ព័ត៌មានជាតិ
ទេសរដ្ឋមន្ត្រី ដឹកនាំប្រជុំពន្លឿនការងារបោសសម្អាតមីន ជាមួយប្រតិបត្តិករជាតិ-អន្តរជាតិ
លោកទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន នៅថ្ងៃទី២៦ ខែធ្នូ ឆ្នាំ២០២២នេះ បានដឹកនាំកិច្ចប្រជុំពិនិត្យ រៀបចំ និងបែងចែកតំបន់សម្រាប់បោសសម្អាតមីន ជាមួយប្រតិបត្តិករបោសសម្អាតមីនជាតិ-អន្តរជាតិ រួមមានកងទ័ពជើងគោក មជ្ឈមណ្ឌលរក្សាសន្តិភាព អង្គភាពស៊ីម៉ាក់ អង្គការ Halo Trust, MAG, NPA, CSHD និង APOPO ក្នុងនោះរាប់បញ្ចូលទាំងការរៀបចំផែនការបោសសម្អាតមីនក្រោមការគាំទ្រពី មូលនិធិកម្ពុជាគ្មានមីន ឆ្នាំ២០២៥។
កិច្ចប្រជុំនេះ ប្រព្រឹត្តិទៅក្នុងគោលដៅពន្លឿនការងារបោសសម្អាតមីន ប្រកបដោយឆន្ទៈ និងការទទួលខុសត្រូវខ្ពស់ ស្របតាមទស្សនវិស័យដឹកនាំរបស់សម្តេចតេជោ កម្ពុជាគ្មានមីន ឆ្នាំ២០២៥។ កិច្ចប្រជុំនេះ ក៏ផ្តោតសំខាន់ផងដែរ លើទីតាំងឈរជើង និងការពង្រាយកម្លាំងរបស់ប្រតិបត្តិករនីមួយៗសម្រាប់ពេលបច្ចុប្បន្ន និងអនាគត ដើម្បីផ្តល់លទ្ធភាពងាយស្រួលឱ្យអាជ្ញាធរមីន ធ្វើការចាត់ចែង និងរៀបចំផែនការឱ្យមានប្រសិទ្ធភាព។
ក្នុងឱកាសនោះ ក្នុងនាម សម្តេចតេជោ នាយករដ្ឋមន្រ្តី លោកទេសរដ្ឋមន្រ្តី លី ធុជ បានថ្លែងអំណរគុណ និងវាយតម្លៃខ្ពស់ជូនចំពោះកងកម្លាំងប្រតិបត្តិករជាតិ-អន្តរជាតិ ដែលបានចូលរួមយ៉ាងសកម្មក្នុងការងារបោសសម្អាតមីននៅកម្ពុជា ព្រមទាំងសម្រេចបាននូវសមិទ្ធផលយ៉ាងធំធេងនាពេលកន្លងមក តាមរយៈការគាំទ្រពីរាជរដ្ឋាភិបាលកម្ពុជា និងដៃគូអភិវឌ្ឍន៍ព្រមទាំងបានស្នើសុំឱ្យប្រតិបត្តិករជាតិ-អន្តរជាតិទាំងអស់ ត្រូវបន្តការកៀរគរធនធានបន្ថែមពីដៃគូអភិវឌ្ឍន៍ និងប្រទេសជាមិត្តឱ្យបានគ្រប់ជ្រុងជ្រោយ ដើម្បីចូលរួមគាំទ្រ និងពន្លឿនដល់ការងារបោសសម្អាតមីននៅកម្ពុជា។
ប្រតិបត្តិករទាំងអស់ បានធ្វើការតាំងចិត្ត និងដាក់ផែនការពង្រាយកម្លាំងបោសសម្អាតមីន ដែលនៅសល់ចំនួន ៦៧០ គីឡូម៉ែត្រក្រឡា ឱ្យបានទាន់ពេលវេលា និងសម្រេចតាមផែនការគ្រោងទុក ទាំងប្រើប្រាស់ទាំងធនធានមកពីដៃគូអភិវឌ្ឍន៍ និងមូលនិធិកម្ពុជាគ្មានមីន ឆ្នាំ២០២៥៕
-
ជីវិតកម្សាន្ដ៥ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ១ សប្តាហ៍ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៥ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៥ ម៉ោង ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៥ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ព័ត៌មានអន្ដរជាតិ៦ ថ្ងៃ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី