Connect with us

ព័ត៌មានជាតិ

រដ្ឋបាល​រាជធានី ​សម្រេច​បិទ​ធ្វើ​ចរាចរ​យានយន្ត​គ្រប់​ប្រភេទ លើ​កំណាត់​មហាវិថី​ព្រះ​នរោត្តម​និង​បរិវេណ​ជុំវិញ​វិមាន​៧​មករា នៅ​ថ្ងៃទី​២៨-២៩ ខែមករា

បានផុស

នៅ

ភ្នំពេញ​ ៖ រដ្ឋបាល​រាជធានី​ភ្នំពេញ​នឹង​បញ្ចៀស​ចរាចរ​ចំពោះ​យានយន្ត​គ្រប់​ប្រភេទ លើ​កំណាត់​មហាវិថី​ព្រះ​នរោត្តម (​ចាប់ពី​ស្តុ​ប​ជលផល ដល់​ស្ពាន​អាកាស ក្បាលថ្នល់ និង​បរិវេណ​ជុំវិញ វិមាន​៧​មករា សង្កាត់​ទន្លេបាសាក់ ខណ្ឌចំការមន នៅ​ថ្ងៃទី​២៨ និង​ថ្ងៃទី​២៩ ខែមករា ឆ្នាំ​២០២៣ ចាប់ពី​ម៉ោង ០៥:០០​នាទី​តទៅ ខណៈដែល គណៈកម្មាធិការ​កណ្តាល​គណបក្ស​ប្រជាជន​កម្ពុជា​គ្រោង​នឹង​រៀបចំ​ប្រារព្ធ​ធ្វើ​មហាសន្និបាត​វិសាមញ្ញ​តំណាង​ទូទាំងប្រទេស​របស់​គណ​បក្ស​ប្រជាជន​កម្ពុជា នៅ​វិមាន​៧​មករា​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះ​បើ​យោងតាម​សេចក្តីជូនដំណឹង​របស់​រដ្ឋបាល​រាជធានី​ភ្នំពេញ​ ដែល​ក្នុង​សេចក្តីជូនដំណឹង​នេះ​មានន័យថា យោង​លិខិត​លេខ ០១៧/០១២៣/​លស​.​ខ​គក ចុះ​ថ្ងៃទី​០៩ ខែមករា ឆ្នាំ​២០២៣ របស់​ខុទ្ទកាល័យ​គណៈ ក​ម្មា​ធិ​ការ​កណ្តាល​គណបក្ស​ប្រជាជន​កម្ពុជា​។ រដ្ឋបាល​រាជធានី​ភ្នំពេញ សូម​ជម្រាប​ជូនដំណឹង​ដល់​បងប្អូន​ប្រជាពលរដ្ឋ​ទាំងអស់​ក្នុង​រាជធានី​ភ្នំពេញ​ឱ្យបាន​ជ្រាប​ថា នៅ​ថ្ងៃ​ទី​២៨ និង​ថ្ងៃទី​២៩ ខែមករា ឆ្នាំ​២០២៣ វេលា​ម៉ោង ០៧:០០​នាទី​ព្រឹក គណៈកម្មាធិការ​កណ្តាល​គណបក្ស​ប្រជាជន​កម្ពុជា​នឹង​រៀបចំ​ប្រារព្ធ​ធ្វើ​មហាសន្និបាត​វិសាមញ្ញ​តំណាង​ទូទាំង​ប្រទេស​របស់​គណ​បក្ស​ប្រជាជន​កម្ពុជា នៅ​វិមាន​៧​មករា ស្ថិត​ក្នុង​សង្កាត់​ទន្លេបាសាក់ ខណ្ឌចំការមន រាជធានី​ភ្នំពេញ​។

ដើម្បី​ឱ្យ​កម្មវិធី​ខាងលើ​ប្រព្រឹត្ត​ទៅដោយ​រលូន រក្សា​បាន​នូវ​សន្តិសុខ សុវត្ថិភាព សណ្តាប់ធ្នាប់ និង របៀបរៀបរយ​សាធារណៈ ព្រមទាំង​បញ្ចៀស​បាន​នូវ​ការ​កកស្ទះ​ចរាចរ រដ្ឋបាល​រាជធានី​ភ្នំពេញ​នឹង​បញ្ចៀស ចរាចរ​ចំពោះ​យានយន្ត​គ្រប់​ប្រភេទ លើ​កំណាត់​មហាវិថី​ព្រះ​នរោត្តម (​ចាប់ពី​ស្តុ​ប​ជលផល ដល់​ស្ពាន​អាកាស ក្បាលថ្នល់ និង​បរិវេណ​ជុំវិញ​ទីតាំង​ប្រារព្ធ​ពិធី​) នៅ​ថ្ងៃទី​២៨ និង​ថ្ងៃទី​២៩ ខែមករា ឆ្នាំ​២០២៣ ចាប់ពី​ម៉ោង ០៥:០០​នាទី រហូតដល់​បញ្ចប់​កម្ម​វិធី​៕

ដោយ ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣១ វិនាទី មុន

រដ្ឋបាល​រាជធានី ​សម្រេច​បិទ​ធ្វើ​ចរាចរ​យានយន្ត​គ្រប់​ប្រភេទ លើ​កំណាត់​មហាវិថី​ព្រះ​នរោត្តម​និង​បរិវេណ​ជុំវិញ​វិមាន​៧​មករា នៅ​ថ្ងៃទី​២៨-២៩ ខែមករា

KPT+២ ម៉ោង មុន

អតីតនិស្សិតវិចិត្រសិល្បៈ ជូនអំណោយគ្រូចូលនិវត្តន៍ និងសិស្សខ្វះខាតស្នាក់ក្នុងសាលា

ព័ត៌មានជាតិ២ ម៉ោង មុន

ព្រលានយន្តហោះ​ខេត្ត​បាត់ដំបង​ អភិវឌ្ឍ​លើក​កម្រិត 4C ដូចព្រលានយន្តហោះ​នៅ​ខេត្ត​សៀមរាប

ជីវិតកម្សាន្ដ២ ម៉ោង មុន

Carlos Chan ខំរកលុយដើម្បីរៀបការ សឹងតែគ្រោះថ្នាក់ដល់ជីវិត

ព័ត៌មានជាតិ២ ម៉ោង មុន

ក្រសួងអប់រំ កំពុងពិនិត្យករណីនាយកសាលាវិទ្យាល័យសំពៅលូនអនុវត្តវិន័យកាត់សក់សិស្សកែលែងកើត

Sokha Hotels

ព័ត៌មានពេញនិយម