ព័ត៌មានជាតិ
រដ្ឋចំណេញប្រាក់២០០លានរៀល ក្នុងគម្រោងដេញថ្លៃធ្វើផ្លូវបេតុងអាមេ៥ខ្សែក្នុងស្រុកព្រៃឈរ
ពលរដ្ឋសប្បាយចិត្តបន្ទាប់ពីរដ្ឋបាលស្រុកបានរៀបចំគម្រោងដេញថ្លៃផ្លូវបេតុងចំនួន៥ខ្សែ ក្នុង៥ឃុំ ដែលធ្វើឡើងនៅសាលប្រជុំនៃសាលាស្រុកព្រៃឈរ នៅព្រឹកថ្ងៃទី៣០ ខែមីនា ឆ្នាំ២០២៣នេះ ។ ការដេញប្រកបដោយភាពរលូនគួរសម មានលក្ខណៈប្រគួតប្រជែង និងលក្ខណៈទីផ្សារសេរី ទិដ្ឋភាពបែបនេះរដ្ឋត្រូវចំណេញលុយ ហើយសង្ឃឹមថា ពលរដ្ឋនឹងទទួលបានផ្លូវប្រកបដោយគុណភាព ។
លោក ខេង ម៉េងឈុន អភិបាល នៃគណៈអភិបាលស្រុកព្រៃឈរ បានថ្លៃថា គម្រោងផ្លូវបេតុងចំនួន៥ខ្សែ មានឃុំ (បារាយណ៍ ជ្រៃវៀន ល្វា មៀន និងត្រពាំងព្រះ) មានប្រវែងសរុបជាង២គីឡូម៉ែត្រ ដែលបានដាក់ឲ្យដេញថ្លៃប្រកបដោយតម្លាភាព ក្នុងតម្លៃទឹកប្រាក់សរុបជិត១ពាន់៣០០លានរៀលនោះ ហើយទឹកប្រាក់ដែលត្រូវដេញបានតម្លៃសរុប១ពាន់១០០លានរៀល ឃើញថា រដ្ឋចំណេញ២០០លានរៀល ។ ម្ចាស់គម្រោងក្រោយពីដេញបានត្រូវធ្វើផ្លូវទៅតាមបទដ្ឋានបច្ចេកទេសប្រកបដោយគុណភាព ងាយស្រួលពលរដ្ឋក្នុងការអាស្រ័យផលលើផ្លូវនេះ។
លោកអភិបាលបានសំណូមពរឲ្យអ្នកព័ត៌មានចុះផ្សាយឲ្យបានត្រឹមត្រូវប្រកបដោយវិជ្ជាជីវៈពិតប្រាកដ ព្រោះការដេញថ្លៃនេះ គ្មានការលាក់លៀម សេរីយុត្តិធម៌ តម្លាភាព ហើយយើងជាអ្នកសង្កេតការណ៍ តាមដានទាំងអស់គ្នា ក្នុងទិសដៅរួមចំណែកអភិវឌ្ឍន៍មាតុភូមិយើងឲ្យបានប្រសើរឡើង ។
លោក ឡី មិច នាយករងរដ្ឋបាលសាលាខេត្ត និងជាតំណាងឯកឧត្តម អ៊ុន ចាន់ដា អភិបាល នៃគណៈអភិបាលខេត្ត បានថ្លែងថា ការដេញថ្ងៃនេះឃើញថា មានលក្ខណៈល្អប្រសើរ ទោះបីមានការខ្វះចន្លោះប្រហោងតិចតួច តែអាចទទួល យកជាការបាន ។ នៅថ្ងៃទី១៨ខែមេសា ខាងមុខក្រុមហ៊ុនដេញបាន ត្រូវមកចុះកិច្ចកុងត្រាជាផ្លូវការដើម្បីអនុវត្តគម្រោងនេះឲ្យបានប្រសើរ៕
អត្ថបទ៖ សាន វិឡែម
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)