ព័ត៌មានជាតិ

មន្ទីរទេសចរណ៍គ្រោងបង្កើតតំបន់លំហែកាយ ដាក់ជាគោលដៅទេសចរណ៍បន្ថែមទៀត ក្នុងស្រុកសំឡូត

បានផុស

៤ years មុន

នៅ

ថ្ងៃព្រហស្បតិ៍ ១៤ មករា ២០២១

ដោយ

លោក អ៊ុច អ៊ុំភីនីស្សារ៉ា ប្រធានមន្ទីរទេសចរណ៍ខេត្តបាត់ដំបង បានឲ្យដឹងកាលពីរសៀលថ្ងៃទី១៣ ខែមករានេះថា លោកបានដឹកនាំក្រុមការងារចុះពិនិត្យនិងសិក្សាធ្វើបច្ចុប្បន្នភាពព័ត៌មានសំខាន់ៗតាមគោលដៅទេសចរណ៍ថ្មីៗជាច្រើនក្នុងស្រុកសំឡូត ក្នុងគោលបំណងត្រៀមផ្សព្វផ្សាយលើកកម្ពស់សន្ទុះវិស័យទេសចរណ៍ក្នុងខេត្តបាត់ដំបង ក្រោយវិបត្តិកូវីដបានបញ្ចប់នាពេលខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្យ៉ាងវិញទៀតក៏ ដើម្បីជំរុញឲ្យបានខ្លាំងក្លាបន្ថែមទៀត ផងដែរ នៅក្នុងមូលដ្ឋានខេត្តបាត់ដំបងឲ្យក្លាយជាខេត្ត ដែលមានជម្រើសទេសចរណ៍កាន់តែសម្បូរបែបនិងអាចពន្យារពេលស្នាក់នៅរបស់ទេសចរ ផងដែរ។ លោកបន្តថា គោលដៅទេសចរណ៍ ដែលគ្រោងនិងបន្ថែមនេះ អាចនឹងទាក់ទាញអារម្មណ៍អ្នកទេសចរតាមរយៈសក្ដានុពលសម្បូរបែបក្នុងដំណាក់កាលថ្មីនេះ គឺសម្រស់ធម្មជាតិ ក្នុងភូមិសាស្ត្រស្រុកសំឡូត ដែលពោរពេញទៅដោយចម្ការរុក្ខជាតិទុរេន ចម្ការប័រ,មង្ឃុត,តាង៉ែន,ចម្ការសាវម៉ាវ នៅរដូវហុចផលក្រៅពីនេះ ក៏មានដងព្រៃភ្នំបឹងបួជ្រោះ ជ្រងជ្រលងដងអូរជាច្រើន សណ្ឋានសាកសមជាមេដែកដ៏ខ្លាំងក្លា ក្នុងការអន្ទងចិត្តភ្ញៀវឲ្យចូលមកទស្សនាកម្សាន្តសម្រាកលំហែកាយ និងស្រាវជ្រាវផ្សេងៗតាមចំណង់ជំនាញរបស់អ្នកទេសចរ។ ខណៈបច្ចុប្បន្ននេះ អ្នកវិនិយោគទុនក៏កំពុងផ្តោតការចាប់អារម្មណ៍វិនិយោគអភិវឌ្ឍលើវិស័យទេសចរណ៍ នៅតំបន់មួយនេះ ក៏កាន់តែច្រើន ផងដែរ។

ប្រធានមន្ទីរទេសចរណ៍ខេត្តបាត់ដំបងបានបន្តថា គោលដៅទេសចរណ៍ថ្មីៗដែលមន្ត្រីជំនាញបានចុះពិនិត្យនិងសិក្សានេះរួមមាន តំបន់វាលចម្បាំងខេមសាយ ឋិតក្នុងភូមិព្រៃធំឃុំកំពង់ល្ពៅមានសក្ដានុពលទេសភាពព្រៃភ្នំ និងទីវាលចម្ការមានម៉ូតូកង់៤ សម្រាប់ជួលជិះកម្សាន្តតាមដងព្រៃព្រឹក្សា និងបោះតង់តំបន់ដាយមិនរីស៊ត ឋិតក្នុងភូមិបរឡាង ដែលមានសក្ដានុពលទេសភាពទឹកធ្លាក់ស្ទឹងបរឡាង ដើម្បីទាញអារម្មណ៍អ្នកទេសចរឲ្យឋិតក្នុងភាពស្រស់ស្រាយរីករាយ ដែលមិនអាចបំភ្លេចបាននៅថ្ងៃខាងមុខបន្តទៀត៕