ព័ត៌មានជាតិ

អាហារូបករណ៍ ២០ កន្លែងសិក្សាឥតគិតថ្លៃនៅសាលាជំនាញបង្កើត Software នៅកម្ពុជា

បានផុស

៣ years មុន

នៅ

ថ្ងៃព្រហស្បតិ៍ ១ ធ្នូ ២០២២

ដោយ

លោក ជា វ៉ាន់ដេត រដ្ឋមន្រ្តីក្រសួងប្រៃសណីយ៍ និងទូរគមនាគមន៍ បានផ្ដល់អាហារូបករណ៍ចំនួន ២០ កន្លែងសម្រាប់ឆ្នាំសិក្សាថ្មី ដល់សិស្សានុសិស្សដែលមានបំណងចង់បន្តការសិក្សានៅមជ្ឈមណ្ឌលកូរ៉េ សហ្វវែរ អេច អ ឌី។

នៅក្នុងពិធីប្រគល់សញ្ញាប័ត្រដល់សិក្ខាកាមដែលបានបញ្ចប់ការសិក្សាដោយជោគជ័យ នៅមជ្ឈមណ្ឌលកូរ៉េ សហ្វវែរ អេច អ ឌី លោករដ្ឋមន្ត្រីបានធ្វើការវាយតម្លៃខ្ពស់ដល់មជ្ឈមណ្ឌលកូរ៉េ សហ្វវែរ អេច អ ឌី ដែលបានចូលរួមចំណែកក្នុងការបណ្តុះបណ្តាលមន្ត្រីជំនាញបច្ចេកវិទ្យាឌីជីថលបានចំនួនយ៉ាងច្រើន ហើយក្រសួងប្រៃសណីយ៍និងទូរគមនាគមន៍ចង់ឃើញការកើតឡើងនៃមជ្ឈមណ្ឌលអភិវឌ្ឍសមត្ថភាពជំនាញឌីជីផលឱ្យមានកាន់តែច្រេីន ដើម្បីគាំទ្រ និងជំនរុញការអភិវឌ្ឍធនធានមនុស្សជំនាញឌីជីថល ឱ្យបានច្រើនបន្ថែមទៀតនាពេលអនាគត។

លោករដ្ឋមន្រ្តីបន្តថា ក្នុងរយៈពេលកន្លងមកនេះ សិស្សដែលបានបញ្ចប់ការសិក្សាមួយចំនួនត្រូវបានជ្រើសរើសឱ្យចូលបម្រើការនៅក្រសួងប្រៃសណីយ៍និងទូរគមនាគមន៍ ដើម្បីចូលរួមអភិវឌ្ឍសហ្វវែរ និងប្រព័ន្ធបច្ចេកវិទ្យាឌីជីថលផ្សេងទៀត សំដៅជំរុញការធ្វើបរិវត្តកម្មឌីជីថលនៅកម្ពុជា។ បន្ថែមពីនេះទៀត ដើម្បីជាការលើកទឹកចិត្តបន្តទៀត លោករដ្ឋមន្ត្រី ក៏បានសម្រេចផ្តល់អាហារូបករណ៍ចំនួន ២០កន្លែង សម្រាប់សិក្សានៅមជ្ឈមណ្ឌលកូរ៉េ សហ្វវែរ អេច អ ឌី ផងដែរ។

មជ្ឈមណ្ឌលកូរ៉េ សហ្វវែរ អេច អ ឌី គឺជាស្ថាប័នដែលផ្តោតទៅលើការបណ្តុះបណ្តាលសិក្សាស្រាវជ្រាវលើវិស័យព័ត៌មានវិទ្យាឈានមុខមួយក្នុងប្រទេសកម្ពុជាតាំងពីឆ្នាំ២០១៣។ មជ្ឈមណ្ឌលកូរ៉េ សហ្វវែរ អេច អ ឌី មានទំនាក់ទំនង និងសហប្រតិបត្តិការយ៉ាងជិតស្និទ្ធជាមួយសាកលវិទ្យាល័យមួយចំនួន នៅសាធារណៈរដ្ឋកូរ៉េ ផងដែរ។ បច្ចុប្បន្ន ក៏ដូចជាអនាគត មជ្ឈមណ្ឌល នឹងបន្តផ្តល់ឱកាសក្នុងការសិក្សានៅក្រៅប្រទេស បន្ថែមទៀតដល់និស្សិតព័ត៌មានវិទ្យា ដើម្បីរួមចំណែកក្នុងការអភិវឌ្ឍប្រទេសកម្ពុជា៕