ព័ត៌មានជាតិ
សារមន្ទីរជាតិកម្ពុជា ហាមអាជីវករផ្ដល់សេវាជួលសម្លៀកបំពាក់បុរាណ មកថតរូបក្នុងបរិវេណ ដោយគ្មានការស្នើសុំ
សារមន្ទីរជាតិកម្ពុជា ហាមអាជីវករមួយចំនួន ដែលតែងតែផ្ដល់សេវាជួលសម្លៀកបំពាក់បុរាណ មកថតរូបក្នុងបរិវេណសារមន្ទីរជាតិដោយគ្មានការអនុញ្ញាត។ នេះបើយោងតាមទំព័រហ្វេសប៊ុកផ្លូវការរបស់សារមន្ទីរជាតិកម្ពុជា ដែលបានបង្ហោះកាលពីថ្ងៃទី ១០ ខែឧសភា ឆ្នាំ ២០២៣។
សារមន្ទីរជាតិកម្ពុជា បានឲ្យដឹងថា ការដែលសារមន្ទីរជាតិរឹតត្បិតចំពោះអាជីវករមួយចំនួន ដែលផ្ដល់សេវាជួលសម្លៀកបំពាក់បុរាណមកថតរូប ក្នុងបរិវេណសារមន្ទីរជាតិកន្លងមក ដោយហេតុថា៖
១.អាជីវករមិនបានទាក់ទងស្នើសុំការអនុញ្ញាតពីសារមន្ទីរជាតិ មុននឹងបញ្ចូលទីតាំងសារមន្ទីរជាតិជាផ្នែកមួយ នៃសេវាកម្មជូនអតិថិជនក្នុងការជួលសម្លៀកបំពាក់ និងថតរូប។
២.អាជីវករបានប្រើប្រាស់ស្ថាប័នរដ្ឋក្នុងការផ្ដល់សេវាកម្មសម្រាប់ប្រយោជន៍ផ្ទាល់ខ្លួនដោយគ្មានការអនុញ្ញាត ហេតុនេះ សារមន្ទីរជាតិ ចាំបាច់ត្រូវមានវិធានការណ៍ទប់ស្កាត់មួយចំនួន រាប់ទាំងការហាមឃាត់ ឬផ្អាកសកម្មភាពថតផ្ទាល់តែម្ដង រហូតដល់សារមន្ទីរជាតិ បានទទួលការណែនាំ ឬអនុញ្ញាតពីក្រសួងវប្បធម៌ និងវិចិត្រសិល្បៈ ជាមុនសិន ដើម្បីជៀសវាងនូវការរិះគន់ពីមហាជន ក៏ដូចជាការស្ដីបន្ទោសពីថ្នាក់ដឹកនាំក្រសួង។ សារមន្ទីរជាតិ ស្នើសុំក្រុមអាជីវករ ចាំបាច់ត្រូវទាក់ទងទៅក្រសួងជំនាញ (ក្រសួងវប្បធម៌ និងវិចិត្រសិល្បៈ) ដើម្បីសុំការឯកភាពលើគំរូម៉ូតសម្លៀកបំពាក់ដែលត្រូវប្រើប្រាស់សម្រាប់ជួលដល់អតិថិជន។
៣.កន្លងមកមានករណីប្រើប្រាស់សម្លៀកបំពាក់បុរាណខុសឆ្គងមួយចំនួន ជាពិសេសទៅលើការប្រើប្រាស់ពណ៌ ការរចនាគ្រឿងអលង្ការ មកុដ និងស្បៃបន្ថែមលើឈុតបុរាណ ហេតុនេះទើបសារមន្ទីរជាតិ ស្នើឲ្យមានការឆ្លងយោបល់ពីអ្នកជំនាញរបស់ក្រសួងវប្បធម៌ និងវិចិត្រសិល្បៈ ដើម្បីជៀសវាងកំហុសឆ្គងក្នុងការផ្សព្វផ្សាយដែលប្រាសចាកទម្រង់ដើម និងគ្មានមូលដ្ឋានច្បាស់លាស់។
សារមន្ទីរជាតិកម្ពុជា ក៏បានទទូចស្នើសុំអាជីវករទាក់ទងទៅក្រសួងជំនាញ ដើម្បីសុំឆ្លងយោបល់លើគំរូម៉ូតសម្លៀកបំពាក់ដែលនឹងដាក់ជួលថត ឬស្លៀកពាក់ និងសុំការអនុញ្ញាតចូលថតរូបក្នុងបរិវេណខាងមុខអគារសារមន្ទីរជាតិ។
សូមជម្រាបថា សារមន្ទីរជាតិកម្ពុជា ធ្វើការឆ្លើយតប ក្រោយមានអាជីវករជួលសម្លៀកបំពាក់បុរាណមួយចំនួន បានលើកសំនួរនៅលើបណ្ដាញសង្គមថា «តើសារមន្ទីរជារបស់អ្នកណា? របស់ជាតិ ឬក៏របស់ឯកជន?» កត្តានេះអាចធ្វើឲ្យសាធារណជនយល់ច្រឡំថា សារមន្ទីរជាតិកម្ពុជា មិនគាំទ្រដល់វិស័យឯកជនក្នុងការផ្សព្វផ្សាយលើកតម្លៃវប្បធម៌ខ្មែរ។
សារមន្ទីរជាតិកម្ពុជា បញ្ជាក់ជូនថា កន្លងមកជំហររបស់ថ្នាក់ដឹកនាំសារមន្ទីរជាតិ តែងសម្របសម្រួលជូនសាធារណជនអាចចូលប្រើប្រាស់ទីតាំងសារមន្ទីរជាតិបាន ប្រសិនបើមានការពិភាក្សា ឬស្នើសុំជាមុន និងទទួលបានការអនុញ្ញាតពីក្រសួងវប្បធម៌ និងវិចិត្រសិល្បៈ៕
អត្ថបទ ៖ ពិសី
តំណាងរាស្ត្រខេត្តរតនគិរី ឱ្យពលរដ្ឋនៅក្បែរទន្លេស្រែពកប្រុងប្រយ័ត្ន និងត្រៀមខ្លួនទៅរកទីទួលសុវត្ថិភាព បើភ្លៀងបន្តធ្លាក់ខ្លាំង
តូចចិត្តខ្លួនឯងមានជំងឺប្រចាំកាយ យកកូនកាំបិតចាក់សម្លាប់ខ្លួនក្នុងបន្ទប់
ទូតស្រីលង្ការចប់អាណត្តិការងារ ប្ដេជ្ញាបន្តជួយផ្សព្វផ្សាយអំពីសក្ដានុពលកម្ពុជាដល់ប្រជាជនស្រីលង្កា
ជលផលខេត្តកំពង់ចាមបង្ក្រាបលូស្បៃម៉ុងបានចំនួន៩មាត់ នៅស្រុកកងមាស
ជនចំណាកស្រុករាប់ពាន់នាក់សម្រុកចូលទឹកដីអាមេរិកឲ្យបានមុនការបោះឆ្នោត
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
ត្រួសៗអំពីលោកស្រី កាម៉ាឡា ហារីស ដែលលោក បៃដិន គាំទ្រជាបេក្ខភាពប្រធានាធិបតីអាមេរិក
តេស្ដរកសារធាតុញៀន៖ មនុស្ស៩៧នាក់ប៉ុណ្ណោះបានប្រើសារធាតុញៀន ក្នុងចំណោមមន្ត្រី និងកងកម្លាំងជាង៩ម៉ឺននាក់
អាជ្ញាធរម៉ាឡេស៊ី ស្ទាក់ចាប់នាវាដឹកប្រេងដែលរត់គេច ក្រោយបុកគ្នានាវាសិង្ហបុរី
បៃដិនដកខ្លួន មានន័យថា លោក ត្រាំ ជួបគ្រោះធំក្នុងដំណើរទៅអង្គុយកៅអីសេតវិមានជាថ្មី
-
ព័ត៌មានជាតិ១ សប្តាហ៍ agoសមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៧ ថ្ងៃ agoអ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ១ សប្តាហ៍ agoព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
សេដ្ឋកិច្ច៦ ថ្ងៃ agoចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៥ ថ្ងៃ agoត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានអន្ដរជាតិ១ សប្តាហ៍ agoជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៤ ថ្ងៃ agoក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានជាតិ១ សប្តាហ៍ agoបុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល