ព័ត៌មានជាតិ
លោក ជា សុផារ៉ា ដឹកនាំកិច្ចប្រជុំពិនិត្យករណី ស្នើសុំកែសម្រួលព្រំដីរដ្ឋ ក្នុងដែនព្រៃលិចទឹក តំបន់៣ និងតំបន់២
បន្ទាយមានជ័យ ៖ លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនិយកម្ម និងសំណង់ បានដឹកនាំក្រុមការងារអន្តរក្រសួង ប្រជុំជាមួយថ្នាក់ដឹកនាំខេត្តបន្ទាយមានជ័យ ពិនិត្យករណីទីតាំងដីដែលរដ្ឋបាលខេត្ត បានស្នើសុំកែសម្រួលព្រំដីរដ្ឋក្នុងដែនព្រៃលិចទឹក នៅតំបន់៣ និងតំបន់២ ស្ថិតនៅក្នុងភូមិសាស្ត្រខេត្តបន្ទាយមានជ័យ។
កិច្ចប្រជុំនេះធ្វើឡើង នៅរសៀលថ្ងៃទី២៦ ខែមករា ឆ្នាំ ២០២៣ នៅសាលប្រជុំធំ សាលាខេត្តបន្ទាយមានជ័យ។
លោក អ៊ុំ រាត្រី អភិបាលខេត្តបន្ទាយមានជ័យ បានមានប្រសាសន៍ថា ព្រៃលិចទឹកតំបន់៣ មានទំហំ១២,២៧៩.១៨ហិកតា ក្នុងនោះមានស្រុកព្រះនេត្រព្រះ មានផ្ទៃដីចំនួន៩,៨៦៧ហិកតា និងស្រុកមង្គលបូរី មានផ្ទៃដីចំនួន២,៤១២ហិកតា ក្នុងនោះក្រុមការងារចម្រុះ បានចុះបញ្ជីចេញវិញ្ញាបនបត្រសម្គាល់ម្ចាស់ អចលនវត្ថុជូនក្រសួងធនធានទឹកនិងឧតុនិយម ចំនួន១១ប័ណ្ណស្មើទំហំ១២,២៧៩.១៨ហិកតា ។ កែសម្រួលផ្ទៃដីទំហំ៥៨.១៦ហិកតា ចេញពីតំបន់៣ បញ្ជូលទៅតំបន់២ ពាក់ព័ន្ធក្បាលដី ចំនួន២២ប័ណ្ណ នៅភូមិកាបៅនិងភូមិកំពង់ក្រសាំង ឃុំភ្នំលៀប ស្រុកព្រះនេត្រព្រះ ប្រគល់ជូនពលរដ្ឋ ចំនួន២២គ្រួសារ ប្រើប្រាស់ និងអាស្រ័យផល និងស្នើសុំកែសម្រួលព្រំប្រទល់តំបន់២ មានផ្ទៃដី ទំហំ១៧,៧៥៥.០៥ហិកតា។
លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់ មានប្រសាសន៍ឲ្យក្រុមការងារខេត្ត និងមន្ទីរជំនាញ ត្រូវពិនិត្យស្រាវជ្រាវវាស់វែង និងស្រង់ទិន្នន័យ គ្រួសារប្រជាពលរដ្ឋ ដែលបានតាំងលំនៅ គ្រប់គ្រង កាន់កាប់ ប្រើប្រាស់ និងអាស្រ័យផលជាក់ស្តែង ក្នុងដែនព្រៃលិចទឹក នៅតំបន់២ មុនធ្វើការកែសម្រួលព្រំដីរដ្ឋ ក្នុងដែនព្រៃលិចទឹកតំបន់៣ និងតំបន់២ ភូមិសាស្គ្រខេត្តបន្ទាយមានជ័យ ដែលសុំកាត់ឆ្វៀលដីភូមិឋាន ដែលប្រជាពលរដ្ឋបានតាំងទីលំនៅគ្រប់គ្រងកាន់កាប់ ប្រើប្រាស់និងអាស្រ័យផល ជាក់ស្តែងដើម្បីចេញវិញ្ញាបនបត្រសម្គាល់ម្ចាស់អចលនវត្ថុ ជូនប្រជាពលរដ្ឋប្រើប្រាស់ ៕
ដោយ ៖ អពៅ
-
ព័ត៌មានជាតិ២០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ