ព័ត៌មានជាតិ
លោក ប៉ែន បូណា ៖ ខ្ជិលអាចជាមូលហេតុនៃភាពក្រីក្រ ប៉ុន្តែអ្នកក្រទាំងអស់មិនមែនសុទ្ធតែខ្ជិលទេ
លោកប៉ែន បូណា រដ្ឋលេខាធិការក្រសួងព័ត៌មាន និងជាអ្នកសារព័ត៌មានជើងចាស់ តាមរយៈបណ្តាញសង្គមហ្វេសបុក បានបញ្ចេញនូវទស្សនៈផ្ទាល់ខ្លួនថា ខ្ជិលអាចជាមូលហេតុនៃភាពក្រីក្រ ប៉ុន្តែអ្នកក្រទាំងអស់មិនមែនសុទ្ធតែខ្ជិលនោះទេ។
![](https://www.kampucheathmey.com/wp-content/uploads/2023/03/លោក-ប៉ែន-បូណា-1024x614.jpg)
ការលើកឡើងរបស់រដ្ឋលេខាធិការក្រសួងព័ត៌មានក្នុងបណ្ដាញសង្គមបែបនេះ ដោយសារតែលោកសង្កេតឃើញថា បច្ចុប្បន្ន មានអ្នកជំនួញជាច្រើនបានបញ្ចេញទស្សនៈ ដើម្បីជួយបណ្តុះគំនិតខ្មែរឲ្យចេះរកស៊ី និងចេះសម្គាល់មនុស្ស។ លោកថា នេះជានិន្នាការល្អមួយ ប៉ុន្តែពេលខ្លះ ពួកគាត់មួយចំនួនចូលចិត្តនិយាយម៉ៅដោយចាប់មនុស្សដាក់ក្នុងក្រុមតែមួយហើយជឿថា ពួកគេមានសន្តានដូចគ្នាដោយគ្រាន់តែឃើញស្ថានភាពខាងក្រៅដូចគ្នា។
លោកបន្តទៀតថា តាមពិតវាមិនមែនដូច្នោះទេ លោកបានលើកឧទាហរណ៍ចំនួនពីរក្នុងចំណោមឧទាហរណ៍ជាច្រើន៖
ទី១៖ អ្នកក្រទាំងអស់មិនមែនសុទ្ធតែខ្ជិលទេ។ មានអ្នកក្រជាច្រើនដែលខិតខំធ្វើការដោយគ្មានពេលសម្រាក។ ខ្ជិលអាចជាមូលហេតុមួយនៃភាពក្រីក្រ ប៉ុន្តែ អ្នកក្រទាំងអស់មិនមែនសុទ្ធតែខ្ជិលទេ។ ដូច្នេះ មិនគួរវាយតម្លៃពួកគាត់ថា ខ្ជិលដោយសារតែពួកគាត់ក្រនោះឡើយ។ ការវាយតម្លៃរួមបែបនេះ គឺជាការបំបាក់ទឹកចិត្តមនុស្ស និងធ្វើឲ្យ«ត្រីមួយត្រក ស្អុយមួយស្អុយទាំងអស់» ដែលជាទស្សនៈមួយធ្វើឲ្យសង្គមមានការបែងចែក និងរើសអើង។ ជាការត្រឹមត្រូវ ដែលគេបង្រៀនមនុស្សឲ្យស្អប់ភាពក្រីក្រ និងព្យាយាម ស្រវាស្រទេញដើរចេញពីភាពក្រីក្រ ប៉ុន្តែមិនគួរបង្រៀនមនុស្សឲ្យស្អប់អ្នកក្រទេ។
![](https://www.kampucheathmey.com/wp-content/uploads/2023/03/03-1024x682.png)
ទី២៖ អ្នកដែលមានសម្តីផ្អែមល្ហែម ពីរោះពិសា មិនមែនសុទ្ធតែចិត្តអាក្រក់ឬ «ផ្អែមក្រៅឆៅក្នុង» ដូចដែលមនុស្សមួយចំនួនគិតនោះឡើយ។
លោកបានបន្ថែមថា មានមនុស្សច្រើនណាស់ ដែលមានសម្តីផ្អែមហើយ ចិត្តក៏ល្អពោលគឺផ្អែមទាំងក្នុងទាំងក្រៅ។ ចាស់បុរាណបានលើកគតិ«សម្តីផ្អែមតែបង្កប់ពិសពុល» ដើម្បីឲ្យមនុស្សចេះប្រយ័ត្នក្នុងការសេពគប់មិត្តដោយមិនត្រូវជឿតែលើសម្តីនោះទេ តែត្រូវចេះពិនិត្យសង្កេតមើល ចរិត មារយាទ និងអំពើដែលមនុស្សបានប្រព្រឹត្តផង ដើម្បីកុំឲ្យចាញ់កលល្បិចជនទុច្ចរិតមួយចំនួន។ ដូច្នេះ មិនត្រូវបកស្រាយថា មនុស្សដែលមានសម្តីផ្អែមសុទ្ធតែបង្កប់ល្បិចពិសពុលនោះឡើយ។
ផ្ទុយទៅវិញ គួរលើកទឹកចិត្តឲ្យមនុស្សចេះប្រើសម្តីពីរោះពិសា ផ្អែមល្ហែមរកគ្នាទើបជាការប្រសើរ៕
![](https://www.kampucheathmey.com/wp-content/uploads/2023/03/04-1024x682.png)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានអន្ដរជាតិ៥ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៦ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានជាតិ២ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
សន្តិសុខសង្គម៥ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា