ព័ត៌មានជាតិ

សេវាទឹកស្អាតខេត្តកំពង់ចាម គ្របដណ្តប់ភូមិជាង ៩៥% ទូទាំងខេត្ត

បានផុស

៣ years មុន

នៅ

ថ្ងៃសុក្រ ៣ កុម្ភៈ ២០២៣

ដោយ

សេវាផ្គត់ផ្គង់ទឹកស្អាតក្នុងខេត្តកំពង់ចាមបានគ្របដណ្តប់ជាង ៩៥ ភាគរយ ក្នុងចំណោមភូមិសរុប ៩២៣ ទូទាំងខេត្ត។

តាមរបាយការណ៍របស់អាជ្ញាធរខេត្តកំពង់ចាមនៅក្នុងសន្និសីទជោគជ័យរយៈពេល ៥ ឆ្នាំរបស់រដ្ឋបាលខេត្តកំពង់ចាមនៅព្រឹកនេះបានបង្ហាញថា វិសាលភាពផ្គត់ផ្គង់សេវាទឹកស្អាតទូទាំងខេត្តគ្របដណ្តប់លើចំនួន ១០៧ឃុំ/សង្កាត់ ក្នុងចំណោម ១០៩ឃុំ/សង្កាត់ និងចំនួន ៨៨៣ ភូមិក្នុងចំណោម ៩២៣ភូមិ ស្មើ ៩៥.៦៦%។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរយៈពេល ៥ ឆ្នាំ (២០១៨-២០២២) ការផ្គត់ផ្គង់ទឹកស្អាតជូនប្រជាពលរដ្ឋនៅទូទាំងខេត្តកើនបានចំនួន ២៧៦ ភូមិ មានប្រជាពលរដ្ឋប្រើប្រាស់ទឹកស្អាតកើនបានចំនួន ៣៤,៧៤១ គ្រួសារ ក្នុងនោះទឹកស្អាតផ្នែកឯកជនបានពង្រីកដាក់បណ្តាញថ្មីកើនបានចំនួន ២៥៥ ភូមិ មានប្រជាពលរដ្ឋប្រើប្រាស់ទឹកស្អាតកើនបានចំនួន ២៧,៨១៨ គ្រួសារ និងអង្គភាព រដ្ឋាករទឹក បានពង្រីកបណ្តាញបន្ថែមកើនបានចំនួន ២១ ភូមិ មានប្រជាពលរដ្ឋប្រើប្រាស់ទឹកស្អាតកើនបានចំនួន ៧,១០៣ គ្រួសារ។

បច្ចុប្បន្ននេះ ខេត្តកំពង់ចាមមានសេវាផ្គត់ផ្គង់ទឹកស្អាតផ្នែកសាធារណៈចំនួន ០១ មូលដ្ឋាន និងទឹកស្អាតផ្នែកឯកជនចំនួន ៦០ មូលដ្ឋាន សរុបចំនួន ៦១ មូលដ្ឋាន៕