ព័ត៌មានជាតិ
សម្ដេចតេជោ ហ៊ុន សែន ថ្លែងដោយមោទនភាពថា ទំនាក់ទំនងកម្ពុជា-ជប៉ុន បានដើរដល់ដំណាក់កាលថ្មីមួយ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងដោយមោទនភាពថា ទំនាក់ទំនងរវាងកម្ពុជា-ជប៉ុន ក្នុងរយៈពេល ៧០ឆ្នាំកន្លងមកនេះ បានដើរដល់ដំណាក់កាលថ្មីមួយ នោះគឺទំនាក់ទំនងជាដៃគូយុទ្ធសាស្រ្ដគ្រប់ជ្រុងជ្រោយ។
ការថ្លែងខាងលើនេះ គ្រាដែលសម្តេចតេជោ ហ៊ុន សែន បានអញ្ជើញជាអធិបតីភាពដ៏ខ្ពង់ខ្ពស់ នៅក្នុងពិធីអបអរសាទរ ខួបអនុស្សាវរីយ៍លើកទី ១៣៧ នៃទិវាពលកកម្មអន្តរជាតិ ១ឧសភា និងពិធីបើកការដ្ឋានសាងសង់ចំណតផែកុងតឺន័រ នៅខេត្តព្រះសីហនុ និងពិធីអបអរសាទរខួបអនុស្សាវរីយ៍លើកទី ៧០ នៃទំនាក់ទំនងការទូតរវាងកម្ពុជា និងជប៉ុន ដែលប្រារព្ធធ្វើឡើងនៅចំណតកំពង់ផែក្រុងព្រះសីហនុ នាព្រឹកថ្ងៃទី ១ ខែឧសភា ឆ្នាំ ២០២៣នេះ។
សម្ដេចតេជោ ហ៊ុន សែន បានថ្លែងថា សម្ដេច មានមោទនភាពណាស់ ចំពោះទំនាក់ទំនងរវាងកម្ពុជា-ជប៉ុន ក្នុងរយៈពេល ៧០ឆ្នាំកន្លងមកនេះ ហើយមកដល់ម៉ោងនេះ សម្ដេចអាចនិយាយបានថា កម្ពុជា-ជប៉ុន បានដើរដល់ដំណាក់កាលថ្មីមួយ នៃទំនាក់ទំនង។
សម្ដេចតេជោ ហ៊ុន សែន ថែ្លងបែបនេះថា «កាលពីខ្ញុជួយអតីតនាយករដ្ឋមន្ត្រី ស៊ិនហ្សូ អាបេ ភាគីយើងទាំងពីរ បានលើកកម្ពស់ភាពជាដៃគូយុទ្ធសាស្រ្ដ មិនទាន់ប្រើប្រាស់ពាក្យគ្រប់ជ្រុងជ្រោយទេ នៅពេលដែលឯកឧត្ដម គីស៊ីដា ទស្សនកិច្ចនៅកម្ពុជានៅខែមីនា ឆ្នាំ ២០២២កន្លងទៅ ខ្ញុំបានលើកជាមួយឯកឧត្ដមនាយករដ្ឋមន្ត្រី គីស៊ីដា ថា ទំនាក់ទំនងរបស់យើងវារីកចម្រើនហើយ គួរតែរុញវាឲ្យទៅដល់ដំណាក់នៃទំនាក់ទំនងយុទ្ធសាស្រ្ដគ្រប់ជ្រុងជ្រោយ»។
សម្ដេចតេជោ ហ៊ុន សែន បានថ្លែងបន្តថា ១ខែក្រោយមក សម្ដេច បានធ្វើដំណើរទៅកាន់ប្រទេសជប៉ុន ដើម្បីចូលរួមក្នុងវេទិកាទឹក សម្ដេច បានលើកករណីខាងលើនេះម្ដងទៀត។ ក្រោយមកទៀត នៅពេលដែលសម្ដេច ទៅចូលរួមបុណ្យសពអតីតនាយករដ្ឋមន្ត្រីជប៉ុន ស៊ិនហ្សូ អាបេ សម្ដេច បានលើកឡើងម្ដងទៀតនូវករណីខាងលើនេះ។
បន្ទាប់មកនៅខែវិច្ឆិកា ឆ្នាំ ២០២២ នាយករដ្ឋមន្ត្រី គីស៊ីដា ដែលអញ្ជើញទស្សនកិច្ចនៅក្នុងប្រទេសកម្ពុជា ហើយក្នុងជំនួបទ្វេភាគីជាមួយសម្ដេច និងលោក គីស៊ីដា បានឯកភាពគ្នាថា ខួបលើកទី ៧០ នៃទំនាក់ទំនងរវាងកម្ពុជា-ជប៉ុន ត្រូវលើកកម្ពស់ទំនាក់ទំនងនោះ ឲ្យទៅជាដៃគូយុទ្ធសាស្រ្ដគ្រប់ជ្រុងជ្រោយ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ