Connect with us

សេដ្ឋកិច្ច

វិស្វករ​វ័យ​ក្មេង​មួយ​រូប ​ចែក​រំលែក​វិធីសាស្ត្រ​ ​សង់​ផ្ទះ​ប្រកប​ដោយ​​គុណភាព និង​សោភ័ណភាព​​ស្រស់​ស្អាត​​​

បានផុស

នៅ

ជា​វិស្វករ​​​វ័យ​ក្មេង​មួយ​រូប ដែល​មាន​ជំនាញ​​ផ្នែក​ម៉ៅ​ការ​​សាង​សង់​ និង​​​រចនា​ម៉ូត​ផ្ទះ​ លោក​ នៅ​​ ស៊ី​និត​ បាន​​លើក​ឡើង​ថា​ ​​​ផ្ទះ​មាន​តួនាទី​សំខាន់​ណាស់ សម្រាប់​មនុស្ស​គ្រប់គ្នា ​និង​ជា​​ជម្រក​​ដ៏​កក់​ក្តៅ​និង​ផ្តល់​សេចក្តី​សុខ​សុភមង្គល​ដល់​សមាជិក​គ្រួសារ​ម្នាក់ៗ​។​​ ​លំនៅឋាន​​បង្ហាញ​ពី​កិត្តិយស​ និង​​កម្រិត​ចេះ​ដឹង​របស់​ម្ចាស់​ផ្ទះ។​ ​ផ្ទះ​​ក៏​ជួយ​លើក​ ឬ​​ទម្លាក់​​តម្លៃ​របស់​ម្ចាស់​ផ្ទះ​តាម​រយៈ ​ម៉ូត​ផ្ទះ​ និង​ភាព​រឹង​មាំ​របស់​សំណង់​ផង​ដែរ​។ ​​លុយ​ពិត​ជា​ពិបាក​រក​ខ្លាំង​ណាស់​ ទម្រាំ​តែ​រក​លុយ​បាន​មក​សាង​សង់​ ពេល​ខ្លះ​ត្រូវ​ចំណាយ​ពេល​សឹង​តែ​ពាក់​កណ្ដាល​ ឬ​អ្នក​ខ្លះ​សឹង​តែ​ពេញ​មួយ​ជីវិ​ត​ក៏​មាន​។​​ដូច្នេះ​​​ប្រសិន​បើ​​​សាង​សង់​ ដោយ​មិន​បាន​គិត​ពិចារណា​​ឱ្យ​បាន​ត្រឹម​ត្រូវ​​នោះ​ទេ​​​នឹង​ស្តាយ​ក្រោយ​ជា​មិន​ខាន​ឡើយ។​ ​​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាង​ក្រោម​​នេះ​គឺ​ជា​វិធីសាស្រ្ត​ខ្លះ​ ​ក្នុង​ការ​សង់​ផ្ទះ​ប្រកប​ដោយ​​គុណភាព និង សោភ័ណភាព​​ស្រស់​ស្អាត៖

​​​​ទី១ បង​ប្អូន​ត្រូវ​រក​ព័ត៌មាន​​​ឱ្យ​បាន​ច្រើន​អំពី​សំណង់​(បច្ចេកទេស ​ច្បាប់​​ទម្លាប់​ ​ក៏​ដូច​ជា ​ម៉ូត​ផ្ទះ​)​។

​​ទី២ បង​ប្អូន​ត្រូវ​គិត​ពិចារណា​ទៅ​លើ​គម្រោង​ចំណាយ​ឱ្យ​បាន​ច្បាស់​លាស់​ ដោយ​​ប្រឹក្សា​​ជាមួយ​អ្នក​ដែល​មាន​ជំនាញ​ពិត​ប្រាកដ និង​ធ្លាប់​មាន​បទពិសោធន៍​លើ​វិស័យ​នេះ​ច្រើន​ ចៀស​វាង​សាង​សង់​ចប់​ពាក់​កណ្ដាល​ទី​(ផ្ទះ​ក៏​មិន​បាន​នៅ ​លុយ​ក៏​ជំពាក់​គេ​)​។

​ទី៣ ត្រូវ​ដឹង​ពី​តម្លៃ​សំណង់​នៅ​លើ​ទីផ្សារ​ប្រហាក់​ប្រហែល ​ដើម្បី​ងាយ​ស្រួល​ក្នុង​ការ​ ក្នុង​ការ​ជ្រើស​រើស​ជាង​។ ​បើ​ជាង​ដាក់​​តម្លៃ​​ទាប​ពេក​ ឬ​ថ្លៃ​ពេក​ យើង​អាច​ដឹង​ភ្លាម​ថា ​ជាង​នេះ​គ្មាន​ជំនាញ​សំណង់​ពិត​ប្រាកដ​ទេ ​​ពោល​គឺ​តម្លៃ​ចេះ​តែ​ដាក់​តាម​ចិត្ត​នឹក​ឃើញ​តែ​ប៉ុណ្ណោះ​​។​

​ទី៤ បង​ប្អូន​ត្រូវ​ចំណាយ​លុយ​ទៅ​​លើ​អ្នក​រចនា​ម៉ូត​ផ្ទះ​ (Design)​ ​ដែល​មាន​ជំនាញ​ច្បាស់​លាស់​ មាន​បទពិសោធន៍​ច្រើន ​ដើម្បី​ឱ្យ​ផ្ទះ​របស់​យើង​សាង​សង់​ចេញ​មក​ស្អាត​ទាក់​ទាញ ​ម៉ូត​ខុស​ពី​គេ​ ការ​​រៀប​ចំ​ខាង​ក្នុង ​និង​ក្រៅ​ងាយ​ស្រួល​រស់​នៅ​តាម​បទដ្ឋាន​ស្តង់ដារ​រស់​នៅ។​

​ទី៥ ​បង​ប្អូន​ត្រូវ​ជ្រើស​រើស​អ្នក​សាង​សង់​ (ជាង​ម៉ៅ​ការ​ ឬ​ក្រុមហ៊ុន​សំណង់​) ​ជា​មនុស្ស​មាន​ជំនាញ​ និង​បទពិសោធន៍ ​ច្រើន​លើ​វិស័យ​សំណង់​ផ្ទះ ​ហើយ​ជា​ពិសេស​ជា​មនុស្ស​ស្មោះ​ត្រង់​។​​ នេះ​ជា​ចំណុច​ខ្លះ​ៗ​ដែល​ម្ចាស់​​គម្រោង​គួរ​តែ​ពិចារណា ​មុន​នឹង​សាង​សង់​​ផ្ទះ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម