ព័ត៌មានជាតិ

តម្លៃស្វាយកែវរមៀតបានធ្លាក់ចុះ ធ្វើឲ្យប្រជាពលរដ្ឋដាំស្វាយមានការព្រួយបារម្ភ

បានផុស

២ years មុន

នៅ

ថ្ងៃចន្ទ ២៧ មីនា ២០២៣

ដោយ

នៅថ្ងៃទី ២៧ ខែមីនា ឆ្នាំ២០២៣នេះ ប្រជាកសិករដាំដំណាំស្វាយកែវរមៀត ឬកែវល្មៀត មួយចំនួនចង់ឱ្យស្ថាប័នពាក់ព័ន្ធ ជួយអន្តរាគមន៍ជាបន្ទាន់រឿងតម្លៃស្វាយធ្លាក់ចុះ និងកន្លែងខ្លះ គ្មានអ្នកទិញ ស្របពេលនៅតាមចម្ការ មួយចំនួន ស្វាយចាប់ផ្ដើម ទុំ ស្អុយ និងជ្រុះ ជាបណ្ដើរៗហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពួកគាត់ជាកសិករកំពុងមានការប្រឈមនឹងបញ្ហាគ្មានប្រាក់សងបំណុលធនាគារ អ្នកជំនាញកសិកម្មនៅភូមិខ្នាចព្រៃ បាននិយាយលើកឡើងថា អាជ្ញាធរគួរតែជួយអន្តរាគមន៍ ជាមួយប្រទេសជិតខាង ដើម្បីស្នើសុំឱ្យមកជួយទិញស្វាយកែវរមៀតក្នុងតម្លៃគួរសមឡើងវិញផង។

លោកបានបន្តទៀតថា តម្លៃស្វាយកែវរមៀតខ្ពស់បំផុតនៅពេលនេះ គឺមួយគីឡូ ៥០០ រៀល តម្លៃនេះ មិនអាចឱ្យកសិករ មានលទ្ធភាព សងថ្លៃការប្រាក់ធនាគារបានទេ នេះជាការអះអាង របស់កសិករ ដាំស្វាយកែវរមៀត នៅខេត្តកំពត និងកែប។

កសិករដាំស្វាយ ជាងមួយពាន់ដើម ម្នាក់នៅស្រុកដងទង់ មិនដឹងពីមូលហេតុ នៃការធ្លាក់ថ្លៃស្វាយខ្លាំងដល់ថ្នាក់នេះទេ លោកកំពុងមានការព្រួយបារម្ភពីការលក់ស្វាយកែវរមៀតនៅឆ្នាំ២០២៣នេះ ដោយមិនគ្រប់នឹងសងបំណុលធនាគារផង។

ប្រជាកសិករដដែលបាននិយាយថា បើគ្មានកិច្ចអន្តរាគមន៍ពីអាជ្ញាធរនោះទេ តម្លៃស្វាយកែវរមៀតអាចនឹងបន្តធ្លាក់ចុះបន្តទៀត ព្រោះឈ្មួញជាអ្នកកំណត់ តម្លៃទៅតាមតែចិត្ត ហើយស្វាយធ្លាក់ចុះថ្លៃខ្លាំងបំផុតទៀតផង៕

ដោយ៖ សឹង រ៉ាត់