ព័ត៌មានជាតិ
សង្រ្កាន្តឆ្នាំថ្មី ៣ថ្ងៃ នៅវិទ្យាល័យកោះកុង មានការគាំទ្រច្រើនពីសំណាក់សិស្សានុ-សិស្ស និងពលរដ្ឋ
រយៈពេល ៣ថ្ងៃ នៃកម្មវិធីសង្រ្កាន្តឆ្នាំថ្មីក្នុងវិទ្យាល័យចំណេះទូទៅ និងបច្ចេកទេសតេជោសែន កោះកុង មានការគាំទ្រចូលរួមលេងកម្សាន្តច្រើន ពីសំណាក់សិស្សានុ-សិស្ស និងប្រជាពលរដ្ឋក្នុងខេត្ត។
វិទ្យាល័យចំណេះទូទៅ និងបច្ចេកទេសតេជោសែន កោះកុង បានរៀបចំសង្រ្កាន្តឆ្នាំថ្មីរយៈពេល ៣ថ្ងៃហើយ ដោយបែង ចែងជាកម្មវិធីលេងល្បែងប្រជាប្រិយខ្មែរ បង្រៀនការចង្វាក់រាំសារាវ៉ាន់ ឡាំលាវ ចូកកំពឹស រាំរង់ កន្រ្ទឹម លក់នំចំណីបែបខ្មែរ ក៏ដូជាធ្វើពិធីរម្លឹកគុណអ្នកគ្រូលោកគ្រូតាមរយៈនិមន្តព្រះសង្ឃសូត្រលើករាសី។
លោក ផូ ប៊ុនធឿន នាយកវិទ្យាល័យចំណេះទូទៅ និងបច្ចេកទេសតេជោសែន កោះកុង បានឲ្យដឹងនៅរសៀលថ្ងៃទី ៥ ខែមេសា ឆ្នាំ ២០២៣នេះថា កម្មវិធីសង្រ្កាន្តឆ្នាំថ្មីឆ្នាំនេះ មានការចូលរួមគាំទ្រច្រើនមិននឹកស្មានដល់ពីសំណាក់ក្រុមសិស្សានុ-សិស្ស និងប្រជាពលរដ្ឋ ដោយពួកគេនាំគ្នាបង្កើតបរិយាកាសសប្បាយរីករាយ ក្នុងបរិវេណសាលាដែលជាការរៀបចំរបស់គណៈគ្រប់គ្រង។
លោក ផូ ប៊ុនធឿន ក៏មិនភ្លេចឡើយចំពោះការអរគុណដល់សប្បុរសជន ដែលជួយឧបត្តម្ភគាំទ្រជាធនធានថវិកា និងសម្ភារៈផ្សេងៗដល់សាលារៀន ដើម្បីធ្វើយ៉ាងណាឲ្យមានភាពរលូនជោគជ័យ និងបន្សល់ទុកនូវស្នាមញញឹមជាអនុស្សវរីយ៍ ព្រមទាំងបន្តថែរក្សាវប្បធម៌ប្រពៃណីជាតិខ្មែរយើង ទៅថ្ងៃមុខទៀត។
យុវតី ហៀង ចរិយា និងយុវជន សុទីន យល់ថា ការបង្កើតឲ្យកម្មវិធីសង្រ្កាន្តឆ្នាំថ្មីនៅពេលនេះ មានលក្ខណៈទ្រង់ទ្រាយធំខុសពីឆ្នាំមុនឆ្ងាយ ដោយមានកម្មវិធីសប្បាយជាច្រើនបែបប្រពៃណីជាតិខ្មែរយើង ហើយពួកគេស្នើសុំដល់គណៈគ្រប់គ្រងសាលារៀន បន្តរៀបចំកម្មវិធីដូចពេលនេះនៅឆ្នាំក្រោយៗទៀតផងដែរ។
បើតាមក្រុមយុវសិស្សទាំងពីរខាងលើ ពួកគេបានយល់ដឹងពីតម្លៃការថែរក្សាល្បែងប្រជាប្រិយខ្មែរ ដែលដូនតាបន្សល់ទុកឲ្យកូនចៅជំនាន់ក្រោយ។ ដូច្នេះពួកគេ និងយុវជនដ៏ទៃនឹងបន្តចូលរួមការពារទៅថ្ងៃអនាគត តាមរយៈផ្សព្វផ្សាយដល់មហាជនបានដឹងពីអ្វី ដែលខ្មែរកំពុងមាន៕
អត្តបទ៖ សិរីវឌ្ឍនៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង