ព័ត៌មានជាតិ

ប្រធានមន្ទីររៀបចំដែនដីខេត្តកែប សំណូមពរដល់ពលរដ្ឋរកសេវានៅមន្ទីរផ្ទាល់ប្រសើរជាជាងចំណាយថវិកាទៅតាមរយៈអ្នករត់ការ

បានផុស

១ year មុន

នៅ

ថ្ងៃព្រហស្បតិ៍ ១២ មករា ២០២៣

ដោយ

លោក សុទ្ធ ពុទ្ធិម៉ានីន ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តកែបបានសំណូមពរដល់ប្រជាពលរដ្ឋរកសេវានៅមន្ទីរផ្ទាល់ដោយខ្លួនឯងប្រសើរជាជាងចំណាយថវិកាទៅតាមរយៈអ្នករត់ការ ក្នុងការបំពេញសេវានានាទាក់ទងនឹងដីធ្លី នៅមន្ទីរផ្ទាល់ ឬក៏តាមការិយាល័យច្រកចេញចូលតែមួយ ដើម្បីឲ្យជំនាញបំពេញសេវាផ្សេងៗជូនពលរដ្ឋ។ ការធ្វើដូចនេះមានផលល្អសម្រាប់ប្រជាពលរដ្ឋផង និងមានផលល្អសម្រាប់មន្ទីរផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមកនេះបានកើតមានបញ្ហាជាច្រើនក្នុងការផ្ដល់សេវាជាមួយអ្នករត់ការភាពស្របច្បាប់នេះសូមបញ្ជាក់ថា ចំពោះអចលនទ្រព្យផ្សេងៗ ដែលកើតមានបញ្ហានេះ បានធ្វើឲ្យមានការប៉ះពាល់ដល់ការបំពេញកិច្ចការនានារបស់ជំនាញ និងធ្វើឲ្យខាតបង់ថវិការបស់ប្រជាពលរដ្ឋផងដែរ។

លោកប្រធានមន្ទីរបានបញ្ជាក់ថាក្នុង ការចំណាយថវិកាច្រើនតាមរយៈអ្នករត់ការ សម្រាប់បំពេញសេវាផ្សេងៗទាក់ទងវិស័យដីធ្លីនេះ បានផលអវិជ្ជមានច្រើនសម្រាប់មន្ទីររៀបចំដែនដី នគររូបនីយកម្ម សំណង់ និងសុរិយោដី ខេត្តកែប ដោយការចំណាយលើអ្នករត់ការនោះ ពលរដ្ឋចាត់ទុកជាការបង់សេវាសម្រាប់មន្ទីរទៅវិញ។

កន្លងទៅពលរដ្ឋពលរដ្ឋមួយចំនួនបានរអ៊ូរទាំងពីការស្វែងរកសេវានានាដោយផ្ទាល់តាមរយៈមន្ទីរ ដោយថា រយៈពេលទទួលបានឯកសារនោះ ត្រូវប្រើពេលយូរ តែបើតាមរយៈក្រុមអ្នករត់ការហាក់មានភាពរហ័សជាង។ យ៉ាងណាក៏មានពលរដ្ឋ ត្រូវខាតបង់ថវិកាទទេ ដោយអ្នករត់ការខ្លះ ស៊ីដាច់លុយរបស់ពួកគាត់។

លោក ប្រធានមន្ទីរបានបញ្ជាក់ថា បើគិតមកទល់ពេលនេះមានការចុះលក្ខណៈជាប្រព័ន្ធបញ្ជីដីធ្លីនៅខេត្តកែប នៅក្នុងចំណោម១៨ភូមិ យើងបានចេញប័ណ្ណកម្មសិទ្ធិបានចំនួន ១១ភូមិ ក្រៅពីនោះយើងកំពុងធ្វើការវាស់វែងស្ទើរតែរួចរាល់អស់ទៅហើយ នៅតែភូមិចំការបីមួយប៉ុណ្ណោះ។ នៅក្នុងនោះយើងត្រៀមនីតិវិធីក្នុងការបិទផ្សាយជាសាធារណៈ ហើយគ្រោងចែកប័ណ្ណកម្មសិទ្ធិជូនប្រជាពលរដ្ឋនៅក្នុងឆ្នាំ ២០២៣។

អត្ថបទ៖ សឹង រ៉ាត់