Connect with us

ព័ត៌មានជាតិ

ក្រុមការងារចុះជួយមូលដ្ឋានស្រុកបូទុមសាគរ ជំរុញពលរដ្ឋទៅបោះឆ្នោត ដើម្បីថែរក្សាសន្តិភាព និងការអភិវឌ្ឍដូចសព្វថ្ងៃ

បានផុស

នៅ

កោះកុង ៖ លោក មាស ប៊ុន​ឡី អនុប្រធាន​ក្រុមការងារ​រាជរដ្ឋាភិបាល​ចុះ​ជួយ​មូលដ្ឋាន​ស្រុក​បូ​ទុម​សាគរ បាន​ជំរុញ​ដល់​ប្រជាពលរដ្ឋ​ដែល​ស្រឡាញ់​សន្តិភាព និង​ការ​អភិវឌ្ឍ​ដូច​សព្វថ្ងៃ​នេះ ត្រូវ​ចូលរួម​ទៅ​បោះឆ្នោត​ជូន​គណបក្ស​ប្រជាជន​កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​ឧត្ដមសេនីយ៍​ឯក មាស ប៊ុន​ឡី អគ្គនាយករង នៃ​អគ្គនាយកដ្ឋាន​សម្ភារៈ​បច្ចេកទេស ក្រសួង​ការពារ​ជាតិ និង​ជា​អនុ​ប្រធាន​ក្រុម​ការងារ​រាជរដ្ឋាភិបាល​ចុះ​មូលដ្ឋាន​ស្រុក​បូ​ទុម​សាគរ លើកឡើង​នៅ​ថ្ងៃ​ទី ១៨ ខែ​មករា ឆ្នាំ ២០២៣ នេះ​ថា ប្រទេស​កម្ពុជា មាន​សន្តិភាព និង​ការ​អភិវឌ្ឍ​ជឿន​លឿន​រីកចម្រើន​ស្ទើរតែ​គ្រប់​វិស័យ​រហូត​មក​ដល់​ពេលនេះ គឺ​បាន​មកពី​គុណបំណាច់​រំដោះ​ភ្លើង​សង្គ្រាម ៧ មករា ១៩៧៩ ដែល​ដឹកនាំ​ដោយ​ផ្ទាល់​របស់​សម្ដេច​តេ​ជោ ហ៊ុន សែន នាយករដ្ឋមន្ត្រី។

ចំណុច​នេះ ក្នុង​ពិធី​រំលឹក​ខួប​អនុស្សាវរីយ៍​លើក​ទី ៤៤ នៃ​ទិវា​ជ័យជម្នះ ៧ មករា ១៩៧៩ លោក​ឧត្ដមសេនីយ៍​ឯក មាស ប៊ុន​ឡី ក៏​ស្នើ​ដល់​ប្រជាពលរដ្ឋ​រស់នៅ​ក្នុង​ស្រុក​បូ​ទុម​សាគរ​គ្រប់រូប គប្បី​រួបរួម​គ្នា​ការពារ​ថែរក្សា​សុខ​សន្តិភាព និង​សាមគ្គី​ផ្ទៃក្នុង ដែល​កំពុង​មាន​សព្វថ្ងៃ​កុំ​ឲ្យ​បាត់បង់​ឲ្យ​សោះ ប្រសិនបើ​គ្មាន​សន្តិភាព​ទេ​នោះ គឺ​គ្មាន​ការ​អភិវឌ្ឍ​នោះ​ឡើយ។

លោក​អនុ​ប្រធាន​ក្រុម​ការងារ​រាជរដ្ឋាភិបាល​ចុះ​ជួយ​មូលដ្ឋាន​ស្រុក​បូ​ទុម​សាគរ បន្ថែម​ថា ពលរដ្ឋ​កុំ​ជឿ​ឲ្យ​សោះ​តាម​ការ​ញុះញង់​របស់​ក្រុម​ប្រឆាំង​និយម​នៅ​ក្រៅ​ប្រទេស​ដែល​ប៉ុនប៉ង​ចង់​ផ្ដួល​រំលំ​រាជរដ្ឋាភិបាល​ស្របច្បាប់​កើត​ចេញ​ពី​ការ​បោះឆ្នោត​គ្រប់​រូបភាព។ ដូច្នេះ​យើង​រួមគ្នា​ទៅ​បោះឆ្នោត​ការពារ​ថែរក្សា​សន្តិភាព និង​ការ​អភិវឌ្ឍ​ដែល​កំពុង​កើតមាន​បច្ចុប្បន្ន​ឲ្យ​គង់វង្ស​ទៅ​អនាគត តាមរយៈ​បោះឆ្នោត​នៅ​ថ្ងៃ​ទី ២៣ ខែ​កក្កដា ឆ្នាំ ២០២៣ ខាងមុខ​កុំបី​ខាន។

តប​នឹង​ការ​លើក​ឡើង​របស់​លោក​ឧត្ដមសេនីយ៍​ឯក មាស ប៊ុន​ឡី គឺ លោក ក្រូច បូរី​សីហា អភិបាល​ស្រុក​បូ​ទុម​សាគរ ប្ដេជ្ញា​ចិត្ត​បំផុស​ចលនា​ដល់​ប្រជាពលរដ្ឋ​ទៅ​ចូលរួម​បោះឆ្នោត​នា​ពេល​ខាង​មុខ​ឲ្យ​បាន​គ្រប់គ្នា ដើម្បី​ការពារ​ថែរក្សា​សន្តិភាព ព្រមទាំង​ការ​អភិវឌ្ឍ​ដែល​ដឹកនាំ​ដោយ​សម្ដេច​តេ​ជោ នាយករដ្ឋមន្ត្រី គ្មាន​នរណា​អាច​មក​ប្រៀបផ្ទឹម​បាន​នោះ​ឡើយ។

លោក​អភិបាល​ស្រុក​បូ​ទុម​សាគរ បន្ថែម​ទៀត​ថា ស្មារតី​ថ្ងៃ​រំដោះ​ជាតិ ៧ មករា ស្ថិត​នៅ​ក្នុង​ក្រអៅ​បេះដូង​ពលរដ្ឋ​ខ្មែរ​គ្រប់រូប និង​ជា​និមិត្តរូប នៃ​សាមគ្គី​ជាតិ ក៏ដូចជា​មហា​គ្រួសារ​ខ្មែរ​ស្ថិតនៅ​ជា​អមត​ក្រោម​ម្លប់​សុខ​សន្តិភាព​ជានិច្ច​និរន្ត។ របប​ដ៏​ឃោរឃៅ​យង់ឃ្នង ប៉ុល ពត ធ្វើ​ឲ្យ​បាត់បង់​ជីវិត​មនុស្ស​ស្លូតត្រង់​អស់​រាប់​លាន​នាក់ ហើយ​ប្រទេសជាតិ​ទាំងមូល​បាន​រង​វិនាស​អន្តរាយ​យ៉ាង​ធ្ងន់ធ្ងរ​បំផុត។

ជាក់ស្ដែង អាជ្ញាធរ​ស្រុក មន្ត្រីរាជការ និង​ពលរដ្ឋ​ស្រុក​បូ​ទុម​សាគរ សន្យា​ថា នឹង​គាំទ្រ សម្ដេច​តេ​ជោ ហ៊ុន សែន និង​ឯកឧត្ដម ហ៊ុន ម៉ាណែត ជា​នាយករដ្ឋមន្ត្រី​ទៅ​អនាគត៕

អត្ថបទ ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា២ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ២ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ៤ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៤ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៤ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម