ព័ត៌មានជាតិ
ធនាគារអេស៊ីលីដា គ្រោងនឹងពង្រីកការទូទាត់ឆ្លងដែនបន្ថែមទៅកាន់ប្រទេសឡាវ និងវៀតណាម នាពេលខាងមុខ
ធនាគារអេស៊ីលីដាភីអិលស៊ី ដែលជាធនាគារពាណិជ្ជដ៏ធំរបស់កម្ពុជា គ្រោងនឹងពង្រីកការទូទាត់ឆ្លងដែនតាមបច្ចេកវិទ្យាឌីជីថលទំនើបទៅកាន់ប្រទេសឡាវ និងវៀតណាមបន្ថែមទៀត នាពេលខាងមុខនេះ បន្ទាប់ពីបានដាក់អនុវត្តដោយជោគជ័យនៅប្រទេសថៃ កាលពីឆ្នាំ ២០២០ រួចមក។
លោកស្រី ម៉ារ អមរា អនុប្រធាននាយកប្រតិបត្តិ នៃធនាគារអេស៊ីលីដាភីអិលស៊ី បានមានប្រសាសន៍ថា ការពង្រីកការទូទាត់ឆ្លងដែនទៅកាន់បណ្ដាប្រទេសអាស៊ានដូចជា នៅឡាវ និងវៀតណាម តាមរយៈឃ្យូអ កូដ(QR code)នេះ គឺដើម្បីផ្ដល់ភាពកាន់តែងាយស្រួលដល់អតិថិជនកម្ពុជាដែលបានទៅកម្សាន្ត និងស្នាក់នៅប្រទេសទាំងនេះ ក្នុងការទូទាត់ប្រាក់ និងជំរុញការប្រើប្រាស់ប្រាក់រៀលឲ្យបានកាន់តែទូលំទូលាយ ព្រមទាំងជំរុញបរិយាប័ន្នហិរញ្ញវត្ថុអាស៊ានស្របតាមទិសដៅរបស់សហគមន៍សេដ្ឋកិច្ចអាស៊ាន។
លោកស្រីបានបន្តថា ជាជំហានបន្ទាប់ធនាគារអេស៊ីលីដា ក៏មានគម្រោងពង្រីកការទូទាត់ឆ្លងដែនតាមឃ្យូអ កូដ(QR code)នេះ ដល់បណ្ដាប្រទេសអាស៊ានមួយចំនួនបន្ថែមទៀតផងដែរ ដើម្បីពង្រីកការប្រើប្រាស់ប្រាក់រៀលឲ្យកាន់តែទូលំទូលាយបន្ថែមទៀត ខណៈធនាគារបានដាក់អនុវត្តការទូទាត់ឆ្លងដែននេះរួចហើយនៅប្រទេសថៃ កាលពីខែកុម្ភៈ ឆ្នាំ ២០២០ កន្លងទៅ ដោយទទួលបានការគាំទ្រយ៉ាងខ្លាំងពីអតិថិជនរបស់កម្ពុជា។
បើតាមលោកស្រី ម៉ារ អមរា ការទូទាត់នៅប្រទេសថៃ គឺអតិថិជនកម្ពុជាកាលពីឆ្នាំ ២០២២០ អាចទូទាត់នៅប្រទេសថៃតាមរយៈ QR code ធនាគារ ស៊ីអេម ខំ មើសល ប៊ែង ប៉ុណ្ណោះ។ ប៉ុន្តែនៅដើមឆ្នាំ ២០២៣ នេះតទៅ អតិថិជនកម្ពុជាអាចទូទាត់តាម QR code ធនាគារចំនួន ៣ បន្ថែមទៀតដូចជា ធនាគារបាងកក ធនាគារ អាយុធ្យា និងធនាគារកសិខន។ ចំណែកការទូទាត់ឆ្លងដែនតាម QR code នៅក្នុងប្រទេសកម្ពុជាវិញ អតិថិជនថៃ អាចទូទាត់បានតាមរយៈធនាគារស៊ីអេម ខំ មើសល ប៊ែង ធនាគារ អាយុធ្យា និងធនាគារក្រុងថៃ៕
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៣ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង