ព័ត៌មានជាតិ

២០២៥ ស្វាយកែវរមៀតខេត្តក្រចេះ ប្រមូលផលបានមុនគេបង្អស់ ខណៈតម្លៃទីផ្សារធ្លាក់ចុះខ្លាំង

បានផុស

២ ខែ មុន

នៅ

ថ្ងៃពុធ ២២ មករា ២០២៥

ដោយ

នៅឆ្នាំ២០២៥ នេះ ស្វាយកែវរមៀតខេត្តក្រចេះ គឺជាស្វាយដែលចាស់ និងអាចប្រមូលផលបានមុនគេបង្អស់ ខណៈដែលកត្តាអាកាសធាតុចុះត្រជាក់ ធ្វើឲ្យតម្លៃទីផ្សារស្វាយធ្លាក់ចុះខ្លាំង ដោយសារថៃ និងវៀតណាម មិនអាចនាំចេញក្រៅ ។ នេះជាលើកឡើងពីលោក ហម ដារា ដែលជាឈ្មួញប្រមូលទិញស្វាយកែវរមៀតមានបទពីសោធជាង ១០ឆ្នាំ មកពីខេត្តកំពង់ស្ពឺ បានឲ្យ «កម្ពុជាថ្មី» ដឹង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហម ដារា បានប្រាប់ឲ្យដឹងបន្តថា ស្វាយកែវរមៀតកាលពីនាំមុនមានតម្លៃល្អចន្លោះពី ១៣០០រៀល ទៅ ១៦០០រៀល ក្នុង ១គីឡូក្រាម បើប្រៀបធៀបនឹងឆ្នាំ២០២៥ នេះ មានការធ្លាក់ ចុះពីមួយថ្ងៃ ទៅមួយថ្ងៃពី ៣០រៀល ទៅ ៥០រៀល ក្នុង ១គីឡូ ។

ក្នុងនោះតម្រូវការស្វាយកែវរមៀត នៅលើទីផ្សារនាពេលបច្ចុប្បន្ន មាន ២ ប្រភេទ ប្រភេទស្វាយខៀវស្អាតនាំចូលក្នុងទីផ្សា តម្លៃត្រឹម ៨០០រៀល ក្នុង ១ គីឡូក្រាមបេះនៅនឹងចម្ការ។ ចំណែក ស្វាយនាំចូលរោងចក្រ ស្វាយខៀវដូចគ្នា ៣ ផ្លែ ស្មើ ១ គីឡូក្រាម ឬ ២ ផ្លែ ស្មើ ១ គីឡូក្រាម តម្លៃត្រឹមតែ ៦៥០រៀល ទៅ ៧០០រៀល ប៉ុណ្ណោះក្នុង ១គីឡូក្រាម ។

ដោយឡែក ប្រភេទស្វាយស្រោបថង់ ជាស្វាយនាំចេញទៅប្រទេសវៀតណាម ថៃ និងម៉ាឡេស៊ី ចំពោះតម្លៃទិញផ្ទាល់នៅចម្កាវិញ គឺនៅសល់តែ ១១០០រៀល ក្នុង ១ គីឡូក្រាម ប៉ុន្តែបច្ចុប្បន្ន ស្វាយប្រភេទនេះ ចាត់ទុកជាស្វាយនាំចូលរោងចក្រដូចគ្នា។

ជាក់ស្ដែង រយៈពេលប៉ុន្មានថ្ងៃចុងក្រោយនេះ ខាងវៀតណាម និងខាងអូរយ៉ាដាវ កុម្ម៉ង់ទិញស្វាយកែវរមៀត ផ្លែល្អបំផុត តម្លៃបានត្រឹមតែ ១៣០០រៀល ទៅ ១៥០០រៀល ប៉ុណ្ណោះ ក្នុង ១ គីឡូក្រាម ដឹកទៅដល់វៀតណាម ។ ប្រសិនបើលក់ឲ្យរោងចក្រ នៅក្នុងខេត្តត្បូងឃ្មុំ ប៉ុន្មានថ្ងៃនេះ តម្លៃធ្លាក់ចុះជាបន្តបន្ទាប់ពី ៧៨០រៀល មកនៅ ៧៥០រៀល ក្នុង ១គីឡូក្រាម។

លោកបានបញ្ជាក់ថា កត្ដាតម្លៃទីផ្សាស្វាយកែវរមៀតធ្លាក់នេះ គឺបណ្ដាលមកពីអាកាសធាតុត្រ ជាក់ផង ណាមួយជិតដល់ថ្ងៃបុណ្យចូលឆ្នាំចិន-វៀតណាម ផង។

ជាមួយគ្នានេះដែរ មន្ត្រីខាងមន្ទីរកសិកម្ម រុក្ខាប្រមាញ់ និងនេសាទខេត្តក្រចេះ ក៏បានឲ្យដឹងដែរថា តម្លៃស្វាយកែវរមៀត នៅខេត្តក្រចេះឡើងចុះៗទេ កាលពីខែធ្នូ ចុងឆ្នាំ២០២៤ ប្រជាពលរដ្ឋ លក់បានតម្លៃចន្លោះពី ៤០០រៀល ទៅ ៦០០រៀល តែប៉ុណ្ណោះ៕

អត្ថបទ៖ ប្រុញ វិធិន