ព័ត៌មានជាតិ

វិទ្យាស្ថានភាសាជាតិ បង្កើតឡើងដំបូងក្រោមការដឹកនាំរបស់លោកបណ្ឌិតសភាចារ្យ ឡុង សៀម

បានផុស

៤ years មុន

នៅ

ថ្ងៃពុធ ១៤ ធ្នូ ២០២២

ដោយ

វិទ្យាស្ថានភាសាជាតិជាវិទ្យាស្ថានមួយ ស្ថិតក្រោមអាណាព្យាបាលនៃរាជបណ្ឌិតសភាកម្ពុជាដែលបង្កើតឡើងដំបូងនៅចុងឆ្នាំ ១៩៩៦ ក្រោមគំនិតផ្ដួចផ្ដើមរបស់លោកបណ្ឌិតសភាចារ ឡុង សៀម ព្រមទាំងឥស្សរជនសំខាន់ៗមួយចំនួនទៀត។

រាជរដ្ឋាភិបាលកម្ពុជាបានចេញអនុក្រឹត្យចុះនៅថ្ងៃទី១០ ខែកក្កដា ឆ្នាំ១៩៩៨ បង្កើតវិទ្យាស្ថានភាសាជាតិជាគ្រឹះស្ថានសាធារណៈរដ្ឋបាល ដែលស្ថិតក្រោមអាណាព្យាបាលបច្ចេកទេសរបស់ក្រសួងអប់រំ យុវជន និងកីឡា និងស្ថិតក្រោមអាណាព្យាបាលហិរញ្ញវត្ថុ របស់ក្រសួងសេដ្ឋកិច្ច និងហិរញ្ញវត្ថុ។

បន្ទាប់ការកកើតឡើងនៃរាជបណ្ឌិតសភាកម្ពុជានៅឆ្នាំ១៩៩៩ រាជរដ្ឋាភិបាលក៏បានបញ្ចូលវិទ្យាស្ថានភាសាជាតិមកជាវិទ្យាស្ថានទី៥ នៃរាជបណ្ឌិតសភាកម្ពុជា តាមព្រះរាជក្រឹត្យចុះថ្ងៃទី២៧ ខែឆ្នូ ឆ្នាំ១៩៩៩។

តាមព្រះរាជក្រឹត្យ ចុះថ្ងៃទី២៦ ខែធ្នូ ឆ្នាំ២០១៩ ស្តីពីការបង្កើតរាជបណ្ឌិតសភាកម្ពុជាជាគ្រឹះស្ថានសាធារណៈរដ្ឋបាលនៅឆ្នាំ ២០២០ វិទ្យាស្ថានភាសាជាតិជាឧបសម្ពន្ធទី៧របស់រាជបណ្ឌិតសភាកម្ពុជាមាននាយកដ្ឋានចំនួន៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពីការបង្កើតឆ្នាំ១៩៩៦ រហូតមកដល់ពេលបច្ចុប្បន្ន វិទ្យាស្ថានភាសាជាតិស្ថិតក្រោមការដឹកនាំរបស់ថ្នាក់ដឹកនាំចំនួន ៤ រូបដូចខាងក្រោមនេះ៖

១. លោកបណ្ឌិតសភាចារ្យ ឡុង សៀម ប្រធានវិទ្យាស្ថានពីឆ្នាំ ១៩៩៦-២០០៧

២. លោកបណ្ឌិតសភាចារ្យ អ៉ីវ ច័ន ប្រធានវិទ្យាស្ថានពីឆ្នាំ ២០០៧-២០១៣

៣. លោកបណ្ឌិត ជួរ គារី ប្រធានវិទ្យាស្ថានពីឆ្នាំ ២០១៤-២០២០

៤. លោកបណ្ឌិត មាឃ បូរ៉ា ប្រធានវិទ្យាស្ថានពីឆ្នាំ២០២០ រហូតដល់បច្ចុប្បន្ន

គួររំលឹកដែរថា វិទ្យាស្ថានភាសាជាតិ ជាស្ថាប័នសិក្សាស្រាវជ្រាវមួយពាក់ព័ន្ធនឹងភាសា និងអក្សរសាស្ត្រជាតិ។ ជាស្ថាប័ន ដែលឈានមុខគេ ពាក់ព័ន្ធភាសានិងអក្សរសាស្ត្រជាតិ បូករួមទាំងការសិក្សាស្រាវជ្រាវ អភិរក្ស អភិវឌ្ឍភាសា អក្សរ និងភាសាមនដទៃទៀតផងដែរ៕

ដោយ៖ ថារី

Related Topics:រាជបណ្ឌិត្យសភាកម្ពុជា