រដ្ឋបាលខណ្ឌចំការមន ប្រកាសបើកយុទ្ធនាការ​១ម៉ឺនរៀល ១ម៉ឺននាក់ សម្រាប់មូលនិធិមន្ទីរពេទ្យ​​គន្ធបុប្ផា

ដើម្បីចូលរួមចំណែក និងក្ដីស្រឡាញ់ដល់កុមារនៅកម្ពុជា រដ្ឋបាលខណ្ឌចំការមន បានប្រកាសកៀរគរធ្វើយុទ្ធនាការ១ម៉ឺនរៀល ១ម៉ឺននាក់ សម្រាប់មូលនិធិមន្ទីរពេទ្យគន្ធបុប្ផា និងអំពាវនាវឲ្យសប្បុរសជនចូលរួមបរិច្ចាគឱ្យបាន​ផុសផុល។

រដ្ឋបាលខណ្ឌចំការមន ក៏បានស្នើឲ្យគ្រប់ក្រសួង-ស្ថាប័ន ក្រុមហ៊ុនឯកជន និងសប្បុរសជននានា ជាពិសេសសារព័ត៌មានជាតិ-អន្តរជាតិទាំងអស់ មេត្តា​ចូលរួមសហការផ្សព្វផ្សាយអំពីយុទ្ធនាការ “១ម៉ឺនរៀល ១ម៉ឺននាក់ ” និងចូលរួមបរិច្ចាគឱ្យបានផុសផុល ដើម្បីជួយសង្រ្គោះកុមារ នៅកម្ពុជា។

សូមបញ្ជាក់ថា នៅព្រឹកថ្ងៃទី២០ ខែមិថុនា ឆ្នាំ២០២៣នេះ ក្រុម​ការងារ​រដ្ឋបាល​ខណ្ឌ​ បាន​ប្រគល់​QR​ មូលនិធិ​សម្រាប់មន្ទីរពេទ្យ​​គន្ធបុប្ផា​ ជូន​រដ្ឋបាល​សង្កាត់​ទាំង​៥​ ក្នុង​មូលដ្ឋានខណ្ឌ ដើម្បីធ្វើការផ្សព្វផ្សាយដល់សប្បុរសជននានា ដែលមានបំណងចង់រួមជាមួយរដ្ឋបាលខណ្ឌចំការមន។ ជាមួយគ្នានេះ រដ្ឋបាលខណ្ឌក៏បានបង្ហាញនូវតំណរភ្ជាប់ដូចខាងក្រោម៖

សូមស្កែន KHQR CODE ខាងក្រោមនេះ ឬចុចតំណរនេះដើម្បីបរិច្ចាគ

https://bit.ly/3LadoxO (តំណទៅកាន់ KH QRCODE)

https://bit.ly/3XBzbDn (តំណទៅកាន់លេខគណនី)៕

អត្ថបទ៖ សុខុម