Connect with us

ព័ត៌មានជាតិ

ប្រធានសារមន្ទីរថា ភ្ញៀវចូលទស្សនាសារមន្ទីរជាតិភាគច្រើនជាជនបរទេស ខ្មែរមានតិចតួចណាស់

បានផុស

នៅ

សារមន្ទីរជាតិមានការដាក់តាំងនៅវត្ថុបុរាណជាច្រើនប្រភេទ សម្រាប់ឲ្យភ្ញៀវទេសចរណ៍ជាតិ និងអន្តរជាតិចូលទស្សនាកម្សាន្ត និងបានដឹងពីប្រវត្តិរបស់វត្ថបុរាណទាំងនោះ។ យ៉ាងណាមិញនាពេលបច្ចុប្បន្ននេះសម្រាប់ភ្ញៀវទេសចរចូលទស្សនាសារមន្ទីរជាតិ ភ្ញៀវទេសចរជាតិ មានចំនួនតិចជាងភ្ញៀវអន្តរជាតិ។ នេះបើតាមការឲ្យដឹងពីប្រធានសារមន្ទីរជាតិ លោក ឆាយ វិសុទ្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឆាយ វិសុទ្ធ តាមរយ:កិច្ចសម្ភាសន៍ Grow under peace របស់សារព័ត៌មានកម្ពុជាថ្មីបានឲ្យដឹងថា ការដែលនាំឲ្យភ្ញៀវជាតិមានចំនួនតិចជាងភ្ញៀវបរទេសបែបនេះ ព្រោះតែប្រជាជនខ្មែរយើងនៅពេលដែលបានចូលទៅទស្សនាម្តងហើយលែងចង់ទៅទស្សនាម្តងទៀត។ មួយវិញទៀតដោយសារតែសារមន្ទីរជាតិមិនមានរៀបចំនូវព្រឹត្តិការណ៍ប្រចាំឆ្នាំ ដើម្បីទាក់ទាញភ្ញៀវទេសចរក្នុងស្រុកឲ្យមកទស្សនាបានជាប់ជាប្រចាំ។

បើតាមលោក ឆាត វិសុទ្ធ នៅពេលបច្ចុប្បន្ន ឬអនាគត សារមន្ទីរក៏មានគម្រោងរៀបចំនៅព្រឹត្តិការណ៍ផ្សេងៗ ដើម្បីទាក់ទាញភ្ញៀវទេសចរជាតិឲ្យមកចូលរួមទស្សនាឲ្យបានច្រើនផងដែរ។

លោកប្រធានសារមន្ទីរជាតិដដែលរូបនេះបានបន្ថែមទៀតថា ដោយឡែកសម្រាប់ភ្ញៀវទេសចរបរទេសវិញ បើទោះបីជាពួកគេត្រូវការចំណាយប្រាក់ក្នុងការចូលទស្សនាសារមន្ទីរជាតិក៏ពិតមែន ប៉ុន្តែដោយសារតែការចូលចិត្តដើរកម្សាន្តច្រើន ជាពិសេសនៅពេលចុងសប្តាហ៍ ឬនៅថ្ងៃឈប់សម្រាកគេតែងតែនាំក្រុមគ្រួសារពួកគេទៅទស្សនាសារមន្ទីរ ដើម្បីបណ្តុះចិត្តស្រលាញ់វប្បធម៌ ឬមរតកដែលដូនតាបន្សល់ទុក។

គួរបញ្ជាក់ផងដែរថា ការចូលទស្សនាសារមន្ទីរជាតិសម្រាប់ភ្ញៀវជាតិតម្លៃសំបុត្រចូលទស្សនាត្រឹមតែ៥០០រៀលប៉ុណ្ណោះ និងមានការបើកឲ្យចូលទស្សនាជារៀងរាល់ថ្ងៃ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ នាទី មុន

IMF ឲ្យ អ៊ុយក្រែន ខ្ចីលុយរាប់ពាន់លានដុល្លារបន្ថែមទៀតក្នុងកិច្ចសន្យា ៤ ឆ្នាំ

ព័ត៌មានជាតិ៤ នាទី មុន

ចិន នឹង​មិន​ចូលរួម​សន្និសីទ​សន្តិភាព​អ៊ុយក្រែន​​នៅ​ប្រទេស​ស្វីស​ទេ បើ​គ្មាន​វត្តមាន​រុស្ស៊ី

ព័ត៌មានជាតិ៧ នាទី មុន

លោក សៀក​ សុជាតិ ណែនាំឱ្យទប់ស្កាត់ និងស្រាវជ្រាវរកមេខ្យល់ ដែលនាំអីវ៉ាន់គេចពន្ធតាមរយៈកម្មករអូសរទេះ

ព័ត៌មានជាតិ១៥ ម៉ោង មុន

នាយករដ្ឋមន្ត្រី ឧបត្ថម្ភថវិកាសរុប៥០ម៉ឺនដុល្លារ ដល់សមាគមសិល្បករខ្មែរ​

ព័ត៌មានជាតិ១៥ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ ចេញ​សេចក្តីប្រកាស​ព័ត៌មាន​បង្ហាញ​ពី​កិច្ចខិតខំ​ប្រឹងប្រែង​ក្នុង​ការ​ជួយ​ពលការ​នី​ខ្មែរ​នៅ​ប្រទេស​អា​រ៉ា​ប៊ី​សា​អូឌីត

Sokha Hotels

ព័ត៌មានពេញនិយម