ព័ត៌មានជាតិ
ជើងហោះហើរ និងគម្រោងអភិវឌ្ឍន៍ក្នុងរាជធានីភ្នំពេញកើនឡើងក្រោយបើកប្រទេសឡើងវិញ
បន្ទាប់ពីប្រទេសកម្ពុជាបើកឱ្យដំណើរការសេដ្ឋកិច្ច-សង្គមលើគ្រប់វិស័យឡើងវិញ ក្រោយពីជំងឺកូវីដ១៩ បានសាបរលាបនោះ ចំនួនជើងហោះហើរបានកើនឡើងជាង ៧ ០០០ និងចំនួនអ្នកដំណើរប្រមាណ ៧៨ ០០០ នាក់។
លោក ឃួង ស្រេង អភិបាលរាជធានីភ្នំពេញ បានមានប្រសាសន៍លើកនៅក្នុងពិធីបើកសន្និបាតបូកសរុបលទ្ធផលការងារប្រចាំឆ្នាំ២០២២ និងលើកទិសដៅអនុវត្តការងារ ឆ្នាំ២០២៣ របស់រដ្ឋបាលរាជធានីភ្នំពេញនៅថ្ងៃទី ៩ ខែមីនានេះថា៖ ក្រោយការបើកដំណើរការសេដ្ឋកិច្ច-សង្គមឡើងវិញ ចំនួនជើងហោះហើរ និងចំនួនអ្នកដំណើរ តាមរយៈអាកាសយានដ្ឋានអន្តរជាតិភ្នំពេញ មានការកើនឡើងវិញគួរឱ្យកត់សម្គាល់ ក្នុងនោះជើងហោះហើរសរុប មានចំនួន ៧.០៧០ ជើង កើនឡើង ២៦៤,៤% និងអ្នកដំណើរសរុបមានចំនួន ៧៨៤.៩៨៦ នាក់ (ចិតសិបប្រាំបីម៉ឺន បួនពាន់ប្រាំបួនរយប៉ែតសិបប្រាំមួយនាក់) កើនឡើង ៥០១,៦% ប្រៀបធៀបនឹងឆ្នាំ២០២១ កន្លងទៅ។
លោកបន្តថា បច្ចុប្បន្ន បើទោះបីសេដ្ឋកិច្ចជាតិត្រូវបានរាំងស្ទះដោយវិបត្តិជាសកល និងភាពមិនច្បាស់លាស់នៃសេដ្ឋកិច្ចពិភពលោក យ៉ាងណាក្តី ក៏តម្រោងអភិវឌ្ឍន៍ជាច្រើន បាននឹងកំពុងដំណើរការសាងសង់ក្នុងរាជធានីភ្នំពេញ ក្នុងនោះ ឆ្នាំ២០២២ យើងទទួលបានការស្នើសុំលិខិតអនុញ្ញាតសាងសង់ចំនួន ១,១៣៩ គម្រោង លើផ្ទៃក្រឡាសំណង់សរុបជាង ១,២១ លានម៉ែត្រក្រឡា ដែលមានទំហំទុនវិនិយោគប៉ាន់ស្មានជិត ៦០៥ លានដុល្លាអាមេរិក (ប្រាំមួយរយប្រាំលានដុល្ល អាមេរិក) ហើយផ្សារទំនើបចំនួន ៤ រួមមាន ផ្សារទំនើប អ៊ីអនម៉លទី៣ មានជ័យ, ផ្សារទំនើបជីបម៉ុង ២៧១ មេហ្គាម៉ល, ផ្សារទំនើប ម៉ាក្រូជ្រោយចង្វារ និងផ្សារទំនើបព្រីនស៍ ថាម សហ្វែរ ត្រូវបានបើកដំណើរការបន្ថែមទៀត។
ដោយឡែក ចំនួនអាជីវកម្មដ្ឋានក៏មានការកើនឡើង ក្នុងនោះ រោងចក្រមានចំនួន ៧៦៦ រោងចក្រនិង ឧស្សាហកម្មធុនតូច និងសិប្បកម្ម មានចំនួន ៥.៤៧៦ មូលដ្ឋាន មានតម្លៃប៉ាន់ស្មានផលិតផលសរុប ២.០៦៨ លានដុល្លាអាមេរិក (ពីរពាន់ ហុកសិបប្រាំប៊ីលានដុល្លាអាមេរិក) បានផ្ដល់ការងារដោយផ្ទាល់ជូនកម្មករ-កម្មការិនី ចំនួនជាង ៥១ ម៉ឺននាក់ និងដោយប្រយោលជាច្រើនអ្នកផ្សេងទៀត។
បន្ថែមលើនេះ ក្នុងឆ្នាំ២០២២ កន្លងទៅ ស្របពេលដែលប្រទេសកម្ពុជាត្រូវធ្វើជាប្រធានប្តូរវេនអាស៊ាន រដ្ឋបាលរាជធានីភ្នំពេញ ពិតជាមានកិត្តិយស និងមោទនភាពបំផុត ដោយបានទទួលធ្វើជាម្ចាស់ផ្ទះរៀបចំវទិកាអភិបាល ក្រុងអាស៊ាន និង កិច្ចប្រជុំអភិបាលរាជធានី-រដ្ឋធានីអាស៊ាន ឆ្នាំ២០២២” ដែលមានគណៈប្រតិភូដឹកនាំដោយ អភិបាល រាជធានី-រដ្ឋធានីទាំង ៩ នៃប្រទេសជាសមាជិកអាស៊ាន និងអភិបាលខេត្ត ទីក្រុងសម្ព័ន្ធមេត្រី និងគណៈប្រតិភូនៃបណ្តា ទីក្រុងអាស៊ាន ចំនួន ៤៣ ទីក្រុង, អង្គការ-សមាគមអន្តរជាតិ ៧ ស្ថាប័ន និងបណ្តាខេត្ត ក្រុង ទូទាំងប្រទេសកម្ពុជា សរុប មានគណៈប្រតិភូជាតិ និងអន្តរជាតិប្រមាណជាង ៤០០ នាក់ បានអញ្ជើញចូលរួមក្នុងវេទិកា និងកិច្ចប្រជុំដ៏មានសារៈ សំខាន់នេះ ហើយជាលទ្ធផល គណៈប្រតិភូបានវាយតម្លៃខ្ពស់ចំពោះការរក្សាសុខសុវត្ថិភាព, ការទទួលបដិសណ្ឋារកិច្ច, ការ ស្នាក់នៅ, ការរៀបចំកិច្ចប្រជុំ និងភាពរីកចម្រើនរបស់រាជធានីភ្នំពេញ ហើយនេះ គឺជាផ្នែកមួយដ៏សំខាន់ដើម្បីពង្រឹង និងពង្រីកកិច្ចសហប្រតិបត្តិការកាន់តែស៊ីជម្រៅ ដើម្បីប្រជាជាតិអាស៊ាន ប្រជាជននៃបណ្តារាជធានី-រដ្ឋធានីអាស៊ាន និង ដើម្បីឈានទៅសម្រេចបាន សហគមន៍អាស៊ានមួយដែលកាន់តែមានភាពស្អិតរមូតលើគ្រប់វិស័យ៕
អត្ថបទ៖ ស្រីរ័ត្ន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម១០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ