ព័ត៌មានជាតិ
រដ្ឋបាលរាជធានី ជូនដំណឹងឲ្យពលរដ្ឋរួសរាន់នាំយកបុត្រធីតាមកទទួលវ៉ាក់សាំង “ដូសមូលដ្ឋាន” និង “ដូសជំរុញ”នៅតាមបណ្តាខណ្ឌទាំង១៤
ភ្នំពេញ ៖ អនុសាសន៍ដឹកនាំដ៏ខ្ពង់ខ្ពស់បំផុតរបស់ សម្ដេចតេជោនាយករដ្ឋមន្ត្រី នាថ្ងៃទី២៩ ខែធ្នូ ឆ្នាំ២០២២ ឱ្យទទួលបានលទ្ធផលកាន់តែល្អប្រសើរ សំដៅបង្កើត និងរក្សាឱ្យបាន “ភាពស៊ាំសហគមន៍រឹងមាំពិតប្រាកដ យូរអង្វែង” ទប់ទល់នឹងជំងឺរាតត្បាតសកលកូវីដ-១៩ រដ្ឋបាលរាជធានីភ្នំពេញ បានជូនដំណឹងអោយបងប្អូនប្រជាពលរដ្ឋ និងសាធារណជនរួសរាន់នាំយកបុត្រធីតាមកទទួលវ៉ាក់សាំង “ដូសមូលដ្ឋាន” និង “ដូសជំរុញ” ដែលនឹងប្រព្រឹត្តទៅជារៀងរាល់ថ្ងៃ ដោយពេលព្រឹកចាប់ពីម៉ោង ៨:០០នាទី ដល់ ម៉ោង ១១:00នាទី និងពេលរសៀល ចាប់ពីម៉ោង ១៤:០០នាទី ដល់ម៉ោង ១៧:០០នាទី នៅតាមទីកន្លែងដែលបានកំណត់នៅបណ្តាខណ្ឌទាំង១៤របស់រាជធានីភ្នំពេញ។
នេះបើយោងតាមសេចក្តីជូនដំណឹង ស្តីពីការចាក់វាក់សាំងដួសមូលដា្ឋន ជូនកុមារដែលទើបគ្រប់អាយុ ៣ ឆាំ្ន និងការចាក់វាក់សាំងដូសជំរុញ (ដួសទី៣, ជួសទី៤, ជួសទី៥, ជួសទី៦ និងដួសបន្តបន្ទាប់) ជូនដល់កុមារអាយុចាប់ពី ៣ ដល់ក្រោម ៥ឆ្នាំ, កុមារអាយុចាប់ពី ៥ឆ្នាំ ដល់ក្រោម ១២ ឆ្នាំ, កុមារ-យុវវ័យអាយុចាប់ពី ១២ ឆ្នាំ ដល់ក្រោម ១៨ ឆ្នាំ និងប្រជាពលរដ្ឋមានអាយុចាប់ពី ១៨ ឆ្នាំឡើងទៅ នៅក្នុងរាជធានីភ្នំពេញ។
សេចក្តីជូនដំណឹងនេះមានន័យថា រដ្ឋបាលរាជធានីភ្នំពេញ សូមជម្រាបជូនដំណឹងដល់បងប្អូនប្រជាពលរដ្ឋ និងសាធារណជនទាំងអស់ ឱ្យបានជ្រាបថា ក្នុងក្របខ័ណ្ឌនៃការប្រយុទ្ធ និងទប់ស្កាត់ការឆ្លងរាលដាលជាសកលជំងឺកូវីដ-១៩ រយៈពេល៣ឆ្នាំកន្លងទៅនេះ រាជរដ្ឋាភិបាល ក្រោមការដឹកនាំប្រកបដោយភាពឈ្លាសវៃ ប៉ិនប្រសប់ និងគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានដាក់ចេញនូវចំណាត់ការដ៏ម៉ឺងម៉ាត់ ប្រកបដោយ ប្រសិទ្ធភាពខ្ពស់ ទន្ទឹមគ្នាទៅនឹងការជំរុញការអនុវត្តគោលនយោបាយជាតិចាក់វ៉ាក់សាំងបង្ការជំងឺកូវីដ-១៩ ជូនប្រជាជន តាមរយៈ “អភិក្រមផ្ការីក“ បង្កើតបាននូវភាពស៊ាំសហគមន៍ពិតប្រាកដ សម្រាប់ជាមូលដ្ឋានគ្រឹះ មិនអាចខ្វះបាន ដើម្បីការពារអាយុជីវិតប្រជាជន ខឿនសុខុមាលភាពសាធារណៈ និងការបើកដំណើរការសកម្មភាពសេដ្ឋកិច្ច-សង្គមពេញលេញ ឡើងវិញលើគ្រប់វិស័យ តាមគន្លងប្រក្រតីភាពថ្មី ចាប់តាំងពីថ្ងៃទី១ ខែវិច្ឆិកា ឆ្នាំ២០២១ រហូតមកដល់ពេលនេះ ប្រកបដោយភាពប្រាកដនិយម និងការទទួលខុសត្រូវខ្ពស់ ពោលគឺ វ៉ាក់សាំង គឺជាជម្រើសតែមួយគត់ ដែលជួយ យើងកាត់បន្ថយការឆ្លង ឬ ការឆ្លងហើយ តែមិននាំទៅដល់សភាពធ្ងន់ធ្ងរ”។
ក្នុងន័យនេះ ដើម្បីជំរុញការបន្តអនុវត្ត “យុទ្ធនាការជាតិចាក់វ៉ាក់សាំងកូវីដ-១៩” និង“គោលនយោបាយចាក់វ៉ាក់សាំង កូវីដ-១៩ ដូសជំរុញ” ព្រមទាំងអនុសាសន៍ដឹកនាំដ៏ខ្ពង់ខ្ពស់បំផុតរបស់ សម្ដេចតេជោនាយករដ្ឋមន្ត្រី នាថ្ងៃទី២៩ ខែធ្នូ ឆ្នាំ២០២២ ឱ្យទទួលបានលទ្ធផលកាន់តែល្អប្រសើរ សំដៅបង្កើត និងរក្សាឱ្យបាន “ភាពស៊ាំសហគមន៍រឹងមាំពិតប្រាកដ យូរអង្វែង” ទប់ទល់នឹងជំងឺរាតត្បាតសកលកូវីដ-១៩ រដ្ឋបាលរាជធានីភ្នំពេញ សូមជូនដំណឹងដល់បងប្អូនប្រជាពលរដ្ឋ និងសាធារណជនទាំងអស់ មេត្តារួសរាន់អញ្ជើញមក ឬ នាំយកបុត្រធីតារបស់លោកអ្នក មកទទួលវ៉ាក់សាំង “ដូសមូលដ្ឋាន” និង “ដូសជំរុញ” (ដូសទី៣ដូសទី៤ដូសទី៥ដូសទី៦ និងដូសបន្តបន្ទាប់) តាមគោលការណ៍ ដូចខាងក្រោម៖
១ ចាក់ដួសមូលដា្ឋន (ដូសទី១ និងដូសទី២) ជូនដល់កុមារដែលទើបគ្រប់អាយុ ៣ ឆ្នាំ ។ ២.ចាក់ដូសជំរុញ (ដូសទី៣ និងដូសទី៤) ជូនដល់កុមារអាយុចាប់ពី ៣ឆ្នាំ ដល់ក្រោម ៥ឆ្នាំ។ ៣.ចាក់ដូសជំរុញ (ដូសទី៤ និងដូសទី៥) ជូនដល់កុមារអាយុចាប់ពី ៥ឆ្នាំ ដល់ក្រោម ១២ឆ្នាំ។ ៤. ចាក់ដូសជំរុញ (ដូសទី៥ និងដូសទី៦) ជូនដល់កុមារ និងយុវវ័យអាយុចាប់ពី ១២ឆ្នាំ ដល់ក្រោម ១៨ឆ្នាំ។ ៥. ចាក់ដូសជំរុញ (ដូសទី៦ និងដូសបន្តបន្ទាប់ ជូនដល់ថ្នាក់ដឹកនាំ មន្ត្រីរាជការ មន្ត្រីសុខាភិបាល កងកម្លាំង ប្រដាប់អាវុធ បុគ្គលិកជួរមុខ និងបងប្អូនប្រជាពលរដ្ឋមានអាយុចាប់ពី ១៨ ឆ្នាំឡើងទៅ។ ៦. ដោយឡែក សម្រាប់ប្រជាពលរដ្ឋ និងកុមារ-យុវវ័យ ដែលបានទទូលវ៉ាក់សាំងចុងក្រោយគ្រប់រយៈពេល ៦ ខែ ក៏ត្រូវរូសរាន់អញ្ជើញមក ឬ នាំយកបុត្រធីតារបស់លោកអ្នក មកទទួលដូសជំរុញបន្តបន្ទាប់ ដោយត្រូវអនុវត្ត ជារៀងរាល់ ៦ ខែម្ដង។
ចំពោះកម្មវិធីនៃការចាក់វ៉ាក់សាំង គឺប្រព្រឹត្តទៅជារៀងរាល់ថ្ងៃ ក្នុងនោះ ពេលព្រឹកចាប់ពីម៉ោង ៨:០០នាទី ដល់ ម៉ោង ១១:00នាទី និងពេលរសៀល ចាប់ពីម៉ោង ១៤:០០នាទី ដល់ម៉ោង ១៧:០០នាទី នៅតាមទីកន្លែងដែលបាន កំណត់ជូនក្នុងឧបសម្ពន្ធនៃសេចក្ដីជូនដំណឹងនេះ (ជូនភ្ជាប់មកជាមួយនូវតារាងឧបសម្ពន្ធ) ។
ជាមួយគ្នានេះ សូមបងប្អូនប្រជាពលរដ្ឋ ដែលអញ្ជើញមក ឬ នាំយកបុត្រធីតារបស់លោកអ្នក មកទទួលវ៉ាក់សាំង មេត្តាភ្ជាប់មកជាមួយនូវឯកសារពាក់ព័ន្ធសម្រាប់បម្រើដល់ការចាក់វ៉ាក់សាំង ដើម្បីឱ្យក្រុមគ្រូពេទ្យងាយស្រួលផ្ទៀងផ្ទាត់ អត្តសញ្ញាណ និងធ្វើបច្ចុប្បន្នភាពទិន្នន័យជូន ដូចដែលបានអនុវត្តនាពេលកន្លងមក។ ទន្ទឹមនឹងនេះ រដ្ឋបាលរាជធានីភ្នំពេញ សូមក្រើនរំលឹក និងអំពាវនាវជាថ្មីម្ដងទៀតដល់បងប្អូនប្រជាពលរដ្ឋ និងសាធារណជនទាំងអស់ ដែលអញ្ជើញមក ឬ នាំយកបុត្រធីតារបស់លោកអ្នក មកទទួលវាក់សាំង ត្រូវប្រកាន់ខ្ជាប់ឱ្យបានជាដាច់ខាតនូវការរក្សាគម្លាតសុវត្ថិភាពសង្គម ពាក់ម៉ាស តម្រង់ជួរ ជៀសវាងការឈរប្រជ្រៀតគ្នា កៀកគ្នាណែនណាន់តាន់តាប់ ហើយសូមចូលរួមអនុវត្តតាមការណែនាំរបស់ក្រសួងសុខាភិបាល និងត្រូវប្រកាន់ខ្ជាប់នូវវិធានការ “៣ ការពារនិង ៣ កុំ” របស់ សម្តេចតេជោនាយករដ្ឋមន្ត្រី៕
ដោយ ៖ ស្រីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ