Connect with us

ព័ត៌មានជាតិ

តើប្រទេសណាខ្លះនឹងរៀបចំអបអរសាទរខួបការទូតជាមួយកម្ពុជាក្នុងឆ្នាំ២០២៣?

បានផុស

នៅ

ក្នុងឆ្នាំ២០២៣នេះ កម្ពុជា បានកំណត់ជាឆ្នាំនៃការរំលឹក និងអបអរសាទរខួបនៃការបង្កើតទំនាក់ទំនងការទូតរវាងកម្ពុជាជាមួយប្រទេសជាមិត្ត។ នៅក្នុងនោះ កម្ពុជា និងសមភាគីប្រទេសជាដៃគូមួយចំនួនបានសហការគ្នារៀបចំព្រឹត្តិការណ៍ ឬកម្មវិធីនានា ដើម្បីចូលរួមអបអរសាទរខួបអនុស្សាវរីយ៍នៃចំណងមិត្តភាពការទូតក្នុងឆ្នាំ២០២៣នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងកាលពីថ្ងៃទី៩ ខែមករា ឆ្នាំ២០២៣ កន្លងទៅថ្មីៗនេះ កម្ពុជា-ជប៉ុន បានប្រារព្វពិធីរំលឹក និងអបអរសាទរខួបលើកទី ៧០ឆ្នាំនៃការបង្កើតទំនាក់ទំនងការទូតរវាងកម្ពុជា និងជប៉ុន បន្ទាប់ពីប្រទេសទាំងពីរបានភ្ជាប់ទំនាក់ទំនងការទូតជាផ្លូវការតាំងពីឆ្នាំ១៩៥៣។ ក្នុងឱកាសនៃខួបលើកទី ៧០នេះ រដ្ឋាភិបាលនៃប្រទេសទាំងពីរបានសហការគ្នារៀបចំមហា​ស្រប​ភាពយន្ដ​ជប៉ុននៅតាមរាជធានី-ខេត្តនៃប្រទេសកម្ពុជា និងការរៀបចំកម្មវិធីវប្បធម៌នានានៅទីក្រុងតូក្យូ ប្រទេសជប៉ុន ដើម្បីអបអរសាទរខួបនៃមិត្តភាពរវាងកម្ពុជា-ជប៉ុន។

រីឯមហាអំណាចចិនដែលជាមិត្តដែកថែបរបស់កម្ពុជា គឺភាគីទាំងពីរបានឯកភាពកំណត់យកឆ្នាំ២០២៣ ជាឆ្នាំមិត្តភាពកម្ពុជា-ចិន ដើម្បីបង្កើនការយល់គ្នាទៅវិញទៅមក និងមិត្តភាពរវាងប្រជាជននៃប្រទេសទាំងពីរ។ ជាមួយគ្នានេះ ក្នុងឆ្នាំ ២០២៣ ក៏ជាខួបអនុស្សាវរីយ៍លើកទី ៦៥ឆ្នាំនៃការបង្កើតទំនាក់ទំនងការទូតកម្ពុជា-ចិន បន្ទាប់ពីកម្ពុជា-ចិនបានបង្កើតទំនាក់ទំនងនេះនៅថ្ងៃទី១៩ ខែកក្កដា ឆ្នាំ១៩៥៨។ កម្ពុជា នឹងសហការជាមួយភាគីចិនក្នុងការត្រៀមរៀបចំកម្មវិធីអបអរសាទរពាក់ព័ន្ធនានា ដើម្បីចូលរួមពង្រឹងចំណងមិត្តភាពនៃប្រទេសទាំងពីរក្នុងឱកាសខួបការទូតលើកទី ៦៥ឆ្នាំ នៅឆ្នាំនេះ។

ចំណែក កម្ពុជា និងចក្រភពអង់គ្លេសវិញ ក៏គ្រោងរៀបចំព្រឹត្តិការណ៍មួយចំនួន ដើម្បីអបអរសាទរខួបលើកទី ៧០ឆ្នាំនៃទំនាក់ទំនងការទូតរវាងប្រទេសទាំងពីរនៅក្នុងឆ្នាំនេះ ដែលជាឱកាសដ៏ល្អក្នុងការជំរុញទំនាក់ទំនងទ្វេភាគីឲ្យកាន់តែប្រសើរឡើង ។ ក្នុងជំនួបរវាងលោក ប្រាក់ សុខុន រដ្ឋមន្ត្រីការបរទេសកម្ពុជា និងឯកអគ្គរាជទូតចក្រភពអង់គ្លេសប្រចាំនៅកម្ពុជា កាល ពីថ្ងៃទី១២ ខែមករា ឆ្នាំ២០២៣ លោក ប្រាក់ សុខុន បានស្នើភាគីអង់គ្លេសឲ្យបង្កើនកម្រិតនៃកិច្ចសន្ទនាស្ដីពីសិទ្ធិមនុស្សទៅជាការពិគ្រោះយោបល់នយោបាយ នៅក្នុងឆ្នាំនេះតែម្ដង ដើម្បីអបអរសាទរព្រឹត្តិការណ៍លើកទី ៧០នៃខួបចំណងការទូតកម្ពុជា-អង់គ្លេស។

ស្របពេលជាមួយគ្នានេះ កម្ពុជា និងស្វីស ក៏បានត្រៀម​ខ្លួន​រួច​ជាស្រេច​ក្នុង​ការ​ប្រារព្ធ​ខួប​លើក​ទី ​៦០នៃ​ការ​បង្កើត​ទំនាក់ទំនង​ការទូត​រវាង​កម្ពុជា-​ស្វីស ក្នុងឆ្នាំ២០២៣នេះដែរ។ ភាគីទាំង២ គ្រោង​រៀបចំ​កិច្ច​ពិគ្រោះ​យោបល់​ទ្វេភាគី​លើក​ទី៣ នៅ​ភ្នំពេញនៅ​ដើម​ឆ្នាំនេះ ដើម្បីជា​ការ​ប្តេជ្ញាចិត្ត​ក្នុង​ការ​ពង្រឹង​នូវ​ទំនាក់ទំនង និង​កិច្ច​សហប្រតិបត្តិការ​ទ្វេ​ភាគី​កម្ពុជា-ស្វីស ដែលមានទំនាក់ទំនងជាមួយគ្នាអស់រយៈពេល ៦០ឆ្នាំហើយ បើគិតមកដល់ឆ្នាំ២០២៣នេះ។

ដោយឡែក កាលពីថ្ងៃទី១៦ ខែមករា ឆ្នាំ២០២៣នេះ អំឡុងពេលនៃដំណើរទស្សនកិច្ចរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាទៅកាន់ប្រទេសម៉ាល់ឌីវ សម្ដេចតេជោនាយករដ្ឋមន្ត្រី បានប្រកាសជ្រើសរើស​ផ្លូវ​មួយ​ខ្សែក្នុង​ខេត្ត​ជាប់​មាត់សមុទ្រកម្ពុជាដោយប្រសិទ្ធនាមជា «​ផ្លូវ​មិត្តភាព​កម្ពុជា​-​ម៉ា​ល់​ឌី​វ​» ដើម្បីជា​និមិត្តរូប​នៃ​មិត្តភាព​រវាង​ប្រទេស​ទាំងពីរ​។ តាមរយៈការដាក់ឈ្មោះផ្លូវរបស់កម្ពុជា ថា «​ផ្លូវ​មិត្តភាព​កម្ពុជា​-​ម៉ា​ល់​ឌី​វ​» គឺដើម្បីចូលរួមអបអរសាទរខួបលើកទី ២៨នៃការបង្កើតទំនាក់ទំនងការទូតកម្ពុជា និងម៉ាល់ឌីវ នៅឆ្នាំនេះ។  កម្ពុជា និងម៉ាល់ឌីវ បានបង្កើតទំនាក់ទំនងការទូតជាផ្លូវការនៅថ្ងៃទី២១ ខែកញ្ញា ឆ្នាំ ១៩៩៥៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤០ វិនាទី មុន

លោក ព្រាប កុល៖ ដើម្បីកិត្តិនាមរដ្ឋាភិបាល លោកគ្មានជម្រើសអ្វីក្រៅពីប្ដឹងម្ចាស់គណនី Chivann Pen ឡើយ

ព័ត៌មានអន្ដរជាតិ៥ នាទី មុន

ជប៉ុនកាត់ទោសប្រហារជីវិតបុរសម្នាក់ដែលដុតស្ទូឌីយ៉ូជីវចល ឆេះស្លាប់មនុស្ស ៣៦ នាក់

ព័ត៌មានជាតិ៨ នាទី មុន

ជាង ៣០ឆ្នាំនេះ KOICA ផ្តល់ជំនួយជាង ៣៦០លានដុល្លារ អភិវឌ្ឍវិស័យចំនួន៤ នៅកម្ពុជា

ព័ត៌មានជាតិ១០ នាទី មុន

សម្ដេចនាយករដ្ឋមន្ត្រី បានបង្កើតក្រុមគ្រូពេទ្យចាំថែទាំព្រះរាជសុខភាពថ្វាយព្រះមហាក្សត្រ និងហ្លួងម៉ែ

វប្បធម៌ ជំនឿ១៩ នាទី មុន

រដ្ឋមន្ត្រីវប្បធម៌ ស្នើទប់ស្កាត់ការធ្វើឱ្យខូចទ្រង់ទ្រាយដើមលើបេតិកភណ្ឌ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម