុខបង់ឲ្យទាំងអស់។

លោកប្រធានមន្ទីរបានសង្កត់ធ្ងន់ថា នៅក្នុងការប្រលងឆ្នាំនេះដែរ គឺឯកឧត្តមអភិបាលខេត្ត បានបញ្ជាឲ្យមានការត្រៀមរថយន្តសង្គ្រោះចំនួន ៧ គ្រឿង ហើយនៅក្នុងមួយមណ្ឌលត្រូវមានគ្រូពេទ្យចំនួន ២រូប ដើម្បីប្រចាំការព្រមទាំងបានត្រៀមអាល់កុល និងចែកម៉ាស់ដល់សិស្សានុសិស្ស និងអនុរក្សជាង១ពាន់នាក់ផងដែរ៕

អត្ថបទ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៩ នាទី មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៣៧ នាទី មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៤៦ នាទី មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

ព័ត៌មានជាតិ៥៤ នាទី មុន

មេបញ្ជាការ​កងទ័ពជើងគោក កម្ពុជា​-​ហ្វីលីពីន ចុះហត្ថលេខា​រួមគ្នាស្តីពី​កិច្ចសហប្រតិបត្តិការ​រ​វាង​កងទ័ពជើងគោក នៃ​ប្រទេស​ទាំងពីរ

ជីវិតកម្សាន្ដ១ ម៉ោង មុន

Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ

Sokha Hotels

ព័ត៌មានពេញនិយម