ព័ត៌មានជាតិ

អាជ្ញាធរខេត្តកំពង់ចាម ដាក់សំណើកែលម្អផ្លូវតាមមាត់ទន្លេពីស្ទឹងត្រង់មកទីរួមខេត្តឲ្យធំទូលាយ

បានផុស

២ years មុន

នៅ

ថ្ងៃពុធ ៨ កុម្ភៈ ២០២៣

ដោយ

ក្នុងសន្និសីទសារព័ត៌មានស្ដីពី «ភាពជោគជ័យក្នុងរយៈពេល ៥ឆ្នាំកន្លងមកនៃខេត្តកំពង់ចាម» លោក អ៊ុន ចាន់ដា អភិបាលនៃគណៈអភិបាលខេត្តបានបកស្រាយថា ផ្លូវចេញពីស្រុកស្ទឹងត្រង់មកកាន់ទីរួមខេត្តកំពង់ចាម ពិតជាមានសភាពតូចចង្អៀត និងបង្កផលលំបាកដល់ការធ្វើដំណើររបស់ប្រជាពលរដ្ឋនាពេលកន្លងមក ប៉ុន្តែអាចនឹងមានការជួសជុលក្នុងផែនការឆ្នាំបន្ទាប់របស់ក្រសួងសាធារណការ បន្ទាប់ពីមានការដាក់សំណើពីរដ្ឋបាលខេត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លើយតបសំណួរខាង«កម្ពុជាថ្មី» លោកអ៊ុន ចាន់ដា មានប្រសាសន៍ នាពេលកន្លងមកនេះ រដ្ឋបាលខេត្តក៏បានគិតគូរពីបញ្ហាផ្លូវចេញពីស្រុកស្ទឹងត្រង់មកកាន់ទីរួមខេត្តកំពង់ចាមតាមដងទន្លេ ដោយសារតែមានភាពតូចចង្អៀតពិបាកនៅក្នុងការធ្វើដំណើរទៅមករបស់ប្រជាពលរដ្ឋ។ ផ្លូវពីស្ទឹងត្រង់មកកាន់ទីរួមខេត្តកំពង់ចាម រដ្ឋបាលខេត្តបានដាក់សំណើទៅកាន់ក្រសួងសាធារណការ និងដឹកជញ្ជូនដើម្បីសុំជួយដោះស្រាយបញ្ហានិងធ្វើការជួសជុលឡើងវិញ។

ជាក់ស្ដែង លោកអភិបាលបានមានប្រសាសន៍ថា «បន្ទាប់ពីមានការស្នើសុំពីរដ្ឋបាលខេត្តកំពង់ចាម រដ្ឋមន្ត្រីក្រសួងសាធារណការ និងដឹងជញ្ជូន បានយល់ព្រមដាក់បញ្ចូលទៅក្នុងផែនការឆ្នាំបន្ទាប់របស់ក្រសួង ដើម្បីពង្រីកផ្លូវមួយនេះឱ្យមានភាពធំទូលាយ ព្រមទាំងអាចឱ្យពលរដ្ឋងាយស្រួលនៅក្នុងការធ្វើដំណើរ»។

ដោយ៖ ឌិន ថារី