ព័ត៌មានជាតិ
សត្វស្លាបបឹងទន្លេសាបខេត្តបាត់ដំបងកើនឡើង ក្លាយជាចំណីទស្សនាភ្ញៀវទេសចរ
ឆ្នាំនេះសត្វស្លាបជាច្រើនប្រភេទជាពិសេសប្រភេទសត្វកម្រមានការកើនឡើងនៅក្នុងដែនបឹងទន្លេសាបក្នុងខេត្តបាត់ដំបង ខណៈដែលធននធានធម្មជាតិនេះ បានក្លាយជាចំណីចក្ខុមួយសម្រាប់ទាក់ទាញកំណើនភ្ញៀវទេសចរជាតិនិងអន្តរជាតិ។
លោក តុន ណៃ ប្រធានសហគមន៍អេកូទេសចរណ៍បឹងទន្លេសាបបានឲ្យដឹងថា ហ្វូងសត្វស្លាបក្នុងបឹងទន្លេសាប ពិតជាសំខាន់ណាស់សម្រាប់ជាចំណីចក្ខុរបស់ភ្ញៀវចូលទស្សនា។ សព្វថ្ងៃនេះលោកមិនមានពេលទំនេរច្រើននោះឡើយ ដោយមួយថ្ងៃៗជូនភ្ញៀវទាំងក្នុងស្រុក និងបរទេសចូលទស្សនាឥតឈប់ឈរ ខណះដែលកំណើនហ្វូងសត្វកាន់តែមានសន្ទុះកើនឡើង តាមរយះការយកចិត្តទុកដាក់ពីមន្ត្រីជំនាញបានអនុវត្តយ៉ាងតឹងតែងតាមគោលការពីរាជរដ្ឋាភិបាលក៏ដូចជាក្រសួងសាមីផងដែរ ។
លោក កត បូរ៉ាន់ ប្រធានមន្ទីរបរិស្ថានខេត្តបានឲ្យកម្ពុជាថ្មីដឹងនៅថ្ងៃទី០១ ខែកុម្ភ: នេះថា បច្ចុប្បន្នកំណើនសត្វស្លាបនៅបឹងទន្លេសាបកើនឡើង ២០ ភាគរយ បើធៀបឆ្នាំកន្លងទៅ។
លោកបន្តថា មិនត្រឹមតែសត្វស្លាបដែលបានកើនឡើងនោះទេសូម្បីតែត្រីឆ្នាំនេះក៏បានកើនឡើង ក្រោយពីមានការយកចិត្ត ទុកដាក់ខ្ពស់ពីរាជរដ្ឋាភិបាលបានដាក់បទបញ្ជាយ៉ាងតឹងតែងបំផុតចំពោះបទល្មើសនេសាទកន្លងទៅ ដោយក្នុងនោះក៏ខាងមន្ត្រីជំនាញបានខិតខំអភិរក្សចំពោះសត្វស្លាបផងដែរ។
ស្របការលើកឡើងខាងលើនេះ ប្រជានេសាទជាលក្ខណះគ្រួសាររស់នៅតំបន់បឹងទន្លេសាបក៏សង្កេតឃើញហ្វូងសត្វស្លាបបានហក់កំណើនខ្ពស់ឆ្នាំនេះ។ ការកើនឡើងរបស់ហ្វូងសត្វស្លាបនៅឆ្នាំនេះ ដោយសារតែខាងមន្ត្រីជំនាញពាក់ព័ន្ធបានទប់ស្កាត់បានប្រសើរ ស្របការយល់ដឹងពីប្រជាពលរដ្ឋនៅតំបន់ក្បែរៗបានយល់ដឹងចូលរួមថែរក្សាការពារ។
លោក សុខុម ប្រជានេសាទម្នាក់នៅតំបន់បឹងទន្លេសាបទទួលស្គាល់ថា កន្លងទៅខ្លួនក៏បានប្រមាញ់សត្វស្លាបជាមួយអ្នកភូមិមួយចំនួនទៀត។ តែក្រោយមកបានបញ្ឈប់សកម្មភាពទាំងនោះដោយយល់ឃើញថា ទី១បំផ្លាញសត្វក្នុងស្រុកខ្លួនឯងឲ្យកាន់តែតិចទៅ។ ទី២ ធ្វើឲ្យប៉ះពាល់ដល់ក្តីសុខរបស់សត្វទាំងនោះដែលត្រូវបង្ខំបម្លាស់ទីជម្រកចាកឆ្ងាយពីតំបន់ ដោយសារតែការភ័យខ្លាញពីការប្រម៉ាញ់របស់មនុស្ស៕
អត្ថបទ៖ សៅ សារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ