ព័ត៌មានជាតិ
មន្ត្រីជាន់ខ្ពស់ពាណិជ្ជកម្មព្រមានចាត់វិធានការច្បាប់ចំពោះអាជីវករលក់ចំណីអាហារប៉ះពាលសុខភាពសិស្សនៅតាមសាលា
មន្ត្រីជាន់ខ្ពស់ក្រសួងពាណិជ្ជកម្ម ព្រមានចាត់វិធានការផ្លូវច្បាប់ចំពោះអាជីវករ និងអ្នកផលិតផលិតផលណា
ដែលចែកចាយលក់ទំនិញអាហារប៉ះពាលសុខភាពក្មេងៗតាមគ្រឹះស្ថានសិក្សារដ្ឋនិងឯកជន។
ការត្រៀមចុះពិនិត្យ និងចាត់វិធានការផ្លូវច្បាប់ពីសំណាក់មន្រ្តីជំនាញក្រសួងពាណិជ្ជកម្មនៅពេលនេះ បានធ្វើឡើងក្រោយពីក្រសួងអប់រំយុវជន និងកីឡាប្រកាសក្រើនរំលឹកជាថ្មី ស្តីពីការពង្រឹងវិធានការអនុវត្តលើកកម្ពស់សុវត្ថិភាពចំណីអាហារនៅតាមសាលារៀនរដ្ឋ និងឯកជននានាដើម្បីបង្ការកុំឲ្យមានផលប៉ះពាល់ដល់សុខភាពសិស្សនៅតាមសាលារៀន។
ថ្លែងក្រោយចូលរួមពិធីបើកវគ្គបណ្តុះបណ្តាល កម្មសិទ្ធបញ្ញាត្រៀមប្រឡងជ្រើសរើសភ្នាក់ងារតំណាងស្របច្បាប់ នៃម្ចាស់ម៉ាកជំនាន់ទី៦ នៅកម្ពុជាកាលពីចុងសប្តាហ៍នេះ លោក អ៊ុក ប្រជា រដ្ឋលេខាធិការក្រសួងពាណិជ្ជកម្មថ្លែងថា បច្ចុប្បន្នក្រសួងពាណិជ្ជកម្មដែលមានអគ្គនាយកដ្ឋានកិច្ចការពារអ្នកប្រើប្រាស់ និងប្រកួតប្រជែង ហៅកាត់ថា ក.ប.ប បាននិងកំពុងធ្វើចុះស្រាវជ្រាវ និងត្រួតពិនិត្យមុខទំនិញអាហារចែកចាយតាមទីផ្សារយកមកធ្វើតេស្តរកសារធាតុផ្សំប៉ះពាល់សុខភាពជាប្រចាំ ដើម្បីលើកកម្ពស់សុខភាពសុវត្ថិភាពអ្នកប្រើប្រាស់។
លោកបានបន្តថា មន្ត្រីជំនាញក្រសួងពាណិជ្ជកម្មក៏នឹងពង្រីកការចុះត្រួតពិនិត្យមុខទំនិញអាហារនៅតាមសាលារៀនបន្ថែមទៀតហើយនៅពេលរកឃើញមុខទំនិញចំណីអាហារណាមានសារធាតុហាមឃាត់
ដែលបង្កផលប៉ះពាល់សុខភាពដល់ក្មេងៗ ជាពិសេសសិស្សានុសិស្សនឹងចាត់វិធានការតាមផ្លូវច្បាប់។
សូមបញ្ជាក់ថា ក្រោយពីសង្កេតឃើញ មានការលក់ដូរចំណីអាហារមិនមានសុវត្តិភាព និងសុខុមាលភាព ដល់សិស្សានុសិស្សនៅតាមគ្រឹះស្ថានសិក្សាមួយចំនួន នៅថ្ងៃទី១៦ ខែកុម្ភៈ ឆ្នាំ២០២៣ ក្រសួងអប់រំ បានចេញសេចក្ដីណែនាំស្ដីពីការពង្រឹងវិធានការអនុវត្តការលើកកម្ពស់សុវត្ថិភាព និងសុខុមាលភាពចំណីអាហារនៅតាមគ្រឹះស្ថានសិក្សាចំណេះទូទៅសាធារណៈ និងឯកជនឡើងវិញដើម្បីលើកកម្ពស់សុវត្ថិភាព និងសុខុមាលភាពរបស់អ្នកសិក្សា និងបុគ្គលិកអប់រំជាដើម។
ចំណីអាហារដែលក្រសួងហាមឃាត់លក់ដូរនៅក្នុងគ្រឹះស្ថានសិក្សារដ្ឋ និងឯកជនលាមានចំនួន៦ ប្រភេទរួមមាន៖ ១ ចំណីអាហារគ្រប់ប្រភេទដែលហួសកំណត់កាលបរិច្ឆេទប្រើប្រាស់ ២- គ្រឿងស្រវឹង និងផលិតផលថ្នាំជក់គ្រប់ប្រភេទ ៣-ចំណីអាហារដែលមិនមានប្រភពច្បាស់លាស់៤- ភេសជ្ជៈប៉ូវកម្លាំង ភេសជ្ជៈផ្អែមកាហ្វេ ការ៉េម ទឹកស៊ីរ៉ូគ្រប់ប្រភេទ៥- ស្ករសូកូឡា ស្ករគ្រាប់ ស្ករកៅស៊ូគ្រប់ប្រភេទ៦-ចាហួយគ្រប់ប្រភេទ នំដូណាត់ នំផ្អែម៕
អត្ថបទ៖ សំអឿន
-
សន្តិសុខសង្គម១៣ ម៉ោង ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ជីវិតកម្សាន្ដ៣ ថ្ងៃ ago
កូនស្រីពៅតារាហុងកុង Michael បង្ហោះរូបអាក្រាតកាយសារជាថ្មី
-
ជីវិតកម្សាន្ដ១ សប្តាហ៍ ago
កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ
-
ព័ត៌មានអន្ដរជាតិ៤ ថ្ងៃ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានជាតិ២ ថ្ងៃ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ព័ត៌មានជាតិ១៨ ម៉ោង ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
ព័ត៌មានជាតិ៥ ថ្ងៃ ago
អាកាសយានដ្ឋានចំនួន ០៨ ចុះបញ្ជីនៅកម្ពុជា មាន ៣ កំពុងដាក់ឲ្យដំណើការ
-
ជីវិតកម្សាន្ដ៤ ថ្ងៃ ago
ករុណា ពេជ្រ ហួសចិត្តអ្នក Troll សើចចំអក សេះសមុទ្រ បាញ់ទឹក នៅខេត្តកំពត