ព័ត៌មានជាតិ
បុរសម្នាក់ លួចនាំពលករខ្មែរ១១នាក់ និងក្នេងម្នាក់ឆ្លងដែនទៅថៃ ត្រូវកម្លាំងការពារឃាត់ខ្លួន
យុវជនម្នាក់ត្រូវនគរបាលជំនាញ ការិយាល័យ ប្រឆាំងការជួញដូរមនុស្ស និងការពារអនីតិជនឃាត់ខ្លួន ជាប់ចោទអំពីបទល្មើសជួញដូរមនុស្ស នៅរសៀលថ្ងៃទី១៨ ខែមករា ឆ្នាំ២០២១។
លោកវរសេនីយ៍ឯក ជា ស្លូញ អធិការនគរបាលស្រុកស្វាយចេក បានឲ្យដឹងថា ជនសង្ស័យមាន ឈ្មោះ ប៉ិក ដូត ភេទប្រុស អាយុ៣៦ឆ្នាំ រស់នៅភូមិចំការគ ឃុំស្វាយចេក ស្រុកស្វាយចេក ខេត្តបន្ទាយមានជ័យ។ លោកបានបញ្ជាក់ឲ្យដឹងបន្តទៀតថា យុវជននេះ ត្រូវបានកម្លាំងយោធាការពារព្រំដែនគោកវរសេនាតូចលេខ៥០៣ល្បាត ប្រទះឃើញកំពុងជូនពលករខ្មែរ ប្រុស ស្រីចំនួន១១នាក់ ក្នុងនោះក្មេងតូចអាយុ៣ខែ១នាក់លួចឆ្លងដែន នៅចំណុចចម្ការស្វាយ បានធ្វើការចាប់ឃាត់ខ្លួននៅវេលាម៉ោង១០យប់ ហើយបានបញ្ជូនមកកាន់អធិការដ្ឋាននគរបាលស្រុកស្វាយចេក ដើម្បីសាកសួរ ចំណែកពលករប្រុស ស្រីទាំង១១នាក់ ក្នុងនោះក្មេងប្រុសតូច១នាក់ផងនោះ បាននាំទៅមណ្ឌលធ្វើចត្តាឡីស័ក នៅមណ្ឌលសំចតឃុំអូរបីជាន់ ស្រុកអូរជ្រៅ ខេត្តបន្ទាយមានជ័យរួចរាល់អស់ហើយ។
លោកវរសេនីយ៍ទោ ឡាយ គឹមលួន នាយការិយាល័យ នគរបាលប្រឆាំង ការជួញដូរមនុស្ស និងការពារអនីតិជន បានឲ្យដឹងថា នៅចំពោះមុខសមត្ថកិច្ចជនសង្ស័យឈ្មោះ ប៉ិក ដូត បានសារភាពថាខ្លួននិងបក្សពួកគេ២នាក់ទៀត ឈ្មោះ ឡុំ ភេទប្រុសនិង ឈ្មោះថា ភេទប្រុស ពិតជាបានធ្វើសកម្មភាពនាំមនុស្សចំនួនទាំង១១នាក់ ក្មេងប្រុសតូច១នាក់ ជូនឆ្លងដែនទៅធ្វើការនៅប្រទេសថៃនោះពិតប្រាកដមែន ដោយយកកម្រៃជូនឆ្លងដែនក្នុងម្នាក់១០០បាត ពេលពួកខ្លួននាំពលករដើរទៅដល់ចំណុចតំបន់ស្វាយសនៃព្រំដែន ត្រូវបានកម្លាំងយោធាខ្មែរ។ លោក ឡាយគឹមលួន បានបញ្ជាក់ឲ្យដឹងទៀតថា អនុវត្តតាមបទបញ្ជាលោកឧត្តមសេនីយ៍ទោសិទ្ធិ ឡោះ ស្នងការនគរបាលខេត្តនិង ចម្លើយសារភាពរបស់ជនសង្ស័យ ត្រូវបានកម្លាំងជំនាញខេត្ត បានរៀបចំសំណុំរឿងបញ្ជូនខ្លួនទៅសាលាដំបូងខេត្ត ដើម្បីចាត់ការតាមនីតិវិធីច្បាប់ហើយដែរ៕
អត្ថបទ៖ វ៉ាន់ ណាង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង