Connect with us

ព័ត៌មានជាតិ

កម្ពុជាមាន​ទីភ្នាក់ងារ​ជ្រើសរើស​ពលករ​ជាង ១០០ នៅទូទាំងប្រទេស

បានផុស

នៅ

លោក យូ ជីតារ៉ា តំណាងសមាគមទីភ្នាក់ងារហត្ថពលកម្មកម្ពុជាបានលើកឡើងថា បច្ចុប្បន្ននេះនៅកម្ពុជាមានទីភ្នាក់ងារជ្រើសរើសពលករឯកជនប្រមាណជាង ១០០ ដែលបានចុះបញ្ជីផ្លូវការនៅក្រសួងការងារនិងបណ្តុះបណ្តាលវិជ្ជាជីវៈ។

លោកបានប្រាប់កម្ពុជាថ្មីនៅព្រឹកថ្ងៃទី០៣ធ្នូនេះថា ក្នុងចំណោមទីភ្នាក់ងារពលករជាង១០០ ក្នុងនោះមានជ្រើសរើសពលករទៅធ្វើការនៅប្រទេសថៃ ជប៉ុន សឹង្ហបុរី ហុងកុង ម៉ាឡេស៊ី និងអារ៉ាប៊ីតសាអូឌីតជាដើម។ ចំណែកប្រទេសកូរ៉េខាងត្បូងវិញជ្រើសរើសតាមរយៈរាជរដ្ឋាភិបាលទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា បច្ចុប្បន្ននេះសមាគមកំពុងជំរុញឱ្យទីភ្នាក់ងារជ្រើសរើសពលករ ប្រើប្រាស់នូវប្រព័ន្ធវាយតម្លៃសាកល្បងនៃ​ក្រមសីលធម៌របស់ទីភ្នាក់ងារជ្រើសរើសឯកជនកម្ពុជាដោយខ្លួនឯង ដើម្បីវាយតម្លៃពីសកម្មភាពការងាររបស់ខ្លួន​ទាំងផ្លូវ​ច្បាប់ ដំណើរការជ្រើសរើស ការគ្រប់គ្រង ការគាំពារនិងការបញ្ជួនពលករនៅក្រៅប្រទេស។ ព្រោះថានៅពេលដែលក្រុមហ៊ុនណាមួយជាប់ក្នុងការវាយតម្លៃល្អនោះ វានឹងជួយធ្វើឱ្យក្រុមហ៊ុនមានកេរ្តិ៍ល្អ ស្អាតស្អំនិងមានតម្លាភាពទាក់ទាញពលករក៏ដូចជាដៃគូក្រុមហ៊ុននៅក្រៅប្រទេសមកទំនាក់ទំនងការងារកាន់តែច្រើនថែមទៀត។

លោកបានបន្តទៀតថា មានទីភ្នាក់ងារប្រមាណ១០ប៉ុណ្ណោះ បានកំពុងចូលរួមអនុវត្តប្រើប្រាស់នូវប្រព័ន្ធវាយតម្លៃសាកល្បង​នៃក្រមសីលធម៌របស់ទីភ្នាក់ងារជ្រើសរើសឯកជនកម្ពុជា ខណៈមានក្រុមហ៊ុនប្រមាណជាង ៩០ទៀតនៅមិនទាន់បានចូលរួមនៅឡើយទេ។

លោក បណ្ឌិត អ៊ិតសំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈក៏បានលើកទឹកចិត្តដល់ទីភ្នាក់ងារដែលមិនទាន់បានចូលរួមប្រើប្រាស់នូវប្រព័ន្ធវាយតម្លៃសាកល្បង​នៃក្រមសីលធម៌​របស់ទីភ្នាក់ងារជ្រើសរើសឯកជនកម្ពុជា ចូលរួមឱ្យបានគ្រប់ៗគ្នាដើម្បីផ្តល់ទំនុកចិត្តនិងភាពជឿជាក់ក្នុងការជ្រើសរើសពលករនិងបញ្ជួនពលករកាន់តែប្រសើរថែមទៀត។

លោករដ្ឋមន្ត្រីបានមានប្រសាសន៍ថា ការពិតទីភ្នាក់ងារជ្រើសរើសពលករនៅពេលទទួលបានអាជ្ញាប័ណ្ណ​ពីក្រសួងការងារមានភ្ជាប់រួចហើយនូវកិច្ចសន្យាថានឹងត្រូវធ្វីអ្វីខ្លះ ប៉ុន្តែក្នុងពេលប្រតិបត្តិឬអនុវត្តជាក់ស្តែងត្រូវធ្វើការប្តេជ្ញាចិត្តផ្ទាល់ខ្លួនទៀត​របស់ទីភ្នាក់ងារនីមួយៗ។

លោករដ្ឋមន្ត្រីបានបន្តថា «ទៅមុខថ្ងៃក្រសួងនឹងមិនបណ្តោយឱ្យភ្នាក់ងារជ្រើសរើសពលករធ្វើអ្វីខុសច្បាប់ឬបំពានទៅលើកិច្ចព្រមព្រៀងឬកិច្ចសន្យា ដែលបានចុះរួចហើយនោះទេ ព្រោះថាបើកាលណាជ្រើសរើសមិនបានត្រឹមត្រូវ​មិនមានតម្លាភាព​ទេវាអាចនឹងធ្វើឱ្យធ្លាក់ទៅនឹងការជួញដូរ»។

លោករដ្ឋមន្ត្រីបានបញ្ជាក់ថា កម្ពុជាបានរៀបចំកិច្ចព្រមព្រៀងពលករទេសន្តប្រវេសន្តជាលើកដំបូងនៅឆ្នាំ២០០២​និង២០២៣​ ជាមួយប្រទេសម៉ាឡេស៊ី។ បន្ទាប់មកទៀតប្រទេសថៃដោយផ្តើមពីទីភ្នាក់ងារ ២ ទៅ ៣ ប៉ុណ្ណោះ។ ប៉ន្តែឥឡូវបានកើនឡើងជាង ១០០ ហើយក្នុងចំណោមទីភ្នាក់ងារជាង១០០ មានតែទីភ្នាក់ងារ ២ ទៅ​ ៣ ប៉ុណ្ណោះបានអនុវត្តមិនបានត្រឹមត្រូវហើយត្រូវក្រសួងចាត់វិធានការតាមផ្លូវច្បាប់។ ក្រៅពីនេះសុទ្ធតែធ្វើបានល្អហើយសូមលើកទឹកចិត្តឱ្យធ្វើបន្តទៀត។

បើតាមលោកហេង សួរ រដ្ឋលេខាធិការក្រសួងការងារនិងបណ្តុះបណ្តាលវិជ្ជាជីវៈធ្លាប់បានលើកឡើងថា បច្ចុប្បន្ននេះមានពលករខ្មែរប្រមាណជាង ១លាន៣សែននាក់ធ្វើការនៅក្រៅប្រទេសក្នុងនោះនៅថៃមានច្រើនជាងគេរហូតដល់​ទៅ១,២២លាននាក់ នៅកូរ៉េខាងត្បូងមានជាង ៤៥ ០០០នាក់ នៅម៉ាឡេស៊ីមាន ២៣០២៧ នាក់នៅជប៉ុនមាន​១១៤៥៣ នាក់ នៅសិង្ហបុរីមាន ៨២១នាក់ នៅចិនហុងកុងមាន ២០២នាក់ និងអារ៉ាប៊ីសាអូឌីត៤៣នាក់ដោយក្នុង១ឆ្នាំៗបានផ្ញើថវិកាមកក្រុមគ្រួសារវិញប្រមាណជាង ៣ ពាន់លានដុល្លារ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤៤ នាទី មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង១ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

សន្តិសុខសង្គម២ ម៉ោង មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ២ ម៉ោង មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជនដៃ ដល់អាយុ ១៥ ឆ្នាំយកដុំថ្មវាយបែកក្បាល

ព័ត៌មានជាតិ២ ម៉ោង មុន

ជាង ៣០ ឆ្នាំ KOICA ផ្តល់ជំនួយជាង ៣៦០ លានដុល្លារដល់កម្ពុជា អភិវឌ្ឍន៍ ៤ វិស័យ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម