រដ្ឋបាលខេត្តកំពត រៀបចំតុបតែងកែលម្អសោភ័ណភាព​ក្រុងត្រៀមសង្ក្រាន្តឆ្នាំថ្មី

រដ្ឋបាលខេត្តកំពត បានរៀបចំកែលម្អសោភ័ណភាពក្រុង ដើម្បីត្រៀមព្រឹត្តិការណ៍សង្ក្រាន្តឆ្នាំថ្មី រយៈពេល ៣ថ្ងៃ ដោយចាប់ផ្ដើម ពីថ្ងៃ ទី ១៤រហូតដល់ថ្ងៃទី១៦ ខែមេសា ក្នុងឆ្នាំ ២០២៣ ខាងមុខនេះ។

រដ្ឋបាលបាលខេត្តកំពត បានឱ្យដឹង នៅថ្ងៃទី៨ខែមេសាឆ្នាំ២០២៣នេះ ស្ដីពី ការរៀបចំព្រឹត្តិ ការណ៍ បុណ្យចូលឆ្នាំថ្មី ប្រពៃណីជាតិឆ្នាំ ២០២៣ខាងមុខនេះ ដើម្បីអបអរសាទរ នៃពិធីបុណ្យ ចូលឆ្នាំថ្មី ប្រពៃណីជាតិ ដែលនឹងបានឈានចូលជិតមកដល់នាពេលខាងមុខនេះ រដ្ឋបាលខេត្ត រៀបចំព្រឹត្តិការណ៍កំពតសង្ក្រាន្តឆ្នាំថ្មី រយៈពេល ៣ថ្ងៃនៅក្នុងក្រុងខេត្តកំពត។

សូមបានបញ្ជាក់ថា ការរៀបចំព្រឹត្តិការណ៍កំពតសង្ក្រាន្ត ឆ្នាំថ្មី ២០២៣ នេះ គឺជាទំនៀមទម្លាប់ ប្រពៃណីខ្មែរ ដ៏ល្អផូរផង់ និងមានដាក់តាំងលក់នំបុរាណខ្មែរ១០មុខក្នុងព្រឹត្តិការណ៍កំពតសង្កាន្ត បុណ្យចូលឆ្នាំថ្មីប្រពៃណីជាតិខ្មែរ ដែលប្រជាជនខ្មែរគ្រប់ៗរូប ធ្វើឡើងក្នុងគោលបំណង អបអរសាទរទទួលទេវតាឆ្នាំថ្មីសិរីសួស្តី ជ័យមង្គលនិងជាឱកាសល្អសម្រាប់ជួបជុំ ក្រុមគ្រួសារ និងញាតិមិត្តជិតឆ្ងាយ ។

ក្នុងព្រឹត្តិការណ៍ នេះរដ្ឋបាលខេត្តកំពតបានរៀបចំតុបតែងតែលម្អដាក់អំពូលភ្លើងចម្រុះពណ៌នៅតាមដងផ្លូវនៅក្នុងក្រុងកំពត ហើយនិងមានការប្រគំតន្ត្រីសម័យរាំលេងកម្សាន្តលេងល្បែង ប្រជាប្រិយ និងតាំងពិរព័ណ៍បង្ហាញផលិតផលនំខ្មែរបុរាណ១០មុខ និងមានសម្ភារៈប្រើប្រាស់ សមិទ្ធផល ក្នុងស្រុកព្រមទាំង មានការដុតកាំជ្រួចដើម្បីបង្កឱ្យមានបរិយាកាសសប្បាយរីករាយ ដល់ភ្ញៀវជាតិនិងអន្តរជាតិផងដែរ៕