Connect with us

ព័ត៌មានជាតិ

រកឃើញក្លឹបកម្សាន្តមួយចំនួន មិនបានចុះបញ្ជីពន្ធដារ

បានផុស

នៅ

លោក គង់ វិបុល អគ្គនាយក នៃអគ្គនាយកដ្ឋានពន្ធដារ បានដាស់តឿនដល់ម្ចាស់អាជីវកម្មទាំងអស់ ដែលមិនទាន់បានចុះបញ្ជីពន្ធដារ ត្រូវមកបំពេញកាតព្វកិច្ចចុះបញ្ជីពន្ធដារ បន្ទាប់ពីវិធានការចុះអង្កេតសហគ្រាស រកឃើញថា មានអាជីវកម្ម​ជាច្រើន ដែលក្នុងនោះច្រើនជាក្លឹបកម្សាន្ត គឺមិនបានចុះបញ្ជីពន្ធដារ និងចុះបញ្ជីមិនបានត្រឹមត្រូវតាមកម្រិតផលរបរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចប្រជុំបូកសរុបលទ្ធផលការងារ គ្រប់គ្រងប្រមូលចំណូលពន្ធប្រចាំខែកុម្ភៈ នៅថ្ងៃទី១៤ ខែមីនា ឆ្នាំ២០២៣
អគ្គនាយក នៃអគ្គនាយកដ្ឋានពន្ធដារ មានប្រសាសន៍ក្រើនរំលឹកដល់ម្ចាស់អាជីវកម្មទាំងអស់ ដែលមិនទាន់បានបំពេញតាមកាតាព្វបញ្ជីពន្ធ ត្រូវឆាប់មកបំពេញកាតព្វកិច្ច​បញ្ជីពន្ធ និងធ្វើបច្ចុប្បន្នភាព​ព័ត៌មាន​សហគ្រាស ចៀសវាងទទួល​ការ​ផាកពិន័យ និងមានទោសទណ្ឌនានា។

គួរបញ្ជាក់ថា ចំណូលពន្ធ-អាករគ្រប់ប្រភេទ ដែលអគ្គនាយកដ្ឋានពន្ធដារប្រមូលបាន ក្នុងខែកុម្ភៈ ឆ្នាំ២០២៣នេះ តាម​រយៈ​​ប្រព័ន្ធគ្រប់គ្រង​ទិន្នន័យចំណូលអនឡាញ របស់អគ្គនាយកដ្ឋានពន្ធដារបង្ហាញថា គឺមានចំនួន ២៣៨.៦០លានដុល្លារ ដែលស្មើនឹង៦.៦៨% នៃផែនការច្បាប់ ស្តីពីហិរញ្ញវត្ថុ សម្រាប់ការគ្រប់គ្រងឆ្នាំ២០២៣ បើធៀបនឹងចំណូលពន្ធ-អាករប្រចាំខែកុម្ភៈ ឆ្នាំ២០២២ ឃើញថា កើនឡើងចំនួន ប្រមាណជា១៤.៦៤លានដុល្លារ ស្មើនឹង៦.៥៤%៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម