ព័ត៌មានជាតិ
ផុតថ្ងៃចូលឆ្នាំហើយក៏ដោយ តែរមណីយដ្ឋាន «វត្តភ្នំ» នៅតែមានអ្នកមកកម្សាន្តច្រើន ខុសឆ្នាំកន្លង
នៅយប់ថ្ងៃទី១៧ មេសា ម្សិលមិញនេះ រមណីយដ្ឋានប្រវត្តិសាស្ត្ររបស់រាជធានីភ្នំពេញ «វត្តភ្នំ» នៅតែមានអ្នកមកកម្សាន្ត រីករាយដោយការបាញ់ទឹក បាតម្សៅច្រើនកុះករដដែល បើទោះបីជាពិធីបុណ្យចូលឆ្នាំប្រពៃណីជាតិខ្មែរបានបញ្ចប់ នៅថ្ងៃអាទិត្យ ទី១៦មេសា ហើយក៏ដោយ។ នេះបើតាមការផុស និងចែករំលែកនៅលើបណ្តាញសង្គមហ្វេសប៊ុក នៅយប់មិញនេះ។
![](https://www.kampucheathmey.com/wp-content/uploads/2023/04/341897254_1019815852319545_5506768486861664739_n-1024x682.jpg)
តាមរយៈគណនីបណ្តាញសង្គមហ្វេសប៊ុកជាច្រើន ដែលបានផុសនិងចែករំលែករូបភាពនៃការចូលរួមលេងកម្សាន្ត នៅរមណីយដ្ឋានវត្តភ្នំនៅយប់នេះ គណនីមួយឈ្មោះថា លួន សុវណ្ណ ក៏បានបង្ហោះរូបភាព២សន្លឹក ដែលភ្ជាប់ជាមួយនឹងពាក្យពេចន៍បញ្ជាក់ពីទិដ្ឋភាពថា “កូនអ្នកលក់កាំភ្លេីងទឹក ខូចមួយ យកប្រេីពីរ ម៉ោង ១២ កណ្តាលអាធ្រាត្រហេីយ នៅមានមនុស្សច្រេីន កកកុញទៀត សប្បាយមាំណាស់ ពីស្តុបពេទ្យ អង្គឌួង នាគព័ន្ធ ដល់ មុខនាឡិកាវត្តភ្នំ” ដែលនេះ សបញ្ជាក់កឱ្យដឹងថា នៅយប់មិញនេះ គឺមានអ្នកទៅកម្សាន្តច្រើន។
![](https://www.kampucheathmey.com/wp-content/uploads/2023/04/វត្តភ្នំ១-1024x614.jpg)
ក្រៅពីនេះ នៅមានគណនីជាច្រើនផ្សេងទៀត បានបង្ហាញរូបភាពនៃការចូលរួមកម្សាន្តរីករាយនៅរមណីយដ្ឋានវត្តភ្នំ កាលពីយប់មិញនេះ។
![](https://www.kampucheathmey.com/wp-content/uploads/2023/04/វត្តភ្នំ២-1024x614.jpg)
![](https://www.kampucheathmey.com/wp-content/uploads/2023/04/វត្តភ្នំ៣-1024x614.jpg)
![](https://www.kampucheathmey.com/wp-content/uploads/2023/04/វត្តភ្នំ៤-1-1024x614.jpg)
ទិដ្ឋភាពទាំងនេះ អាចបង្ហាញបានថា ក្នុងឱកាសពិធីចូលឆ្នាំថ្មី ឆ្នាំថោះនេះ រមណីយដ្ឋានប្រវត្តិសាស្ត្ររបស់រាជធានីភ្នំពេញ បានទាក់ទាញទេសចរជាតិ និងអន្តរជាតិ ឱ្យមកកម្សាន្តច្រើនខុសពីឆ្នាំកន្លង ដែលឆ្នាំនេះ រមណីយដ្ឋានវត្តភ្នំ មានអ្នកមកចូលរួមកម្សាន្តសប្បាយច្រើន ចាប់តាំងពីថ្ងៃទី១ ដល់ថ្ងៃទី៣ និងសូម្បីតែដល់ថ្ងៃបញ្ចប់នៃពិធីបុណ្យចូលឆ្នាំហើយក៏ដោយ នៅតែមានអ្នកមកកម្សាន្តច្រើន។
គួរបញ្ជាក់ថា ពិធីចូលឆ្នាំប្រពៃណីជាតិខ្មែរ ដែលប្រពឹត្តិទៅអស់រយៈពេល ៣ថ្ងៃ ចាប់ពីថ្ងៃទី១៤ ដល់ ថ្ងៃទី១៦ នៅក្នុង ឆ្នាំ២០២៣នេះ គឺជាមហាព្រឹត្តិការណ៍ដ៏អស្ចារ្យសម្រាប់កម្ពុជាជាលើកដំបូង ដែលមានការរៀបចំព្រឹត្តិការណ៍សង្ក្រាន្ត នៅទូទាំង២៥ ខេត្ត-ក្រុង និងមានមនុស្សចូលរួមច្រើនកុះករគ្រប់ទិសទី៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ