ព័ត៌មានជាតិ

គិតត្រឹមចុងឆ្នាំ ២០២២ កម្ពុជា ផលិតថាមពលអគ្គិសនីបានជាង ៣,៤០០ មេហ្គាវ៉ាត់

បានផុស

៣ years មុន

នៅ

ថ្ងៃអង្គារ ២១ កុម្ភៈ ២០២៣

ដោយ

បើតាមរបាយការណ៍របស់អាជ្ញាធរអគ្គិសនីកម្ពុជា គិតត្រឹមចុងឆ្នាំ២០២២ កម្ពុជាអាចផលិតថាមពលអគ្គិសនីក្នុងស្រុកបានចំនួន ៣,៤៦៤.៦៧ មេហ្គាវ៉ាត់ ខណៈការនាំចូលពីប្រទេសជិតខាងមានជាង ១ ពាន់មេហ្គាវ៉ាត់។

របាយការណ៍បង្ហាញថា កម្ពុជាបាននាំចូលអគ្គិសនីពីប្រទេសជិតខាងមានចំនួន ១,០៣០.៧៥ មេហ្គាវ៉ាត់ក្នុងនោះប្រទេសថៃមានចំនួន ២៧៧.៣០មេហ្គាវ៉ាត់ ស្មើ ២៦.៩០ ភាគរយ, វៀតណាម ៣៣២.៤៥ មេហ្គាវ៉ាត់ ស្មើ ៣២.២៥ភាគរយ និងឡាវ ៤២១.០០មេហ្គាវ៉ាត់ ស្មើ ៤០.៨៤ភាគរយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផែនការឆ្នាំ២០២៣ កម្ពុជាគ្រោងនឹងដំឡើងថាមពលអគ្គិសនីឲ្យបានរហូតដល់ ៣,៨១៤.៦៧ មេហ្គាវ៉ាត់ស្មើ ៧៧.១៤ ភាគរយ ខណៈថាមពលអគ្គិសនីនាំចូលពីប្រទេសជិតខាងនឹងកើនឡើងដល់ ១,១៣០.៧៥ មេហ្គាវ៉ាត់ ស្មើ ២២.៨៦ភាគរយ។

ថ្លែងក្នុងពិធីបើកមហាសន្និបាតបូកសរុបលទ្ធផលការងារឆ្នាំ ២០២២ និងលើកទិសដៅការងារអនុវត្តសម្រាប់ឆ្នាំ២០២៣ របស់អាជ្ញាធរអគ្គិសនីកម្ពុជាកាលពីថ្ងៃទី១៥ ខែកុម្ភៈ ឆ្នាំ២០២៣ លោក ទី នរិន្ទ រដ្ឋលេខាធិការក្រសួងរ៉ែនិងថាមពល បានបញ្ជាក់ថា តាមផែនការមេអភិវឌ្ឍន៍វិស័យថាមពលអគ្គិសនីពីឆ្នាំ២០២២ ដល់២០៤០ កម្ពុជាត្រូវការទុនវិនិយោគសរុបចំនួន ១១,០២៤ លានដុល្លារអាមេរិក ដើម្បីធ្វើការអភិវឌ្ឍប្រភពអគ្គិសនី និងប្រព័ន្ធបណ្ដាញជាតិ៕