ព័ត៌មានជាតិ
មកស្គាល់ផ្លូវជាតិសំខាន់ ៣ ខ្សែ បងប្អូនណាចង់ទៅលេងសង្រ្កាន្តនៅក្រុងព្រៃវែង
ក្រុងព្រៃវែងឆ្នាំនេះ ក៏មិនខុសឆ្នាំមុននឹងរៀបចំកម្មវិធីសង្រ្កាន្តអបអរឆ្នាំថ្មី ដែលរំពឹងនឹងទទួលបានការចូលរួមពីភ្ញៀវទេសចររាប់ម៉ឺននាក់។
កាន់តែប្លែកឆ្នាំនេះ អាជ្ញាធរបានត្រៀមឆាកតន្រ្តីខ្នាតធំនៅតំបន់ត្រជាក់ចិត្ត ព្រមទាំងរៀបចំការប្រកួតប្រដាល់គុនខ្មែរ នៅសួនសម្ដេចក្រឡាហោម ដេីម្បីអបអរសាទរក្នុងឱកាសនៃពិធីចូលឆ្នាំថ្មីប្រពៃណីជាតិខ្មែរ ចាប់ពីថ្ងៃទី១៣ ដល់ថ្ងៃទី១៦ ខែមេសា ឆ្នាំ២០២៣ ខាងមុខនេះ។
សម្រាប់បងប្អូននៅរាជធានីភ្នំពេញដែលចង់ទៅលេងកម្សាន្តសង្រ្កាន្តនៅក្រុងព្រៃវែង អាចធ្វើដំណើរតាមផ្លូវជាតិចំនួន ៣ ខ្សែ គឺតាមផ្លូវជាតិលេខ ១ ប្រវែង ៦៥ គីឡូម៉ែត្រ និងផ្លូវជាតិលេខ ១១ ប្រវែង ៣០ គីឡូម៉ែត្រ និងតាមផ្លូវជាតិលេខ ៨ ចម្ងាយ ១០០ គីឡូម៉ែត្រ ដោយឆ្លងស្ពានព្រែកតាមាក់។
ខេត្តព្រៃវែងស្ថិតនៅប៉ែកអាគ្នេយ៍នៃប្រទេសកម្ពុជា ទីរួមខេត្តមានចំងាយ ៩៥គីឡូម៉ែត្រ ពីរាជធានីភ្នំពេញ។ ខេត្តមានស្រុកចំនួន១២ និងក្រុងចំនួន១ រួមមានឃុំចំនួន១១២ និងសង្កាត់ចំនួន៤ មានភូមិចំនួន១.១៦៧ និងមានផ្ទៃដីសរុប ៤.៨៨៣គម២។ ភូមិសាស្រ្តខាងជើងទល់នឹងខេត្តកំពង់ចាម និងខេត្តត្បូងឃ្មុំ ខាងកើតទល់នឹងខេត្តស្វាយរៀង និងខេត្តតៃនិញ ប្រទេសវៀតណាម ខាងលិចទល់នឹងខេត្តកណ្តាល និងខាងត្បូងទល់នឹងខេត្តដុងថាប់ និងខេត្តឡុងអាន ប្រទេសវៀតណាម ដែលមានខ្សែបន្ទាត់ព្រំដែនកម្ពុជា-វៀតណាម ប្រវែង ៨៤,២គីឡូម៉ែត្រ ក្នុងនោះចម្ងាយផ្លូវពីទីរួមខេត្តព្រៃវែងទៅព្រំប្រទល់ខេត្តដុងថាប់ មានចម្ងាយ ៧៤ គីឡូម៉ែត្រ (តាមច្រកទ្វារព្រំដែនអន្តរជាតិបន្ទាយចក្រី) ពីទីរួមខេត្តព្រៃវែងទៅព្រំប្រទល់ខេត្តឡុងអានមានចម្ងាយ ៨៦ គីឡូម៉ែត្រ (តាមច្រកទ្វារតំបន់ព្រំដែនស្វាយអាង៉ោង) និងពីទីរួមខេត្តព្រៃវែងទៅព្រំប្រទល់ខេត្តតៃនិញ មានចម្ងាយ ៥៤គីឡូម៉ែត្រ (តាមច្រកទ្វារព្រំដែនអន្តរជាតិម៉ឺនជ័យ)។
ខេត្តព្រៃវែងមានផ្លូវជាតិចំនួន ០៦ ខ្សែ គឺ ទី១.ផ្លូវជាតិលេខ ១ មានប្រវែង ៤២,២៨គ.ម ចេញពីទីប្រជុំជនអ្នកលឿងទៅព្រំប្រទល់ខេត្តស្វាយរៀង ទី២.ផ្លូវជាតិលេខ១១ មានប្រវែង ៧៣,៦៥គ.ម ពីទីប្រជុំជនអ្នកលឿង ឆ្ពោះទៅព្រំប្រទល់ស្រុកអូរាំងឳខេត្តត្បូងឃ្មុំ ទី៣.ផ្លូវជាតិលេខ៨ មានប្រវែង ៧៩,២០គ.ម ពីព្រំប្រទល់ខេត្តកណ្តាល ទៅព្រំប្រទល់ខេត្តត្បូងឃ្មុំ ទី៤. ផ្លូវជាតិលេខ៨៨ ប្រវែង ៥,៦៣គ.ម បំបែកពីផ្លូវជាតិលេខ៨ ចំណុចផ្សារក្របៅ ទៅច្រកទ្វារព្រំដែនអន្តរជាតិម៉ឺនជ័យ ស្រុកកំចាយមារ ទី៥.ផ្លូវជាតិលេខ១៣ ប្រវែង៣,៩០គ.ម បំបែកពីផ្លូវជាតិលេខ៨ ចំណុចផ្សារក្របៅ ស្រុកកំចាយមារ ទៅព្រំប្រទល់ស្រុករមាសហែក ខេត្តស្វាយរៀង និងទី៦.ផ្លូវជាតិ លេខ៧០B ប្រវែង៨,៩៨គ.ម ព្រំប្រទល់ខេត្តកណ្តាល និងស្រុកពាមរក៍ ។
ខេត្តមានសក្តានុពលផ្លូវទឹកគឺទន្លេមេគង្គ ក្នុងការធ្វើគមនាគមន៍ និងដឹកជញ្ជូនទំនិញផ្សេងៗ មានប្រវែង ៥៧គ.ម ពីព្រំប្រទល់ខេត្តកណ្តាល ទៅព្រំប្រទល់ប្រទេសវៀតណាម (ឆ្លងកាត់ស្រុកពាមរក៍ និងស្រុកពាមជរ)។
ស្ថិតិប្រជាពលរដ្ឋក្នុងខេត្តសរុបចំនួន ២៩៥.០៧៤គ្រួសារ ស្មើនឹងមនុស្សចំនួន ១.២៦៣.១៨២នាក់ ក្នុងនោះប្រជាពលរដ្ឋដែលមានអាយុចាប់ពី ១៨ឆ្នាំឡើង ចំនួន៨១០.០៩១នាក់៕
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore