ព័ត៌មានជាតិ

នាំខ្លួនជនអន្តោប្រវេសន៍១គ្រួសារទៅអគ្គនាយកដ្ឋានអន្តោប្រវេសន៍ ក្រោយរកឃើញរស់នៅមិនស្របច្បាប់

បានផុស

៥ years មុន

នៅ

ថ្ងៃចន្ទ ២៥ មករា ២០២១

ដោយ

ជនអន្តោប្រវេសន៍១គ្រួសារដែលមានសមាជិក៤នាក់ ត្រូវបានសមត្ថកិច្ចជំនាញកំពុងរៀបចំបែបបទបញ្ជូនទៅកាន់អគ្គនាយកដ្ឋានអន្តោប្រវេសន៍ ខណៈដែលពួកគេមករស់នៅក្នុងខេត្តបាត់ដំបង មិនស្របច្បាប់។

លោក ដាញ់ អេងប៊ុនចាន់ ស្នងការរងទទួលផែនការងារអន្តោប្រវេសន៍ នៃស្នងការខេត្តបាត់ដំបងបានឲ្យដឹងថា ការនាំខ្លួនជនអន្តោប្រវេសន៍១គ្រួសារខាងលើនេះ ធ្វើឡើងនៅព្រឹកថ្ងៃទី២៤ខែមករា ឆ្នាំ២០២១នេះ បន្ទាប់ពីកម្លាំងផ្នែកសន្តិសុខ ដឹកនាំដោយលោកវរសេនីយត្រី ទឹម វិឆ័យ បានចុះធ្វើបច្ចុប្បន្នភាព និងពិនិត្យមើលភាពស្របច្បាប់ទៅលើជនបរទេស(ជនជាតិវៀតណាម) មិនមានឯកសារត្រឹមត្រូវស្របតាមច្បាប់អនុញ្ញាត ខណៈកំពុងរស់នៅចំណុចផ្ទះជួលស្ថិតក្នុងភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្នងការរងបញ្ជាក់បន្ថែមថា ជនអន្តោប្រវេសន៍១គ្រួសារ ដែលមានសមាជិកចំនួន៤នាក់រួមមាន១/ឈ្មោះវីង វាំងដូង ភេទប្រុស អាយុ៣៥ឆ្នាំ ២/ឈ្មោះវិន វ៉ា ភេទស្រីអាយុ៣១ឆ្នាំ ៣/ឈ្មោះវីងទីងដាក ភេទប្រុសអាយុ១៤ឆ្នាំ ៤/ឈ្មោះវីង ធីធិនទែង ភេទស្រីអាយុ២ឆ្នាំ។

នេះជាករណីទី២ហើយ ដែលកម្លាំងទទួលផែនការងារអន្តោប្រវេសន៍នៃស្នងការខេត្តបាត់ដំបង បាននាំខ្លួនជនអន្តោប្រវេសន៍សរុបចំនួន១២នាក់ បញ្ជូនទៅកាន់ប្រទេសកំណើតវិញចាប់តាំងពីដើមខែមករា ឆ្នាំ២០២១មក៕

អត្ថបទ ៖ សៅសារិទ្ធ