ព័ត៌មានជាតិ
កម្ពុជា-ជប៉ុន បើកសម្ពោធខួបអនុស្សាវរីយ៍លើកទី ៧០ឆ្នាំ នៃមិត្តភាពដ៍រឹងមាំរបស់ប្រទេសទាំង២
នៅថ្ងៃទី០៩ ខែមករា ឆ្នាំ២០២៣ កម្ពុជា-ជប៉ុន បានធ្វើពិធីសម្ពោធខួបអនុស្សាវរីយ៍ ៧០ឆ្នាំ នៃមិត្តភាពដ៏រឹងមាំ និងយូរអង្វែងរបស់ប្រទេសទាំងពីរ (១៩៥៣-២០២៣) នៅស្ថានទុតជប៉ុនប្រចាំកម្ពុជា។
ថ្លែងនៅក្នុងពិធីសម្ពោធអបអរសាទរខួបលើកទី ៧០ឆ្នាំ របស់កម្ពុជា-ជប៉ុន លោក តានិណៃ អ៉ីឈិតុម៉ុ ជាភារធារីស្តីទីរបស់ស្ថានទូតជប៉ុនបានលើកឡើងថា ចាប់តាំងពីបានបង្កើតទំនាក់ទំនងរវាងគ្នា បានធ្វើឱ្យប្រទេសទាំងពីរផ្លាស់ប្តូរឥតឈប់ឈរស្ទើរតែគ្រប់វិស័យទាំងអស់ រហូតឈានដល់មានកិច្ចព្រមព្រៀងទ្វេភាគីដល់កម្រិត “ភាពជាដៃគូយុទ្ធសាស្ត្រគ្រប់ជ្រុងជ្រោយ” និងកិច្ចសហប្រតិបត្តិការជាច្រើនទៀត ដែលធ្វើឱ្យប្រទេសទាំងពីរកាន់តែមានមិត្តភាពរឹងមាំថែមទៀត។
លោកបានបន្តថា នៅឆ្នាំមុន នាយករដ្ឋមន្ត្រីនៃប្រទេសទាំងពីរបានធ្វើទស្សនកិច្ចទៅវិញទៅមក ព្រមទាំងបានធ្វើកិច្ចប្រជុំកំពូលជាច្រើន ដែលបញ្ចាក់ឱ្យឃើញថា ប្រទេសទាំងពីមានទំនាក់ទំនងល្អបំផុតក្នុងប្រវត្តិសាស្ត្រ ទោះបីជាមានជំងឺរាតត្បាតយ៉ាងណាក្តី។
ចំណែក លោកស្រី ជា គឹមថា អនុរដ្ឋលេខាធិការនៃក្រសួងបរទេស និងសហប្រតិបត្តិការអន្តរជាតិ ក៏បានសម្តែងនូវសេចក្តីសោមនស្សរីករាយ និងពេញចិត្តយ៉ាងខ្លាំងចំពោះកម្ពុជា-ជប៉ុន ដែលបានរក្សាទំនាក់ទំនងរបស់ប្រទេសទាំងពីរយ៉ាងល្អ តាមរយៈការផ្លាស់ប្តូរទស្សនកិច្ច និងកិច្ចសហប្រតិបត្តិការស្ទើរតែគ្រប់វិស័យទាំងអស់របស់ប្រទេសទាំងពីរ។លោកស្រី ក៏បានថ្លែងអំណរគុណដល់ប្រទេសជប៉ុន ដែលបានចូលរួមចំណែកយ៉ាងសកម្មចំពោះការគាំទ្រ ការអភិវឌ្ឍសេដ្ឋកិច្ច និងសង្គមកម្ពុជា រហូតដល់កម្ពុជាអាចមានសន្តិភាពពេញលេញដល់សព្វថ្ងៃនេះ។
ពិធីបើកសម្ពោធនេះ គឺជាឱកាសមួយគួរជាទីសោមនស្សរីករាយរបស់ប្រទេសទាំងពីរ ដែលបានថែរក្សាទំនាក់ទំនងកាទូត និងពង្រឹងទំនាក់ទំនងបន្ថែមទៀតដើម្បីជួយគាំទ្រគ្នាទៅវិញទៅមក។ នៅក្នុងពិធីនេះ ក៏មានពិធីផ្លាស់ប្តូរលិខិតអបអរសាទរពីថ្នាក់ដឹកនាំកំពូលរបស់កម្ពុជា និងជប៉ុនផងដែរ។
ក្នុងនោះ រួមមាន លិខិតរបស់សម្តេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា និងលោក គីស៊ីដា ហ្វឹមីអូ នាយករដ្ឋមន្រ្តីប្រទេសជប៉ុន។ លិខិតអបអរសាទររបស់លោក ប្រាក់ សុខុន ឧបនាយករដ្ឋមន្រ្តី និងជារដ្ឋមន្រ្តីការបរទេស ព្រមជាមួយនឹងលិខិតរបស់លោក ហាយ៉ាហ្ស៊ី យ៉ូហ្ស៊ីម៉ាសា រដ្ឋមន្រ្តីការបរទេសជប៉ុនទៀតផង។ ចំពោះតំណាងផ្លាស់ប្តូរលិខិត គឺលោកស្រី ជា គឹមថា អនុរដ្ឋលេខាធិការនៃក្រសួងបរទេស និងសហប្រតិបត្តិការអន្តរជាតិ ជាមួយនឹងលោក តានិណៃ អ៉ិឈិតុម៉ុ ជាភារធារីស្តីទីរបស់ស្ថានទូតជប៉ុន៕
ដោយ៖ អុន ស្រីមាន
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore