ព័ត៌មានជាតិ
រដ្ឋបាលខេត្តកណ្តាលណែនាំវិធានការ ៦ ចំណុច ការពារសន្តិសុខអំឡុងពេលចូលឆ្នាំខ្មែរ
ឱកាសបុណ្យចូលឆ្នាំខ្មែរកាន់តែខិតចូលមកដល់ រដ្ឋបាលខេត្តកណ្តាលបានចេញសេចក្តីប្រកាសនៅថ្ងៃទី១១ ខែមេសា ពីការការពារសុវត្ថិភាព និងសណ្តាប់ធ្នាប់សាធារណៈ និងប្រពៃណីខ្មែរឱ្យបានល្អ ចំនួន៦ចំណុចសំខាន់ៗ។
រូបភាព៖ រដ្ឋបាលខេត្តកណ្តាល
ដើម្បីឱ្យពីធីបុណ្យចូលឆ្នាំខ្មែរប្រព្រឹត្តទៅដោយរលូនល្អ និងមានភាពសប្បាយរីករាយ មានសុវត្ថិភាព និងមានសណ្តាប់ធ្នាប់របៀបរបរយ រដ្ឋបាលខេត្តកណ្តាលបានអំពាវនាវដល់ប្រជាពលរដ្ឋទាំងអស់ចូលរួមមាន ៦ ចំណុចដូចខាងក្រោម៖
ចំណុចទី១ ចូលរួមថែរក្សាសណ្តាប់ធ្នាប់ របៀបរៀបរយ និងសុវត្ថិភាពតាមមូលដ្ឋានរបស់ខ្លួនព្រមទាំងមានការប្រុងប្រយ័ត្នខ្ពស់ចំពោះការប្រើប្រាស់ភ្លើង ចង្កៀង ភ្លើងចង្ក្រាន្ត ទៀន ធូប ជាដើម ចៀសវាងការបង្កឱ្យមានអគ្គិភ័យដោយប្រការណាមួយ។
ទី២ រដ្ឋបាលខេត្តបំផុសឱ្យមានការតុបតែងលម្អភ្លើងពណ៌តាមផ្ទះ ដងផ្លូវ អង្គភាព ស្ថាប័នរដ្ឋ និងឯកជន។ ទី៣ អាជ្ញាធរមូលដ្ឋាន ត្រូវបង្កលក្ខណៈងាយស្រួលជូនប្រជាពលរដ្ឋ បានចូលរួមលេងល្បែងប្រជាប្រិយឱ្យបានច្រើន នៅវត្តអារាម រមណីយដ្ឋាន និងទីសាធារណៈផ្សេងៗដើម្បីលើកស្ទួយវប្បធម៌ខ្មែរ។
រូបភាព៖ Google
ទី៤ ចូលរួមទប់ស្កាត់ការលេងល្បែងស៊ីសងគ្រប់ប្រភេទ ការលេងកាំភ្លើងបាញ់ទឹក ជះទឹកកង្វក់ លាបធ្យូង ប៉ាតម្សៅ ឬ គ្រឿងផ្ទុះគ្រប់ប្រភេទដែលបង្កឱ្យភ្ញាក់ផ្អើល និងអសន្តិសុខ ដល់ពលរដ្ឋ និងអ្នកធ្វើដំណើរ។ ទី៥ ហាមឃាត់ការបង្ហោះម៉ូតូ បើកបរក្នុងស្ថានភាពស្រវឹង ត្រូវគោរពច្បាប់ចរាចរណ៍ផ្លូវគោក ពាក់មួកសុវត្ថិភាព ចៀសវាងការបង្កគ្រោះថ្នាក់ផ្សេងៗ។ ទី៦គឺ ក្នុងឱកាសបុណ្យចូលឆ្នាំខ្មែរនេះ ត្រូវអនុវត្ត៣កុំ ៣ការពាររបស់ក្រសួងសុខាភិបាល ដើម្បីបង្ការជំងឺរាតត្បាតកូវីដ-១៩ ដោយរក្សាអនាម័យឱ្យបានត្រឹមត្រូវ។
រូបភាព៖ Google
រូបភាព៖ រដ្ឋបាលខេត្តកណ្តាល
ក្នុងឱកាសបុណ្យចូលឆ្នាំខ្មែរខាងមុខនេះ ខេត្តកណ្តាលនឹងរៀបចំព្រឹត្តិការណ៍សង្ក្រាន្តធំជាងឆ្នាំមុនៗ នៅភ្នំព្រះរាជទ្រព្យ រយៈពេល៣ថ្ងៃ គឺនៅថ្ងៃទី១៤ ដល់ទី១៦ ខែមេសា ឆ្នាំ២០២៣។ សង្រ្កាន្តខេត្តកណ្តាល មានរៀបកម្មវិធីសប្បាយជាច្រើនដើម្បីអបអរសាទរដល់ពិធីបុណ្យចូលឆ្នាំខ្មែរប្រពៃណីជាតិមួយនេះ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ