Connect with us

ព័ត៌មានជាតិ

អ្នកនាំពាក្យ ៖ បណ្ឌិត យ៉ង សាំងកុមារ​​ និងលោក ឡឹក សុធារ ចាប់ផ្ដើមបំពេញការងារបណ្ដើរៗហើយ

បានផុស

នៅ

អ្នកនាំពាក្យក្រសួងកសិកម្ម បានឲ្យដឹងថា ក្រសួង មិនទាន់កំណត់កាលបរិច្ឆេទផ្លូវការ ក្នុងការរៀ​បចំពិធីចូលកាន់មុខតំណែងលោកបណ្ឌិត យ៉ង សាំងកុមារ​​ ជារដ្ឋលេខាធិការ និងលោក ឡឹក សុធារ ជាអនុរដ្ឋលេខាធិការ នៅឡើយទេ។ ប៉ុន្តែទាំងលោកបណ្ឌិត យ៉ង សាំងកុមារ​​ និងលោក ឡឹក សុធារ បានចាប់ផ្ដើមបំពេញការងារជាបណ្ដើរៗហើយ តាមការចាត់តាំងរបស់លោករដ្ឋមន្ត្រី ឌិត ទីណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ២៩ ខែវិច្ឆិកាកន្លងទៅនេះ ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រ នៃព្រះរាជា ណាចក្រកម្ពុជា បានចេញព្រះរាជក្រឹត្យត្រាស់បង្គាប់តែងតាំង លោកបណ្ឌិត យ៉ង សាំងកុមារ ជារដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការ ក្រសួងកសិកម្ម រុក្ខប្រមាញ់ និងនេសាទ។ ចំណែកឯលោក ឡឹក សុធារ ត្រូវបានតែងតាំងជាអនុរដ្ឋលេខាធិការ ក្រសួងកសិកម្ម រុក្ខប្រមាញ់ និងនេសាទ។

កញ្ញា អ៊ឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ប្រាប់កម្ពុជាថ្មី នៅថ្ងៃទី ១ ខែធ្នូ ឆ្នាំ ២០២២នេះថា មកដល់ពេលនេះ ក្រសួងមិនទាន់កំណត់កាលបរិច្ឆេទផ្លូវការ ក្នុងការរៀ​បចំពិធីចូលកាន់មុខតំណែងមន្ត្រីជាន់ខ្ពស់ ដែលទើបត្រូវបានតែងតាំងថ្មីៗនេះនៅឡើយទេ។

ប៉ុន្តែលោក ឌិត ទីណា រដ្ឋមន្ត្រីក្រសួងកសិកម្ម បានណែនាំលោកបណ្ឌិត យ៉ង សាំងកុមារ​​ និងលោក ឡឹក សុធារ ជូនដល់ថ្នាក់ដឹកនាំ និងមន្ត្រីក្រសួងកសិកម្ម រុក្ខាប្រមាញ់ និងនេសាទរួចរាល់ហើយ។ ក្នុងនោះ ថ្នាក់ដឹកនាំ និងមន្ត្រីក្រសួងកសិកម្ម រុក្ខាប្រមាញ់ និងនេសាទ បានស្វាគមន៍ និងអបអរសាទរវត្តមានលោកបណ្ឌិត យ៉ង សាំងកុមារ​​ និងលោក ឡឹក សុធារ ផងដែរ។

កញ្ញា អ៊ឹម រចនា អ្នកនាំពាក្យក្រសួងកសិកម្ម បានឲ្យដឹងយ៉ាងដូច្នេះថា «ឯកឧត្ដមរដ្ឋមន្ត្រីក្រសួងកសិ​កម្ម បានណែនាំសមាជិកថ្មី លោកបណ្ឌិត ហើយនិងលោក ឡឹក សុធារ ទៅកាន់ថ្នាក់ដឹកនាំនៃក្រសួង ហើយនិងមន្ត្រីបម្រើការងារក្នុងក្រសួងទាំងអស់ ហើយទាំងថ្នាក់ដឹកនាំ និងទាំងមន្ត្រីបម្រើការងារនៅក្នុងក្រសួង បានសម្ដែងការស្វាគមន៍ ទទួលស្វាគមន៍ ហើយនិងរីករាយចំពោះវត្តមានរបស់លោកទាំងពីរ នៅក្នុងក្រសួងកសិកម្ម»។

យ៉ាងណាក៏ដោយ បើតាមកញ្ញា អ៊ឹម រចនា ដដែល ទោះបីជាមិនទាន់មានការប្រកាសចូលកាន់តំណែងជាផ្លូវការក៏ដោយ ក៏លោកបណ្ឌិត យ៉ង សាំងកុមារ និងលោក ឡឹក សុធារ បាន​ចាប់ផ្ដើមបំពេញការងារ ជាបណ្ដើរៗហើយ ជាមួយក្រុមការងាររបស់ក្រសួងកសិកម្ម តាមការចាត់តាំងរបស់លោករដ្ឋមន្ត្រី ឌិត ទីណា។

លោកបណ្ឌិត យ៉ង សាំងកុមារ អតីតប្រធានគណៈកម្មាធិការនាយក គណបក្សប្រជាធិបតេយ្យមូលដ្ឋាន និងលោក ឡឹក សុធារ អ្នកនាំពាក្យគណបក្សប្រជាធិបតេយ្យមូលដ្ឋាន បានសរសេរលិខិតកាលពីថ្ងៃទី ២៣ ខែវិច្ឆិកា ឆ្នាំ ២០២២ ដោយស្នើសុំចូលរួមជីវភាពនយោបាយ ជាមួយគណបក្សប្រជាជនកម្ពុជា និងស្នើសុំចូលរួមបម្រើការងារ ជាមួយរាជរដ្ឋាភិបាលកម្ពុជា ក្នុងការអភិវឌ្ឍវិស័យកសិកម្ម ជាពិសេ​សវិស័យស្រូវអង្ករ៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៦ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៦ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៦ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៧ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម