ព័ត៌មានជាតិ

សម្តេច ហ៊ុន សែន ប្ដេជ្ញាជួយបណ្ដុះបណ្ដាលកុមារា គឹមហុង ឲ្យជាប់ថ្នាក់បណ្ឌិតវិទ្យាសាស្ត្រ

បានផុស

៤ years មុន

នៅ

ថ្ងៃសៅរ៍ ២៤ ធ្នូ ២០២២

ដោយ

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជានារសៀលថ្ងៃទី២៤ ខែធ្នូ ឆ្នាំ២០២២នេះបានអនុញ្ញាតឱ្យឪពុកម្តាយ និងកុមារា ទៀង គឹម ហុង ចូលជួបដើម្បីពិភាក្សាសម្រាប់ការសិក្សានៅមហាវិទ្យាល័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្តាញសង្គមតេឡេក្រាមសម្តេចបានសរសេរថា “ល្ងាចនេះឆ្លៀតជួបចៅទៀង គឹមហុងដែលប្រឡងជាប់បាក់ឌុបនិទេ្ទសCក្នុងវ័យ១៣ឆ្នាំ៣ខែ៥ថ្ងៃដើម្បីពិភាក្សាជាមួយឪពុកម្តាយនិងចៅសម្រាប់ការសិក្សានៅមហាវិទ្យាល័យ។ខ្ញុំបានសម្រេចបំណងទីមួយរបស់ខ្ញុំគឺបានធ្វើឲ្យគឹមហុងជាប់បាក់ឌុបដែលក្មេងជាងគេនៅកម្ពុជា”។

សម្តេចបានសរសេរទៀតថា បំណងបន្តរបស់សម្តេចគឺជួយគឹមហុងឲ្យជាប់បរិញ្ញាបត្រនិងបញ្ញាបត្រជាន់ខ្ពស់ដែលក្មេងជាងគេ និងមានសមត្ថភាពល្អនាពេលខាងមុខ។បំណងចុងក្រោយរបស់សម្តេចគឺបណ្តុះបណ្តាលគឹមហុង ឲ្យជាប់ថ្នាក់បណ្ឌិតខាងវិទ្យាសាស្រ្តដែលមានគុណភាពខ្ពស់ឲ្យខាងតែបានដើម្បីរួមចំណែកកសាងប្រទេសជាតិ និងគ្រួសារ៕