ព័ត៌មានជាតិ

លោកទេសរដ្ឋមន្ត្រី គន់ គីម អញ្ជើញចុះត្រួតពិនិត្យផ្ទះពលរដ្ឋ ដែលរងគ្រោះដោយខ្យល់កន្ត្រាក់

បានផុស

៣ years មុន

នៅ

ថ្ងៃព្រហស្បតិ៍ ១៣ មេសា ២០២៣

ដោយ

ឧត្តរមានជ័យ ៖ ថ្ងៃទី១៣ ខែមេសា ឆ្នាំ២០២៣ លោកទេសរដ្ឋមន្ត្រី គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ និងជាប្រធានក្រុមការងារថ្នាក់ជាតិចុះមូលដ្ឋានខេត្តឧត្ដរមានជ័យ អមដំណើរដោយ លោក ប៉ែន កុសល្យ អភិបាល នៃគណៈអភិបាលខេត្តឧត្ដរមានជ័យ អញ្ជើញចុះពិនិត្យផ្ទះប្រជាពលរដ្ឋនៅក្រុងសំរោង ខេត្តឧត្ដរមានជ័យ ដែលរងផលប៉ះពាល់ពីខ្យល់កន្ត្រាក់ កាលពីយប់ថ្ងៃទី១២ ខែមេសា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ព័ត៌មានបឋម អំពីករណីខ្យល់កន្ត្រាក់នៅភូមិសាស្ត្រខេត្តឧត្តរមានជ័យ នៅយប់ថ្ងៃទី១២ ខែមេសា ឆ្នាំ២០២៣ ដែលមានករណីភ្លៀងធ្លាក់លាយឡំជាមួយខ្យល់កន្ត្រាក់បានកើតឡើងបណ្តាលឲ្យផលប៉ះពាល់ ដល់ផ្ទះប្រជាពលរដ្ឋចំនួន ២៤៩ខ្នង លើក្រុង ស្រុកចំនួន ០៣ដូចខាងក្រោម៖

១.ក្រុងសំរោង ៖ ប៉ះពាល់ផ្ទះប្រជាពលរដ្ឋចំនួន ២៤៤ខ្នង

២.ស្រុកអន្លង់វែង ៖ ប៉ះពាល់ផ្ទះប្រជាពលរដ្ឋចំនួន ០៥ខ្នង

៣.ស្រុកត្រពាំងប្រាសាទ ៖ ដួលស្លាកគណបក្សប្រជាជនកម្ពុជាចំនួន ០១កន្លែង។

សរុបករណីគ្រោះមហន្តរាយគិតចាប់ពីថ្ងៃទី១៦ ខែកុម្ភៈ ដល់ថ្ងៃទី១២ ខែមេសា ឆ្នាំ២០២៣ សរុបចំនួន ៨ករណី ប៉ះពាល់ផ្ទះប្រជាពលរដ្ឋសរុបចំនួន ៤៦០ខ្នង, ដួលស្លាកផ្សាយពាណិជ្ជកម្មធំចំនួន ០៣ និងរបួសមនុស្សម្នាក់៕

ដោយ ៖ ចាន់ ធី