ព័ត៌មានជាតិ
លោក ឌិត ទីណា និងលោកបណ្ឌិត យ៉ង សាំងកុមារ ចុះបំពេញបេសកកម្មរួមគ្នាលើកដំបូង នៅខេត្តកំពង់ឆ្នាំង
លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងលោកបណ្ឌិត យ៉ង សាំងកុមារ ដែលទើបចូលកាន់តំណែង ជារដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ កាលពីពេលថ្មីៗនេះ បានចុះបំពេញបេសកកម្មរួមគ្នាលើកដំបូង នៅខេត្តកំពង់ឆ្នាំង។
កញ្ញា អ៊ឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ប្រាប់កម្ពុជាថ្មី នៅថ្ងៃទី ២១ ខែធ្នូនេះថា លោកបណ្ឌិត យ៉ង សាំងកុមារ កាលពីថ្ងៃទី ១៩ ខែធ្នូ បានអមដំណើរលោក ឌិត ទីណា រដ្ឋមន្ត្រីក្រសួងកសិកម្ម ចុះបំពេញបេសកកម្មរួមគ្នាលើកដំបូង នៅខេត្តកំពង់ឆ្នាំង។
កញ្ញា អ៊ឹម រចនា បានឲ្យដឹងបន្តថា ទោះបីនេះជាការចុះបំពេញបេសកកម្មរួមលើកទីមួយ តែលោកបណ្ឌិត យ៉ង សាំងកុមារ បានបម្រើការងារក្នុងក្របខ័ណ្ឌក្រសួងកសិកម្ម រុក្ខាប្រមាញ់ និងនេសាទ ជាច្រើនថ្ងៃមកហើយ ចាប់តាំងពីលោកបានចូលកាន់តំណែង ជារដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ មក។
លោក ឌិត ទីណា រដ្ឋមន្ត្រីក្រសួងកសិកម្ម បានបង្ហោះសារនៅលើទំព័រហ្វេសប៊ុករបស់លោក ក្នុងពេលចុះបំពេញបេសកកម្មជាមួយលោកបណ្ឌិត យ៉ង សាំងកុមារថា «ក្នុងបេសកកម្មកែទម្រង់កសិកម្ម ដោយកាត់បន្ថយថ្លៃដើម និងពង្រឹងភាពធនរបស់កសិករ តាមរយៈការចងក្រងជារចនាសម្ព័ន្ធ ប្រកបដោយប្រសិទ្ធភាព»។
ចំណែកលោកបណ្ឌិត យ៉ង សាំងកុមារ បានបង្ហោះសារនៅលើទំព័រហ្វេសប៊ុករបស់លោកដែរថា «បេសកកម្មរបស់ខ្ញុំជាមួយ ឯកឧត្តមរដ្ឋមន្រ្តីក្រសួងកសិកម្ម ទៅកាន់សហគមន៍កសិករអ្នកផលិតស្រូវនៅឃុំកំពង់អុស ខេត្តកំពង់ឆ្នាំង»។
លោកបណ្ឌិត យ៉ង សាំងកុមារ បានសរសេរបន្តថា «យើងគាំទ្រដល់សហគមន៍កសិករ ដើម្បីទទួលបានពូជល្អ បច្ចេក ទេសនិងរបៀបកាត់បន្ថយថ្លៃដើមផលិត និងការទទួលបានកិច្ចសន្យាទីផ្សារជាមួយរោងម៉ាស៊ីនចំនួន ៣»។ លោកថា «នេះជាការចាប់ផ្ដើម ដើម្បីឈានទៅសម្រេចផែនការធំ សម្រាប់កសិករ និងសង្គមជាតិទាំងមូល»។
សូមជម្រាបថា កាលពីថ្ងៃទី ២៩ ខែវិច្ឆិកា ឆ្នាំ ២០២២កន្លងទៅនេះ ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់តែងតាំងលោកបណ្ឌិត យ៉ង សាំងកុមារ ជារដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការក្រសួងកសិកម្ម រុក្ខប្រមាញ់ និងនេសាទ។
កាលពីថ្ងៃទី ១៩ ខែធ្នូ ឆ្នាំ ២០២២ថ្មីៗនេះ ព្រះមហាក្សត្រ នៃព្រះរាជាណាចក្រកម្ពុជា ក៏បានចេញព្រះរាជក្រឹត្យត្រាស់បង្គាប់តែងតាំងលោកបណ្ឌិត យ៉ង សាំងកុមារ ជាអនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ បន្ថែម លើមុខងារបច្ចុប្បន្ន ផងដែរ៕
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២០ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ